Top Indian Players In WC Finals: ऑस्ट्रेलियाच्या खेळाडूंना घाम फोडू शकतात भारताचे हे स्टार खेळाडू, अहमदाबादमध्ये करु शकतात मोठा करिष्मा
जगभरातील सर्व क्रिकेट चाहते या दिवसाची वाट पाहत आहेत. टीम इंडिया आता खूप मजबूत दिसत आहे आणि तिसऱ्यांदा एकदिवसीय विश्वचषक जिंकण्याच्या अगदी जवळ आहे.
आयसीसी एकदिवसीय विश्वचषक 2023 अंतिम (ICC World Cup 2023) टप्प्यात पोहोचला आहे. विश्वचषकाचा विजेता आज आपल्याला मिळेल. टीम इंडिया आणि ऑस्ट्रेलिया (IND vs AUS) यांच्यात अहमदाबादच्या नरेंद्र मोदी स्टेडियमवर वर्ल्ड कपचा अंतिम सामना रंगणार आहे. टीम इंडिया आता खूप मजबूत दिसत आहे आणि तिसऱ्यांदा एकदिवसीय विश्वचषक जिंकण्याच्या अगदी जवळ आहे. टीम इंडिया आणि ऑस्ट्रेलिया पुन्हा एकदा 20 वर्षांपूर्वी त्याच ठिकाणी उभे आहेत. पण आता फरक एवढा आहे की टीम इंडिया ऐवजी ऑस्ट्रेलिया उभी आहे आणि ऑस्ट्रेलियाच्या जागी टीम इंडिया उभी आहे. टीम इंडिया आता खूप मजबूत दिसत आहे आणि तिसऱ्यांदा एकदिवसीय विश्वचषक जिंकण्याच्या अगदी जवळ आहे. हे शक्य होईल की नाही याचा निर्णय रविवारी अहमदाबादच्या नरेंद्र मोदी स्टेडियमवर होणार आहे.
या खेळाडूंवर असेल सर्वांचे लक्ष
रोहित शर्मा: टीम इंडियाचा कर्णधार रोहित शर्मा सध्या आयसीसी एकदिवसीय विश्वचषक 2023 मध्ये सर्वाधिक धावा करणारा पाचवा खेळाडू आहे. रोहित शर्माने 10 डावात 55.00 च्या सरासरीने आणि 124 च्या उत्कृष्ट स्ट्राईक रेटने 550 धावा केल्या आहेत. या काळात रोहित शर्माने 1 शतक आणि 3 अर्धशतकंही आपल्या नावावर केली आहेत. रोहित शर्माने ऑस्ट्रेलियाविरुद्ध 44 सामने खेळले असून 58.30 च्या सरासरीने आणि 95.30 च्या स्ट्राईक रेटने 2,332 धावा केल्या आहेत. रोहित शर्माने कांगारू संघाविरुद्ध 8 शतके आणि 9 अर्धशतके झळकावली आहेत. उद्याच्या सामन्यात रोहित शर्मा आपल्या बॅटने कहर करू शकतो.
विराट कोहली: टीम इंडियाचा स्टार फलंदाज विराट कोहली सध्या जबरदस्त फॉर्ममध्ये असल्याचं दिसत आहे. गेल्या तीन विश्वचषकांमध्ये 500 चा टप्पा गाठण्यात अपयशी ठरलेल्या कोहलीने या विश्वचषकात 700 हून अधिक धावा करत विश्वविक्रम आपल्या नावावर केला आहे. विराट कोहली विश्वचषक 2023 च्या एकाच आवृत्तीत सर्वाधिक धावा करणारा फलंदाज ठरला आहे. त्याने 10 सामन्यात 101.57 च्या सरासरीने 711 धावा केल्या आहेत. या कालावधीत त्याने 3 शतके आणि 5 अर्धशतके केली आहेत. या विश्वचषकातही त्याने एक विकेट घेतली आहे.
केएल राहुल: नेदरलँड्सविरुद्ध, केएल राहुलने 62 चेंडूत शतक झळकावले, जे विश्वचषकाच्या इतिहासात भारतासाठी सर्वात वेगवान शतक देखील आहे. केएल राहुलने या विश्वचषकात आतापर्यंत नऊ डावांमध्ये 77.20 च्या सरासरीने आणि 98.72 च्या स्ट्राईक रेटने 386 धावा केल्या आहेत. पाचव्या क्रमांकावर येत असलेल्या राहुलने या विश्वचषकात अनेक वेळा भारतीय डाव हाताळला आहे. या काळात त्याने एक शतक आणि एक अर्धशतक झळकावले आहे.
मोहम्मद शमी: सध्याच्या विश्वचषकात टीम इंडियाचा घातक गोलंदाज मोहम्मद शमीने आपल्या गोलंदाजीने फलंदाजांना घाम फोडला आहे. मोहम्मद शमीने आतापर्यंत केवळ सहा सामन्यांत 210 धावांत 23 बळी घेतले आहेत. मोहम्मद शमीने मुंबईतील वानखेडे स्टेडियमवर उपांत्य फेरीत न्यूझीलंडविरुद्ध सात विकेटसह तीन वेळा पाच बळी घेतले आहेत. (हे देखील वाचा: IND vs AUS ICC World Cup 2023 Final: अंतिम सामन्यात विराट कोहलीला इतिहास रचण्याची सुवर्णसंधी, हा अनोखा विक्रम करणार आपल्या नावावर)
जसप्रीत बुमराह: मोहम्मद शमीनंतर जसप्रीत बुमराहने टीम इंडियासाठी सर्वाधिक विकेट घेतल्या आहेत. जसप्रीत बुमराहने विश्वचषकातील सर्व सामन्यांमध्ये कमी धावा देत विकेट्स घेतल्या आहेत. आकडेवारीनुसार, जसप्रीत बुमराहने सर्व 10 सामन्यांमध्ये 3.98 च्या इकॉनॉमी रेटने गोलंदाजी करताना 18 विकेट घेतल्या आहेत, ज्यामुळे बुमराहला क्रिकेटप्रेमींनी कंजूष गोलंदाज म्हणून टॅग केले आहे. बुमराहची किफायतशीर गोलंदाजी विश्वचषकाच्या अंतिम सामन्यात महत्त्वाची भूमिका बजावू शकते.