Rohit Sharma (Photo Credit- X)

आयपीएल २०२६ च्या मोसमातील ६५ वा सामना आज, २० मे २०२६ रोजी कोलकाता येथील ऐतिहासिक ईडन गार्डन्स मैदानावर खेळवला जाणार आहे. या सामन्यात डिफेंडिंग चॅम्पियन कोलकाता नाईट रायडर्स (KKR) आणि पाच वेळचा विजेता मुंबई इंडियन्स (MI) हे पारंपरिक प्रतिस्पर्धी आमनेसामने येणार आहेत.

हा सामना भारतीय वेळेनुसार संध्याकाळी ७.३० वाजता सुरू होणार असून, नाणेफेक (Toss) संध्याकाळी ७.०० वाजता होईल. दोन्ही संघांचे चाहते या सामन्याची आतुरतेने वाट पाहत असून थेट प्रक्षेपण कुठे पाहायचे, याबद्दल क्रीडाप्रेमींमध्ये मोठी उत्सुकता आहे.

KKR विरुद्ध MI टीव्हीवर थेट प्रक्षेपण कुठे पाहायचे?

भारतातील क्रिकेट चाहत्यांसाठी आयपीएल २०२६ च्या सर्व सामन्यांचे अधिकृत टीव्ही प्रक्षेपण हक्क स्टार स्पोर्ट्स नेटवर्ककडे (Star Sports Network) आहेत. त्यामुळे आजचा केकेआर विरुद्ध मुंबई सामना युजर्सला स्टार स्पोर्ट्सच्या विविध वाहिन्यांवर थेट पाहता येईल.

हा सामना स्टार स्पोर्ट्स १ (इंग्रजी), स्टार स्पोर्ट्स १ हिंदी, तसेच तमिळ, तेलगू आणि कन्नड या प्रादेशिक भाषांच्या वाहिन्यांवर उपलब्ध असेल. सर्व प्रमुख डीटीएच (DTH) सेवा प्रदाते आणि केबल ऑपरेटरवर हे चॅनेल्स उपलब्ध आहेत.

जर तुम्हाला हा सामना ऑनलाईन, मोबाईल, लॅपटॉप किंवा स्मार्ट टीव्हीवर पाहायचा असेल, तर या वर्षाच्या सुरुवातीला झालेल्या मोठ्या विलीनीकरणानंतर 'जिओहॉटस्टार' (JioHotstar app & website) हे आयपीएल २०२६ चे अधिकृत डिजिटल स्ट्रीमिंग पार्टनर बनले आहे.

यंदा आयपीएलचे मोफत प्रक्षेपण उपलब्ध नाही, त्यामुळे हा सामना पाहण्यासाठी युजर्सकडे जिओहॉटस्टारचे सबस्क्रिप्शन असणे आवश्यक आहे.

डिजिटल प्लॅटफॉर्मवर सामना पाहण्यासाठी जिओहॉटस्टारने विविध प्लॅन्स जाहीर केले आहेत. यामध्ये मोबाईल-ओनली युजर्ससाठी ७९ रुपये प्रति महिना, मल्टिपल डिव्हाइसेससाठी (मोबाईल आणि टॅबलेट) १४९ रुपये प्रति महिना 'सुपर' प्लॅण, आणि ४K स्ट्रीमिंगसह सर्व डिव्हाइसेससाठी २९९ रुपये प्रति महिना 'प्रीमियम' प्लॅन उपलब्ध आहे.

याशिवाय रिलायन्स जिओ, एअरटेल आणि व्ही (Vi) च्या काही निवडक प्रीपेड रिचार्ज प्लॅन्ससोबत जिओहॉटस्टारचे सबस्क्रिप्शन बंडल स्वरूपात दिले जात आहे, ज्याचा वापर करून हा सामना लाईव्ह पाहता येईल.