BCCI अध्यक्ष सौरव गांगुली ‘शिक्कामोर्तब’, राहुल द्रविड यांच्यानंतर माजी दिग्गज VVS लक्ष्मण बनणार NCA प्रमुख; IPL फ्रँचायझीला केला गुड-बाय
भारतीय क्रिकेट नियामक मंडळाने (बीसीसीआय) माजी भारतीय फलंदाजाशी संपर्क साधल्यानंतर भारताचे माजी फलंदाज व्हीव्हीएस लक्ष्मण राष्ट्रीय क्रिकेट अकादमीचे प्रमुख म्हणून पदभार स्वीकारण्यास सज्ज झाले आहेत. ANI च्या वृत्तानुसार लक्ष्मण पुढील एनसीए प्रमुख असतील की नाही हे जाणून घेण्यासाठी गांगुलीशी संपर्क साधला असता बीसीसीआय अध्यक्षांनी “होय” असे उत्तर दिले.
भारतीय क्रिकेट नियामक मंडळाने (बीसीसीआय) संपर्क साधल्यानंतर भारताचे माजी फलंदाज व्हीव्हीएस लक्ष्मण (VVS Laxman) राष्ट्रीय क्रिकेट अकादमीचे (National Cricket Academy) प्रमुख म्हणून पदभार स्वीकारण्यास सज्ज झाले आहेत. लक्ष्मण त्याचा माजी सहकारी राहुल द्रविड (Rahul Dravid) कडून पदभार स्वीकारेल, ज्याची अलीकडेच रवि शास्त्री यांच्या कार्यकाळाच्या समाप्तीनंतर भारतीय पुरुष क्रिकेट संघाचे (Indian Cricket Team) मुख्य प्रशिक्षक म्हणून नियुक्ती करण्यात आली होती. द्रविड टीम इंडियाचे (Team India) मुख्य प्रशिक्षक बनल्यानंतर बेंगलोर (Bangalore) येथील राष्ट्रीय क्रिकेट अकादमीचे (NCA) प्रमुख पद रिक्त झाले होते. गेल्या अनेक दिवसांपासून या पदासाठी लक्ष्मणच्या नावाची चर्चा होती. मात्र, आता बीसीसीआय (BCCI) अध्यक्ष सौरव गांगुली (Sourav Ganguly) यांनी लक्ष्मण एनसीए (NCA) प्रमुखपदाची जबाबदारी स्वीकारणार असल्याच्या माहितीवर शिक्कामोर्तब केला आहे. (Rahul Dravid: ‘संघ कसा चालवायचा हे राहुल द्रविडला सांगू नका’! BCCI च्या घोषणेनंतर माजी भारतीय कर्णधाराची खास विनंती)
ANI च्या वृत्तानुसार लक्ष्मण पुढील एनसीए प्रमुख असतील की नाही हे जाणून घेण्यासाठी गांगुलीशी संपर्क साधला असता बीसीसीआय अध्यक्षांनी “होय” असे उत्तर दिले. भारताचा माजी कर्णधार गांगुली नेहमीच खेळाच्या चांगल्यासाठी माजी क्रिकेटपटूंना सिस्टममध्ये ठेवण्याचे समर्थन करत आले आहेत. द्रविडला भारतीय संघाचे मुख्य प्रशिक्षक बनण्यासाठी राजी करण्यात त्यांचा मोठा वाटा होता. यापूर्वी एएनआयशी बोलताना सूत्रांनी सांगितले होते की केवळ गांगुलीच नाही तर सचिव जय शाह आणि इतर वरिष्ठ अधिकारी देखील लक्ष्मण यांना एनसीएचे प्रमुख बनवू इच्छित आहेत. बीसीसीआयच्या एका वरिष्ठ अधिकाऱ्याने पीटीआयला सांगितले की, व्हीव्हीएस “लक्ष्मण हे एनसीएचे नवे प्रमुख असतील.” दरम्यान, लक्ष्मणने यापूर्वीच आयपीएल फ्रँचायझी सनरायझर्स हैदराबादचा मार्गदर्शक म्हणून आपली भूमिका सोडली आहे आणि हितसंबंधांचे उल्लंघन टाळण्यासाठी कोणत्याही समालोचन पॅनेलचा भाग होणार नाही किंवा वर्तमानपत्रांसाठी स्तंभ लिहिणार नाही.
लक्ष्मणची नियुक्ती बीसीसीआयच्या 4 डिसेंबर रोजी कोलकाता येथे होणार्या वार्षिक सर्वसाधारण सभेपूर्वी (एजीएम) अंमलात आणली जाईल असे समजले जात आहे. लक्ष्मणने सुरुवातीला बीसीसीआयची ऑफर नाकारली होती कारण तो एनसीएची नोकरी म्हणून हैदराबादमधून बेंगलोरला स्थायिक होण्यास इच्छुक नव्हता कारण त्यांना तिथे किमान 200 दिवस राहावे लागणार आहे. इतकंच नाही तर त्याच्या नोकरीचा एक भाग म्हणून, लक्ष्मण भारताच्या अंडर-19 आणि ‘A’ संघांच्या तयारीची देखील देखरेख करेल जे वरिष्ठ स्तरावर जाण्याचे मार्ग आहेत.