ZIM vs AFG 1st ODI 2024: अफगाणिस्तान-झिम्बाब्वे यांच्यातील पहिला वनडे सामना मुसळधार पावसामुळे रद्द; 9.2 षटकांचाच खेळ झाला

Zimbabwe National Cricket Team vs Afghanistan National Cricket Team: झिम्बाब्वे विरुद्ध अफगाणिस्तान (ZIM vs AFG 1st ODI 2024) यांच्यातील 3 सामन्यांच्या वनडे मालिकेतील पहिला सामना 17 डिसेंबर (मंगळवार) रोजी हरारे येथील हरारे स्पोर्ट्स क्लब येथे भारतीय वेळेनुसार दुपारी होणार होता. दुपारी 1 वाजता सामना खेळला जाणार होता. मात्र पावसामुळे नाणेफेक सुमारे साडेचार तासांनंतर झाली. सामना 28 षटकांचा करण्यात आला. मात्र, पावसाने खेळ झालाच नाही. अफगाणिस्तानने नाणेफेक जिंकून प्रथम गोलंदाजी करण्याचा निर्णय घेतला होता. (हेही वाचा :IND vs AUS 3rd Test 2024 Day 4: फॉलोऑनचा धोका टाळताच विराट कोहली आणि गौतम गंभीर आक्रमक सेलिब्रेशन, ड्रेसिंग रूममधील व्हिडिओ व्हायरल)

पावसामुळे सामना रद्द

पावसामुळे सामना खेळला गेला नाही. अफगाणिस्तानची सामना जिंकण्याची संधी हिरावली. खेळात फक्त 9.2 षटके उरली असताना पावसाने जोरदार हजेरी लावली आणि सामना थांबवावा लागला. काही काळ खेळ पुन्हा सुरू होईल अशी आशा होती, मात्र मुसळधार पावसाने त्या आशा धुळीस मिळवल्या.

अफगाणिस्तान विरुद्ध झिम्बाब्वे सामन्याची स्थिती

अफगाणिस्तानचा वेगवान गोलंदाज अजमतुल्ला ओमरझाईने आपल्या स्विंग आणि घातक गोलंदाजीने झिम्बाब्वेच्या फलंदाजीचे कंबरडे मोडले. त्याने एकूण 4 बळी घेतले आणि फलंदाज त्याच्या चेंडूंवर सतत संघर्ष करताना दिसले. अजमातुल्लाहने तदिवनाशे मारुमणी (6), ब्रायन बेनेट (0), बेन करन (15) आणि शॉन विल्यम्स (0) यांना पॅव्हेलियनमध्ये पाठवले.

पावसाने व्यत्यय आणलेल्या या सामन्यात झिम्बाब्वेने 9.2 षटकात 44 धावा केल्या होत्या आणि 5 विकेट पडल्या होत्या. सलामीवीर तदिवानाशे मारुमणी अवघ्या 6 धावा करून बाद झाल्यावर झिम्बाब्वेची सुरुवात खराब झाली. यानंतर ब्रायन बेनेट पहिल्याच चेंडूवर खाते न उघडता पॅव्हेलियनमध्ये परतला. बेन कुरन (15) आणि डिऑन मायर्स (12) यांनी काही प्रयत्न केले असले तरी अजमतुल्ला आणि अल्लाह गझनफर यांच्या धारदार गोलंदाजीसमोर संघ टिकू शकला नाही.