Frozen Penis: फिनिश स्कीयरने सांगितला हिवाळी ऑलिंपिक दरम्यानचा वेदनादायक अनुभव, म्हणाला - ‘सर्वात वाईट स्पर्धांपैकी एक’
खराब हवामानामुळे शर्यत 30 किमी पर्यंत कमी केली गेली असली तरी, परिस्थितीने फिनलंडच्या स्कीयरला मदत केली नाही आणि त्याच्या शरीराचा एक संवेदनशील भाग गोठला गेला.
बीजिंग (Beijing) येथे नुकत्याच संपुष्टात आलेल्या हिवाळी ओलंम्पिक (Winter Olympics) खेळादरम्यान पुरुषांच्या 50km मास स्टार्ट क्रॉस कंट्री स्कीइंग (Cross-Country Skeing) शर्यत पूर्ण केल्यानंतर एका हिवाळी ऑलिम्पियन खेळाडूला ‘असह्य’ वेदनादायक गोठलेल्या लिंगाचा (Peni) त्रास झाल्याचे समोर आले. बीजिंग खेळात 50 किमी मास स्टार्ट इव्हेंटमध्ये स्किंग करताना फिनलंडच्या क्रॉस-कंट्री स्कीयर रेमी लिंडहोमला (Remi Lindholm) खूपच अस्वस्थता जाणवली. खराब हवामानामुळे शर्यत 30 किमी पर्यंत कमी केली गेली असली तरी, परिस्थितीने फिनलंडच्या स्कीयरला मदत केली नाही आणि त्याच्या शरीराचा एक संवेदनशील भाग गोठला गेला. आयोजकांना शनिवारच्या शर्यत दरम्यान फ्रॉस्टबाइटची चिंता होती. स्पर्धा एक तासाने विलंबाने सुरु झाली आणि 20 किमीने कमी झाली, वृत्तसंस्था रॉयटर्सने वृत्त दिले.
शर्यतीनंतर, रेमी लिंडहोम थेट लॉकर रूममध्ये गेला आणि त्याचे लिंग वितळण्यासाठी हीट पॅक वापरला. “मी (शर्यत) पूर्ण केल्यावर शरीराचा कोणता भाग थोडासा गोठला होता याचा तुम्ही अंदाज लावू शकता... मी ज्या सर्वात वाईट स्पर्धांमध्ये गेलो होतो त्यापैकी ती एक होती. ती फक्त लढण्यासाठी होती,” लिंडहोमने फिनिश मीडियाला सांगितले. इतकंच नाही तर इंस्टाग्राम स्टोरीच्या मालिकेत रेमी लिंडहोमने सोशल मीडियावर यूजर्सच्या टिप्पण्यांचे स्क्रीनशॉट पोस्ट केले ज्याने शर्यतीदरम्यान त्याच्यासोबत काय घडले याची माहिती दिली. “होय, वर्षातील सर्वात धक्कादायक स्पोर्टिंग क्षण,” रेमी लिंडहोमने शेअर केलेल्या Instagram यूजरने एक पोस्टमध्ये लिहिले.
View this post on Instagram
दरम्यान, पुरुषाचे जननेंद्रिय गोठवण्याची ही दुसरी वेळ ठरली कारण गेल्या वर्षी फिनलंडमधील रुका येथे अशाच प्रकारची घटना घडली. लिंडहोमने केलेल्या बलिदानानंतरही, तो शर्यतीत 28 व्या स्थानावर राहिला. ही शर्यत रशियन ऑलिम्पिक समिती (आरओसी) ऍथलीट अलेक्झांडर बोलशुनोव्हने जिंकली. दुसरीकडे, बीजिंग हिवाळी ऑलिम्पिक आयलीन गु सारख्या नवीन तार्‍यांसाठी पण 15 वर्षीय फिगर स्केटर कमिला व्हॅलिवा हिच्या सोबतच्या वादासाठी देखील लक्षात ठेवले जाईल.