Virat Kohli (Photo Credit - Twitter)

आयसीसी वनडे विश्ववचषक 2023 चा 33वा सामना टीम इंडिया आणि श्रीलंका (IND vs SL) यांच्यात मुंबईच्या वानखेडे स्टेडियमवर खेळला गेला. या रोमांचक सामन्यात टीम इंडियाने श्रीलंकेचा 302 धावांनी पराभव करत उपांत्य फेरीतील आपले स्थान पक्के केले. टीम इंडियाने या वर्ल्ड कपमध्ये सलग सात सामने जिंकले आहेत. या सामन्यात टीम इंडियाचा स्टार फलंदाज विराट कोहलीने (Virat Kohli) एका अनोख्या विक्रमाची नोंद केली आहे. श्रीलंकेविरुद्धच्या सामन्यात रोहित शर्मा लवकर बाद झाल्यानंतर विराट कोहलीने टीम इंडियाचा डाव सांभाळला आणि त्याने या सामन्यात महान फलंदाज सचिन तेंडुलकरचा विक्रमही मोडला. हा विक्रम मोडायला विराट कोहलीला 12 वर्षे लागली.

विराट कोहलीने सचिन तेंडुलकरला मागे टाकले

विराट कोहलीने श्रीलंकेविरुद्धच्या सामन्यात 34 धावा करताच या वर्षी त्याच्या 1000 वनडे धावा पूर्ण केल्या. विराट कोहलीने त्याच्या संपूर्ण आंतरराष्ट्रीय कारकिर्दीत 8 वेळा हा अनोखा पराक्रम केला आहे, जेव्हा विराट कोहलीने एकाच कॅलेंडर वर्षात 1000 हून अधिक एकदिवसीय धावा केल्या आहेत. विराट कोहलीने या मालिकेची सुरुवात 2011 मध्ये केली होती, जेव्हा त्याने एकाच कॅलेंडर वर्षात 1000 हून अधिक धावा केल्या होत्या. यानंतर विराट कोहलीने 2012, 2013, 2014, 2017, 2018, 2019 आणि आता 2023 मध्ये या पराक्रमाची पुनरावृत्ती केली. (हे देखील वाचा: IND vs SA Head To Head: भारतीय संघ आता विश्वचषकात दक्षिण आफ्रिकेशी भिडणार, जाणून घ्या दोन्ही संघांमधील हेड टू हेड रेकॉर्ड)

असे करून टीम इंडियाचा स्टार फलंदाज विराट कोहलीने माजी दिग्गज फलंदाज सचिन तेंडुलकरचा विक्रम मोडीत काढला आहे. सचिन तेंडुलकर त्याच्या संपूर्ण कारकिर्दीत फक्त सात वेळा एका कॅलेंडर वर्षात 1000 पेक्षा जास्त धावा करू शकला. सचिन तेंडुलकरने 1994, 1996, 1997, 1998, 2000, 2003 आणि 2007 या वर्षांमध्ये 1000 हून अधिक एकदिवसीय आंतरराष्ट्रीय धावा केल्या होत्या. आज विराट कोहली सचिन तेंडुलकरच्या अनेक मोठ्या विक्रमांच्या अगदी जवळ आहे.

विराट कोहली या विक्रमाच्या जवळ आहे

विराट कोहली वनडेत सचिन तेंडुलकरच्या आणखी एका विक्रमाची बरोबरी करू शकतो. विराट कोहलीने एकदिवसीय आंतरराष्ट्रीय क्रिकेटमध्ये एकूण 48 शतके ठोकली आहेत, तर सचिन तेंडुलकरने एकदिवसीय आंतरराष्ट्रीय क्रिकेटमध्ये 49 शतके झळकावली आहेत. विराट कोहली ज्या फॉर्ममध्ये आहे, ते पाहता तो या विश्वचषकात सचिन तेंडुलकरचा विक्रम मोडून 50 एकदिवसीय शतके झळकावणारा पहिला फलंदाज ठरेल असे दिसते.