Tokyo Olympics 2020: दिपक पुनियाच्या प्रशिक्षकाची पंचाला मारहाण, टोकियो ऑलिम्पिकमधून झाली हकालपट्टी

भारतीय कुस्ती महासंघाने (WFI) शुक्रवारी दीपक पुनियाचे (Deepak Punia) परदेशी प्रशिक्षक मुराद गैदारोव (Instructor Murad Gaidarov) यांना पदावरून काढून टाकले आहे. त्यामुळे टोकियो ऑलिम्पिकमधून (Tokyo Olympics) वगळण्यात आले होते. हा पंच भारतीय कुस्तीपटूच्या (Wrestler) कांस्यपदकाच्या प्ले-ऑफमध्ये उपस्थित होता. ज्यात दीपक पुनिया (Deepak Punia) सॅन मारिनोच्या माईल्स नाझीम अमीन यांच्याकडून पराभूत झाला. या सामन्यानंतर गैदारोव रेफरीच्या (Referee) खोलीत गेले आणि त्याला मारहाण केली. युनायटेड वर्ल्ड रेसलिंग (UWR) खेळाची जागतिक प्रशासकीय संस्था डब्ल्यूएफआयला पुन्हा शिस्तीच्या सुनावणीसाठी बोलावले होते. ज्यामध्ये राष्ट्रीय महासंघासमोर लाजिरवाणी परिस्थिती निर्माण झाली. कारण त्याच्यांवर बंदी घालण्याचा विचार केला जात होता.

डब्ल्यूएफआयचे सरचिटणीस विनोद तोमर म्हणाले आम्ही त्यांना सांगितले की भारतीय प्रशिक्षक खूप चांगले स्वभावाचे आहेत. जरी गैदारोव भारतीय कुस्तीपटूंना प्रशिक्षण देतात परंतु त्यांच्या कोणत्याही कामाचा डब्ल्यूएफआयवर परिणाम होऊ नये. आम्ही त्याला आश्वासन दिले की गैदारोवला तत्काळ प्रभावाने काढून टाकले जाईल. आम्ही बंदीपासून थोडक्यात बचावलो आहोत. असे तोमर यांनी प्रतिक्रिया दिली.

इंडियन ऑलिम्पिक असोसिएशनचे (IOA) सरचिटणीस राजीव मेहता यांनीही गैदारोव यांना क्रीडा गावातून बाहेर फेकले जात असल्याचे सांगितले. त्यांनी ट्वीट करत भारतीय कुस्ती संघाचे परदेशी सहाय्यक प्रशिक्षक मुराद गैदारोव मॅच रेफरीसोबत झालेल्या भांडणात गुंतले होते. ज्यामुळे त्याला लगेचच टोकियो ऑलिम्पिक गेम्स गावाबाहेर फेकण्यात आले आहे. भारताच्या पहिल्या फ्लाइटमध्ये त्याला परत बोलावण्यात आले आहे. अशी माहिती त्यांनी दिली आहे. 2008 च्या बीजिंग ऑलिम्पिकमध्ये गैदारोवने बेलारूससाठी रौप्य पदक जिंकले आहे. 2004 च्या ऑलिम्पिक स्पर्धेत त्यांना अपात्र ठरवण्यात आले होते. जेव्हा उपांत्यपूर्व फेरी गमावल्यानंतर त्याच्या प्रतिस्पर्ध्याशी मैदानाबाहेर बाचाबाची झाली होती.