Wriddhiman Saha Retirement: न्यूझीलंड मालिकेनंतर रिद्धिमान साहाची निवृत्तीची घोषणा, 'ही' स्पर्धा असेल शेवटची

Wriddhiman Saha: टीम इंडियाने नुकतीच न्यूझीलंडविरुद्ध तीन सामन्यांची कसोटी मालिका खेळली. या मालिकेत टीम इंडियाला 0-3 असा पराभव स्वीकारावा लागला होता. भारतीय क्रिकेटच्या इतिहासात टीम इंडियाचा घरच्या भूमीवर तीन सामन्यांच्या कसोटी मालिकेत व्हाईटवॉश होण्याची ही पहिलीच वेळ होती. आता या लाजिरवाण्या पराभवानंतर टीम इंडियाच्या यष्टीरक्षक फलंदाजाने अचानक निवृत्ती जाहीर केली. बंगालकडून रणजी ट्रॉफीमध्ये खेळणारा भारताचा स्टार यष्टीरक्षक फलंदाज रिद्धिमान साहा याने सोशल मीडियाच्या माध्यमातून निवृत्तीची घोषणा केली. यावेळी तो त्याच्या कारकिर्दीतील शेवटचा रणजी हंगाम खेळत असल्याचे साहाने सांगितले. 2021 मध्ये त्याने टीम इंडियासाठी शेवटचा सामना खेळला होता.

माजी कर्णधार एमएस धोनीच्या निवृत्तीनंतर साहाकडे काही काळ भारतीय कसोटी संघाचा कायमस्वरूपी यष्टीरक्षक म्हणून पाहिले जात होते. तथापि, त्यानंतर 2021 मध्ये, भारतीय संघ व्यवस्थापनाने साहाला संघातून काढून टाकण्याचा निर्णय घेतला आणि ऋषभ पंतचा बॅकअप म्हणून केएस भरतची निवड करण्यात आली. मात्र, आता भारतही टीम इंडियाच्या सेटअपमधून जवळपास बाहेर पडला आहे. आजकाल ध्रुव जुरेलला कसोटी टीम इंडियामध्ये पंतचा बॅकअप म्हणून पाहिले जाते.

साहाने शेवटचा हंगाम खेळण्याची सोशल मीडियावर केली घोषणा 

सोशल मीडियावर शेअर केलेल्या पोस्टमध्ये साहाने लिहिले की, "क्रिकेटमधील एका अविस्मरणीय प्रवासानंतर, हा सीझन माझा शेवटचा असेल. मी निवृत्तीपूर्वी फक्त रणजी ट्रॉफीमध्ये खेळत आहे हा हंगाम संस्मरणीय बनवूया."

ऋद्धिमान साहाची आंतरराष्ट्रीय कारकीर्द

रिद्धिमान साहाने आपल्या करिअरमध्ये टीम इंडियासाठी 40 कसोटी आणि 09 वनडे खेळले आहेत. कसोटीच्या 56 डावांमध्ये त्याने 29.41 च्या सरासरीने 1353 धावा केल्या ज्यात 3 शतके आणि 6 अर्धशतकांचा समावेश आहे. याशिवाय साहाने वनडेच्या 5 डावात 41 धावा केल्या.