IND vs ZIM 3rd ODI Live Streaming: भारत-झिम्बाब्वे एकदिवसीय मालिकेतील तिसरा सामना कधी आणि कुठे पाहणार? घ्या जाणून

टीम इंडियाने (Team India) झिम्बाब्वेविरुद्धच्या (Zimbabwe) तीन सामन्यांची वनडे (ODI) मालिका जिंकली आहे. टीम इंडियाने (Team India) मालिकेतील सुरुवातीचे दोन्ही सामने जिंकून 2-0 अशी अभेद्य आघाडी घेतली आहे. अशा परिस्थितीत, तिसऱ्या सामन्यात (IND vs ZIM 3rd ODI) टीम इंडिया नवीन खेळाडूंना संधी देण्याचा प्रयत्न करू शकते आणि इतर काही प्रयोग करू शकते. त्याचबरोबर झिम्बाब्वेचा संघ शेवटचा सामना जिंकून क्लीन स्वीप टाळण्यासाठी मैदानात उतरेल. तिसऱ्या सामन्यात भारतासाठी सर्वात महत्त्वाची गोष्ट असेल ती केएल राहुलची (KL Rahul) कामगिरी. आयपीएल 2022 नंतर केएल राहुलला आता मैदानात परतण्याची संधी मिळाली आहे. झिम्बाब्वेविरुद्धच्या पहिल्या सामन्यात त्याच्या फलंदाजीला उतरता आले नाही, पण दुसऱ्या सामन्यात तो फलंदाजीला आला तेव्हा अवघ्या एक धावा करून बाद झाला.

अशा स्थितीत तिसऱ्या सामन्यात त्याच्या बॅटमधून धावा निघू शकतात की नाही? ही सर्वात महत्वाची गोष्ट असेल. कारण केएल राहुल टीम इंडियाच्या आशिया कप संघाचा एक भाग आहे आणि आशिया चषकापूर्वी त्याच्या फलंदाजीची लय शोधणे त्याच्यासाठी खूप महत्वाचे आहे. (हे देखील वाचा: IND vs ZIM 3rd ODI: तिसऱ्या एकदिवसीय सामन्यात भारतीय संघ देवू शकतो नवीन खेळाडूंना संधी, अशी असू शकते प्लेइंग इलेव्हन)

1. भारत-झिम्बाब्वे वनडे मालिकेतील तिसरा सामना कधी खेळला जाईल?

दोन्ही संघांमधील हा सामना 22 ऑगस्ट रोजी भारतीय वेळेनुसार दुपारी 12.45 वाजता सुरू होईल.

2. भारत-झिम्बाब्वे एकदिवसीय सामना कोणत्या वाहिनीवर प्रसारित होईल?

सोनी स्पोर्ट्स नेटवर्कच्या विविध चॅनेलवर या सामन्याचे थेट प्रक्षेपण केले जाईल.

3. हा सामना ऑनलाइन पाहता येईल का?

होय, सोनी LIV अॅपवर सामन्याचे लाईव्ह स्ट्रीमिंग पाहता येईल.

असा आहे संघ:

भारत: केएल राहुल (कर्णधार), शिखर धवन (उपकर्णधार), ऋतुराज गायकवाड, शुभमन गिल, दीपक हुडा, राहुल त्रिपाठी, इशान किशन (विकेटकीपर), संजू सॅमसन (विकेटकीपर), शाहबाज अहमद, शार्दुल ठाकूर, कुलदीप यादव, अक्षर पटेल, आवेश खान, प्रसिद्ध कृष्णा, मोहम्मद सिराज, दीपक चहर.

झिम्बाब्वे: बर्ल रायन, चकाबवा रेगिस (कर्णधार), चिवांगा तनाका, इव्हान्स ब्रॅडली, जोंगवे ल्यूक, काइया इनोसंट, केटानो ताकुडझ्वानासे, मदांडे क्लाइव्ह, मधवेरे वेस्ले, मारुमणी तादिवानासे, मसारा जॉन, मुन्योंगा टोनी, नगारवा, रिचार्ड आणि रिचार्ड रिचर्ड, शुंभा माल्टीन, तिरिपनो डोनाल्ड.