IND vs AUS 4th Test 2024: मेलबर्नमध्ये विराट कोहली मोडणार ब्रायन लाराचा विक्रम, कराव्या लागतील फक्त इतक्या धावा
त्यानंतर टीम इंडियाने 295 धावांनी विजय मिळवला होता. यानंतर दुसऱ्या आणि तिसऱ्या कसोटी सामन्यात त्याला विशेष काही दाखवता आलेले नाही.
Virat Kohli Runs: विराट कोहलीने (Virat Kohli) गेल्या दशकात टीम इंडियाला (Team India) अनेक सामन्यांमध्ये विजय मिळवून दिला आहे आणि तो आंतरराष्ट्रीय क्रिकेटमधील 324 विजयी सामन्यांचा भाग आहे. कोहली मायदेशात खेळत असो वा परदेशात. त्याने आपले फलंदाजीचे पराक्रम सर्वत्र सिद्ध केले आहे. जोपर्यंत तो क्रीजवर आहे. चाहत्यांना विजयाची आशा कायम आहे. एकदा तो क्रीजवर स्थिरावला की त्याला रोखणे खूप कठीण होऊन बसते. भारतीय फलंदाजीतील तो महत्त्वाचा दुवा आहे. सध्या, तो ऑस्ट्रेलिया दौऱ्यावर असलेल्या भारतीय कसोटी संघाचा भाग आहे, जिथे तो बॉर्डर-गावस्कर ट्रॉफीमध्ये भाग घेत आहे.
पहिल्या कसोटी सामन्यात ठोकले शतक
ऑस्ट्रेलियाविरुद्धच्या मालिकेतील पहिल्या सामन्यात विराट कोहलीने शतक झळकावले होते आणि 100 धावांची खेळीही खेळली होती. त्यानंतर टीम इंडियाने 295 धावांनी विजय मिळवला होता. यानंतर दुसऱ्या आणि तिसऱ्या कसोटी सामन्यात त्याला विशेष काही दाखवता आलेले नाही. अशा स्थितीत मेलबर्न येथे होणाऱ्या चौथ्या कसोटी सामन्यात भारतीय क्रिकेट चाहत्यांना त्याच्याकडून मोठ्या खेळीची अपेक्षा असेल. (हे देखील वाचा: AUS vs IND 4th Test 2024: मेलबर्नमध्ये गोलंदाज की फलंदाजांचा असणार दबदबा? खेळपट्टी कशी असेल? जाणून घ्या)
ब्रायन लाराचा विक्रम मोडण्याची सुवर्णसंधी
कसोटी क्रिकेटमध्ये चौथ्या क्रमांकावर फलंदाजी करत विराट कोहलीने 7500 धावा केल्या असून तो सहाव्या क्रमांकावर आहे. त्याच्या पुढे सचिन तेंडुलकर, महेला जयवर्धने, जॅक कॅलिस, जो रूट आणि ब्रायन लारा हे अनुभवी फलंदाज आहेत. लाराच्या नावावर 7535 धावांची नोंद आहे. आता मेलबर्न येथे होणाऱ्या कसोटी सामन्यात चौथ्या क्रमांकावर फलंदाजी करताना त्याने 36 धावा केल्या तर तो लाराला मागे सोडेल. यासह चौथ्या क्रमांकावर फलंदाजी करताना सर्वाधिक धावा करण्याच्या बाबतीत तो पाचव्या स्थानावर पोहोचेल.
कसोटी क्रिकेटमध्ये चौथ्या क्रमांकावर फलंदाजी करताना सर्वाधिक धावा करणारा फलंदाज:
सचिन तेंडुलकर- 13492 धावा
महेला जयवर्धने- 9509 धावा
जॅक कॅलिस- 9033 धावा
जो रूट-7745 धावा
ब्रायन लारा- 7535 धावा
विराट कोहली- 7500 धावा
भारतासाठी 9000 हून अधिक केल्या आहेत कसोटी धावा
विराट कोहलीने 2011 मध्ये भारतीय संघाकडून कसोटी पदार्पण केले. तेव्हापासून त्याने 121 कसोटी सामन्यांमध्ये एकूण 9166 धावा केल्या आहेत, ज्यामध्ये त्याने 30 शतके आणि 31 अर्धशतके केली आहेत. या कालावधीत त्याची सर्वोच्च धावसंख्या 254 धावांची होती. भारताच्या सर्वोत्तम फलंदाजांमध्ये त्याची गणना होते.