Khelo India Youth Games 2020 Medal Tally: महाराष्ट्र संघाचे वर्चस्व कायम, हरयाणाने गाठला 100 पदकांचा आकडा

गतविजेत्या महाराष्ट्राने (Maharashtra) आसाममधील गुवाहाटी येथे 2020 च्या खेलो इंडिया गेम्सच्या (Khelo India Youth Games) तिसर्‍या आवृत्तीवर वर्चस्व कायम ठेवले तर हरियाणा (Haryana) आणि दिल्लीने (Delhi) जोरदार कामगिरी बजावली. 2019 मधील महाराष्ट्राचे विजेते आणि मल्टी-स्पोर्ट इव्हेंटच्या उद्घाटन आवृत्तीमध्ये उपविजेते महाराष्ट्रने आधीच 2020 खेलो इंडिया क्रीडा स्पर्धेच्या दहाव्या दिवशी 150 हून अधिक पदकं जिंकली आहेत. यामध्ये 42 सुवर्ण पादकांचा समावेश आहे. हरियाणा हे एकमेव अन्य राज्य आहे ज्याने आजवर 100 पदकांची नोंद पार केली असून उत्तर भारतीय राज्याने एकूण 125 पदकांची नोंद केली आहे. दिल्ली 85 पदकांसह तिसऱ्या स्थानावर आहे तर यजमान आसामने झुंजार कामगिरी करत सध्या 32 पदकांसह दहाव्या स्थानावर विराजमान आहे. दरम्यान, जर आपण 2020 खेलो इंडिया युथ गेम्समधील नवीनतम पदकांची स्थिती आणि पदकांची यादी शोधत असाल तर, कृपया खाली स्क्रोल करा.

महाराष्ट्राने आजवर 49 सुवर्ण, 49 रौप्य आणि 73 कांस्यपदकांसह एकूण 171 पदके जिंकली आहेत. हरियाणाने दुसरे सर्वाधिक 40 सुवर्ण, 37 रौप्य आणि 48 कांस्यपदकं जिंकली असून आजवर एकूण 125 पदकांची नोंद केली आहे, तर दिल्लीने 27 सुवर्ण, 23 रौप्य व 35 कांस्यपदके जिंकली आहेत. मागील तीन आवृत्त्यांमध्ये या तिन्ही राज्यांनी आपापसांत नेहमीच पहिले तीन स्थान मिळवले आहे.

खेलो इंडिया यूथ गेम्स (केआयवायजी) ची तिसरी आवृत्ती 2020 मध्ये आसामच्या गुवाहाटी येथे आयोजित केली जात आहे. खेलो इंडिया यूथ गेम्स 2020 10 जानेवारी 2020 ते 22 जानेवारी या कालावधीत खेळली जाईल. वेगवेगळ्या विषयांमधील सुमारे 20 स्पर्धा तृतीय वर्षाच्या युवा क्रीडा स्पर्धेचा भाग असणार आहे. ही स्पर्धा अंडर -17 आणि 21 वर्षांखालील वयोगटांतील गटांमध्ये होणार आहे.

(The above story first appeared on LatestLY on Jan 19, 2020 01:59 PM IST. For more news and updates on politics, world, sports, entertainment and lifestyle, log on to our website latestly.com).