IND vs SL 1st T20I: यशस्वी जैस्वाल 47 धावा करताच इतिहास रचणार, हा टप्पा गाठणारा 2024 चा ठरणार पहिला फलंदाज

IND vs SL 1st T20I: भारत आणि श्रीलंका (IND vs SL T20I Series) यांच्यातील तीन सामन्यांच्या मालिकेतील पहिला टी-20 सामना शनिवारी (27 जुलै) पल्लेकेले आंतरराष्ट्रीय स्टेडियमवर खेळवला जाणार आहे. या सामन्यातून दोन्ही संघांसाठी एका नव्या पर्वाची सुरुवात होत आहे. या मालिकेत टीम इंडियाची कमान सूर्यकुमार यादवच्या (SuryaKumar Yadav) हाती आहे. तर चारिथ असलंकाला श्रीलंकेचा कर्णधार बनवण्यात आले आहे. या सामन्यात संघाचा स्टार फलंदाज यशस्वी जैस्वालला (Yashasvi Jaiswal) मोठी कामगिरी करण्याची संधी आहे. यशस्वी जैस्वालने श्रीलंकेविरुद्धच्या पहिल्या सामन्यात 47 धावा केल्या तर तो 2024 मध्ये आंतरराष्ट्रीय क्रिकेटमध्ये 1000 धावा करणारा जगातील पहिला फलंदाज ठरेल. यशस्वी जैस्वालने यावर्षी 11 सामन्यांच्या 16 डावात 953 धावा केल्या आहेत. त्याने सहा कसोटी सामन्यांमध्ये 740 धावा आणि पाच टी-20 सामन्यांमध्ये एकूण 213 धावा केल्या आहेत.

झिम्बाब्वेविरुद्ध केली होती चांगली कामगिरी 

यशस्वी जैस्वाल झिम्बाब्वेविरुद्धच्या शेवटच्या तीन टी-20 सामन्यांमध्ये टीम इंडियाच्या प्लेइंग इलेव्हनचा भाग होता. त्याने चौथ्या सामन्यात 53 चेंडूत 93 धावांची खेळी खेळली. तो सध्या टी-20 मध्ये आयसीसी क्रमवारीत सहाव्या स्थानावर आहे. अशा स्थितीत त्याला श्रीलंकेविरुद्ध चांगली कामगिरी करून टॉप 10 मध्ये स्थान मिळवायचे आहे. (हे देखील वाचा: IND vs SL, 1st T20I: टीम इंडिया आणि श्रीलंका यांच्यात आज होणार रोमांचक सामना, 'या' महान खेळाडूंमध्ये होणार चुरशीची लढत)

2024 मध्ये सर्वाधिक धावा करणारे फलंदाज

दोन्ही संघाचे खेळाडू

भारतीय टी-20 संघ : सूर्यकुमार यादव (कर्णधार), शुभमन गिल, यशस्वी जैस्वाल, रिंकू सिंग, रियान पराग, ऋषभ पंत (विकेटकीपर), संजू सॅमसन (विकेटकीपर), हार्दिक पंड्या, अर्शदीप सिंग, खलील अहमद, मोहम्मद सिराज, शिवम दुबे, अक्षर पटेल, वॉशिंग्टन सुंदर आणि रवी बिश्नोई.

श्रीलंकेचा टी-20 संघ: चरित असलंका (कर्णधार), दिनेश चंडिमल, अविष्का फर्नांडो, कुसल मेंडिस (विकेटकीपर), पाथुम निसांका, कुसल परेरा, वानिंदू हसरंगा, कामिंदू मेंडिस, दिलशान मदुशंका, मथिशा पाथिराना, महेश थेक्सानाल, दुहेशानाल, शैथेनाल चामिंडू, विक्रमसिंघे, बिनुरा फर्नांडो आणि असिथा फर्नांडो.