Jasprit Bumrah And Mohammed Shami (Photo Credit - Twitter)

आशिया कपमधील (Asia Cup2022) निराशाजनक कामगिरीनंतर टीम इंडियाची (Team India) नजर आता टी-20 वर्ल्ड कपवर आहे. त्याआधी टीम इंडियाला घरच्या मैदानावर ऑस्ट्रेलिया (AUS) आणि दक्षिणेविरुद्ध (SA) खेळायचे आहे. कांगारू संघ भारतात तीन टी-20 सामने खेळणार आहे. त्याचबरोबर दक्षिण आफ्रिकेचा संघ तीन वनडेसह तीन टी-20 सामने खेळणार आहे. ऑस्ट्रेलियाविरुद्धच्या मालिकेसाठी टीम इंडियाची लवकरच घोषणा होऊ शकते. त्यात अनेक खेळाडूंचे पुनरागमन होऊ शकते. ऑस्ट्रेलियाविरुद्धच्या टी-20 मालिकेत मुख्य खेळाडूंना विश्रांती दिली जाण्याची शक्यता नाही. टी-20 विश्वचषकापूर्वी टीम इंडियाला पूर्ण ताकदीनिशी जायचे आहे. अशा स्थितीत आशिया कपमध्ये खेळणाऱ्या संघात अनेक बदल पाहायला मिळू शकतात. जाणून घेऊया ऑस्ट्रेलियाविरुद्ध भारतीय संघ काय असू शकतो...

रोहित शर्मा संघाचा कर्णधार तसेच सलामीवीर फलंदाज

रोहित शर्मा संघाचा कर्णधार तसेच सलामीवीर फलंदाज असेल. त्याच्यासोबत केएल राहुल असेल. आशिया चषक स्पर्धेत भारताच्या शेवटच्या सामन्यात रोहित खेळला नव्हता. त्याने विश्रांती घेण्याचे ठरवले होते. त्याच्या जागी विराट कोहलीने सलामी देत ​​शतक झळकावले होते. गरज पडल्यास तो पुन्हा ही जबाबदारी पार पाडू शकतो. कोहलीनंतर सूर्यकुमार यादवचे संघातील स्थान निश्चित झाले आहे. दिनेश कार्तिक आणि ऋषभ पंत यांचीही निवड केली जाऊ शकते, परंतु त्यापैकी एकालाच प्लेइंग-11 मध्ये ठेवले जाईल.

अष्टपैलू म्हणू यांची होवू शकते निवड 

हार्दिक पंड्या आणि अक्षर पटेल यांची अष्टपैलू म्हणून निवड निश्चित आहे. दीपक हुडाची जागा संघात बनवली जात नाहीये. त्याला काही सामन्यांमध्ये खेळण्याची संधी मिळते आणि काही सामन्यांमध्ये नाही. सातवा क्रमांक त्याच्यासारख्या फलंदाजाचा नाही. तिसर्‍या किंवा चौथ्या क्रमाने हुड्डा चांगला खेळू शकतो आणि तिथे जागा नाही. अशा परिस्थितीत निवड समिती विश्वचषक डोळ्यासमोर ठेवून त्याला बाहेर ठेवण्याचा निर्णय घेऊ शकतात. (हे देखील वाचा: IND vs SA: दक्षिण आफ्रिकेविरुद्धच्या भारतीय वनडे संघाचे नेतृत्व शिखर धवन करणार? सिनियर खेळाडूंना मिळू शकते विश्रांती)

अशी असु शकते गोलंदाजांची भूमिका

जसप्रीत बुमराह ऑस्ट्रेलिया मालिकेतून पुनरागमन करू शकतो. दुखापतीमुळे तो आशिया कपमध्ये खेळू शकला नाही. बुमराहसोबत हर्षल पटेलही पुनरागमन करू शकतो. भुवनेश्वर कुमारची संघातील निवड निश्चित झाली आहे. आशिया चषकात भारताच्या वेगवान गोलंदाजांचा संघर्ष निवड समितीला मोहम्मद शमीला परत बोलावण्यास भाग पाडू शकतो. गेल्या वर्षीच्या T20 विश्वचषकानंतर शमी भारताकडून या लहान फॉरमॅटमध्ये खेळलेला नाही. त्याने आयपीएलमध्ये चांगली कामगिरी केली. शमी हा संघाचा अनुभवी खेळाडू आहे. त्याच्या आगमनाने संघ अधिक मजबूत होईल.

ऑस्ट्रेलिया मालिकेसाठी भारताचा संभाव्य संघ

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, ऋषभ पंत, हार्दिक पंड्या, दिनेश कार्तिक, अक्षर पटेल, युझवेंद्र चहल, रवी बिश्नोई/दीपक चहर, भुवनेश चहर , जसप्रीत बुमराह, मोहम्मद शमी, हर्षल पटेल, रविचंद्रन अश्विन.