IND vs NZ 1st ODI Live Streaming: श्रीलंकेनंतर भारतासमोर न्यूझीलंडचे आव्हान, पहिला सामना कधी आणि कुठे पाहणार, घ्या जाणून

IND vs NZ 1st ODI: भारतीय संघ आता श्रीलंकेनंतर न्यूझीलंडचे यजमानपद भूषवणार आहे. दोन्ही संघांमध्ये तीन एकदिवसीय सामन्यांची मालिका (IND vs NZ) खेळवली जाणार आहे. या मालिकेतील पहिला सामना बुधवारी म्हणजे आज हैदराबादच्या राजीव गांधी आंतरराष्ट्रीय स्टेडियमवर होणार आहे. टीम इंडिया या वर्षी सलग दुसरी एकदिवसीय मालिका जिंकण्याकडे लक्ष देईल. भारतीय संघाने त्यांच्या घरच्या मैदानावर न्यूझीलंडविरुद्ध एकदिवसीय मालिका कधीही गमावलेली नाही. या दोघांमध्ये 1988 पासून भारतीय भूमीवर सहा मालिका झाल्या आहेत. टीम इंडिया प्रत्येक वेळी विजय मिळवण्यात यशस्वी ठरली आहे. एकूण विक्रमाबद्दल बोलायचे झाले तर, गेल्या दोन वनडे मालिकेत न्यूझीलंडविरुद्ध भारताला विजय मिळवता आला नाही. किवी संघाने त्यांना त्यांच्या घरच्या मैदानावर 2020 आणि 2022 मध्ये दोन एकदिवसीय मालिकेत पराभूत केले होते. (हे देखील वाचा: Virat Kohli Record: विराट कोहलीच्या बॅटने पुन्हा धावांचा पाऊस पडणार, यावेळी पाँटिंग-सेहवागचा विक्रम निशान्यावर)

भारत आणि न्यूझीलंड यांच्यातील पहिला वनडे सामना कधी आणि कुठे खेळवला जाणार आहे.

भारत आणि न्यूझीलंड यांच्यातील पहिला एकदिवसीय सामना 18 जानेवारी म्हणजेच बुधवारी होणार आहे. आणि हा सामना हैदराबादच्या राजीव गांधी आंतरराष्ट्रीय स्टेडियमवर खेळवला जाणार आहे.

भारत आणि न्यूझीलंड यांच्यातील पहिला वनडे कधी सुरू होईल?

भारत आणि न्यूझीलंड यांच्यातील पहिला एकदिवसीय सामना भारतीय वेळेनुसार दुपारी 1.30 वाजता खेळवला जाईल. नाणेफेक दुपारी एक वाजता होईल.

सामना कोणत्या टीव्ही चॅनेलवर प्रसारित होईल?

स्टार स्पोर्ट्स नेटवर्ककडे भारत आणि न्यूझीलंड एकदिवसीय मालिका प्रसारित करण्याचे अधिकार आहेत. हा सामना तुम्ही स्टार स्पोर्ट्सच्या वेगवेगळ्या चॅनेलवर हिंदी आणि इंग्रजी व्यतिरिक्त देशातील इतर भाषांमध्ये कॉमेंट्रीसह पाहू शकता.

फोन किंवा लॅपटॉपवर लाईव्ह मॅच कशी पाहणार?

भारतातील हॉटस्टार अॅपवर या सामन्याचे लाईव्ह-स्ट्रीमिंग पाहता येईल.

लाइव्ह मॅच मोफत कशी बघणार?

या सामन्याचे थेट प्रक्षेपण तुम्ही डीडी स्पोर्ट्स चॅनलवर डीडी फ्री डिशवर पाहू शकता. यासाठी कोणतेही शुल्क लागत नाही. तुमच्या घरी टाटा स्काय कनेक्शन असल्यास, तुम्ही टाटा प्ले अॅपवरही सामना पाहू शकता. यासाठी तुम्हाला अतिरिक्त शुल्क देखील लागणार नाही.

(The above story first appeared on LatestLY on Jan 18, 2023 12:33 PM IST. For more news and updates on politics, world, sports, entertainment and lifestyle, log on to our website latestly.com).