Asia Cup 2022: 'या' दोन खेळाडूंनी यावर्षी T20I मध्ये सर्वाधिक धावा केल्या, पण तरीही ते आशिया कपमधून बाहेर!

BCCI ने आशिया कप 2022 (Asia Cup 2022) साठी 15 खेळाडूंचा संघ जाहीर केला आहे. केएल राहुल, (KL Rahul) विराट कोहलीसारखे (Virat Kohli) दिग्गज या संघात परतले आहेत. त्याचबरोबर असे काही खेळाडू आहेत जे दीर्घकाळ संघाचा भाग होते, मात्र त्यांना संघात स्थान देण्यात आलेले नाही. त्यापैकी दोन मोठी नावे अशी आहेत ज्यांनी यावर्षी T20I क्रिकेटमध्ये भारतासाठी सर्वाधिक धावा केल्या आहेत. येथे आम्ही सलामीवीर इशान किशन (Ishan Kishan) आणि मधल्या फळीतील फलंदाज श्रेयस अय्यरबद्दल (Shreyas Iyer) बोलत आहोत. 2022 मध्ये, श्रेयस अय्यरने क्रिकेटच्या सर्वात लहान फॉरमॅटमध्ये 44.90 च्या सरासरीने, तर इशान किशनने 430 धावा केल्या आहेत. असे असूनही या दोन्ही खेळाडूंना आशिया कप संघात स्थान मिळालेले नाही.

इशान किशन आणि श्रेयस अय्यर यांची कामगिरी 

श्रेयस अय्यर हा या वर्षी टी-20 मध्ये भारतासाठी सर्वाधिक धावा करणारा खेळाडू आहे. 14 सामन्यांमध्ये उजव्या हाताच्या फलंदाजाने 44.90 च्या सरासरीने 449 धावा केल्या आहेत. यादरम्यान त्याचा स्ट्राइकरेट 142.99 राहिला आहे. दुसरीकडे, जर आपण इशान किशनबद्दल बोललो तर, तो या वर्षी क्रिकेटच्या सर्वात लहान फॉरमॅटमध्ये भारतासाठी सर्वाधिक धावा करणाऱ्या खेळाडूंच्या यादीत दुसऱ्या स्थानावर आहे. किशनने 14 सामन्यात 30.71 च्या सरासरीने 430 धावा केल्या आहेत. (हे देखील वाचा: Asia Cup 2022: टीम इंडियाने पाकिस्तानसाठी घडवले चक्रव्यूह, निवडकर्त्यांची अतिशय हुशारी, 'हा' खेळाडू होऊ शकतो Trump Card)

या वर्षी टी-20 मध्ये भारतासाठी सर्वाधिक धावा करणारे खेळाडू-

श्रेयस अय्यर - 449

ईशान किशन - 430

सूर्यकुमार यादव - 428

रोहित शर्मा - 290

हार्दिक पांड्या - 281

ईशान किशन आणि श्रेयस अय्यर यांच्या T20 कारकिर्दीला ब्रेक

आशिया चषक 2022 च्या संघात स्थान न मिळाल्याने या दोन्ही खेळाडूंची टी-20 कारकीर्द थांबवण्यात आली आहे. खरे तर आशिया चषक संघ आगामी टी-20 विश्वचषकासाठी भारतीय संघाचे चित्र स्पष्ट करेल, असे मानले जात आहे. आता भारतीय संघ या 15 खेळाडूंसह विश्वचषकापूर्वी सर्व टी-20 सामने खेळणार आहे. तसेच, श्रेयस अय्यरची एशिया कप 2022 मध्ये बॅकअप खेळाडू म्हणून निवड करण्यात आली आहे, तर हर्षल पटेल आणि जसप्रीत बुमराह दुखापतींमुळे बाहेर आहेत.