ICC ने निकोलस पूरन याच्यावर घातली बंदी, बॉल टेम्परिंग प्रकरणात दोषी आढळल्याने झाली कारवाई
अफगाणिस्तानविरुद्ध नुकत्याच झालेल्या तिसर्‍या वनडे सामन्यानंतर वेस्ट इंडीजचा यष्टिरक्षक-फलंदाज निकोलस पूरन याला बुधवारी चार सामन्यांसाठी निलंबित करण्यात आले आहे. आंतरराष्ट्रीय क्रिकेट परिषद अर्थात आयसीसीकडून बॉल टेम्परिंग प्रकरणात दोषी आढळल्याने ही कारवाई करण्यात आली आहे. अफगाणिस्तानविरुद्ध तिसर्‍या वनडे सामन्यात निकोलस पूरनने बॉल टेम्परिंग केली होती.
अफगाणिस्तान (Afghanistan) विरुद्ध नुकत्याच झालेल्या तिसर्‍या वनडे सामन्यानंतर वेस्ट इंडीजचा यष्टिरक्षक-फलंदाज निकोलस पूरन (Nicholas Pooran) याला बुधवारी चार सामन्यांसाठी निलंबित करण्यात आले आहे. या गुन्ह्यासाठी पूरण यांनी जाहीरपणे माफी मागितली आहे. आंतरराष्ट्रीय क्रिकेट परिषद अर्थात आयसीसीकडून बॉल टेम्परिंग (Ball-Tampering) प्रकरणात दोषी आढळल्याने ही कारवाई करण्यात आली आहे. अफगाणिस्तानविरुद्ध तिसर्‍या वनडे सामन्यात निकोलस पूरनने बॉल टेम्परिंग केली होती. आयसीसीने पूरनला चेंडूचा आकार बदलल्याबद्दल दोषी ठरवले आहे आणि चार सामन्यांसाठी आंतरराष्ट्रीय क्रिकेटमधून बंदी घातली आहे. पूरन यापुढे वेस्ट इंडीजकडून चार टी-20 सामने खेळू शकणार नाही आणि त्याच्या गुणात पाच डिमरेट पॉईंटदेखील जोडले गेले आहेत. वेस्ट इंडिज आणि अफगाणिस्तानमधील तिसरा वनडे सामना सोमवारी लखनौमध्ये खेळला गेला होता. (अफगाणिस्तानविरुद्ध 3rd ODI दरम्यान निकोलस पूरन याने केलं बॉल टेम्परिंग? वेस्ट इंडियन खेळाडूचे 'हे' वर्तन संशयाच्या भोवऱ्यात, पाहा Video)
आंतरराष्ट्रीय क्रिकेट परिषदेने एका निवेदनात म्हटले आहे की, "खेळाडू आणि खेळाडूंचे सहाय्य कर्मचाऱ्यांसाठी असलेल्या आयसीसीच्या आचारसंहितेच्या लेव्हल थ्रीचे उल्लंघन कबूल केल्याबद्दलनिकोलस पूरन यांना चार डिमरेट गुण देण्यात आले आहेत." आयसीसीने म्हटले आहे की, "व्हिडिओ फुटेजवरून असे दिसून आले आहे की, क्रिकेटपटूने अंगठाच्या नखाने बॉलचा पृष्ठभाग खोडला होता. त्यानंतर पुरनवर त्याच्यावर बॉलची स्थिती बदलण्याशी संबंधित संहिताच्या नियम 2.14 चे उल्लंघन केल्याचा आरोप आहे."
पुरनने मंगळवारी हा गुन्हा कबूल केला तसेच मॅच रेफरी क्रिस ब्रॉड याने दिलेली शिक्षाही काबुल केली. पूरन म्हणाला, "मला हे समजले आहे की निर्णय घेताना मी खूप मोठी चूक केली आहे आणि आयसीसीचे हे वाक्य मी पूर्णपणे स्वीकारले आहे. मी सर्वांना खात्री देतो की ही फक्त एक घटना आहे आणि ती पुन्हा पुन्हा होणार नाही." सोमवारी लखनौच्या मैदानावर जे घडले त्याबद्दल मला माझ्या संघातील सहकारी, समर्थक आणि अफगाणिस्तान संघाकडे माफी मागण्याची इच्छा आहे, असं तो म्हणाला. लेव्हल तीनच्या उल्लंघनानंतर किमान चार निलंबन गुण देण्यात येतात जे खेळाडूच्या रेकॉर्डमध्ये पाच डिमरेट म्हणून जोडले जातात. शिवाय, खेळाडूंना दोन कसोटी सामने किंवा चार वनडे सामन्यांसाठी बंदी घातली जाते. जास्तीत जास्त दंड 12 निलंबन गुण आहे जे सहा डिमरेट पॉईंट्सच्या समतुल्य आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)