PAK vs WI 1st Test 2025 Day 2 Live Streaming: दुसऱ्या दिवसाच्या खेळाला थोड्याच वेळात होणार सुरुवात, येथे पाहा कधी अन् कुठे पाहणार लाइव्ह सामना
आज सामन्याचा दुसरा दिवस आहे. भारतीय वेळेनुसार सकाळी 10.00 वाजता सामन्याला सुरुवात होईल. वेस्ट इंडिज क्रिकेट संघ 18 वर्षांनंतर पाकिस्तानमध्ये पहिली कसोटी मालिका खेळत आहे. वेस्ट इंडिजने 2006 मध्ये कसोटी मालिकेसाठी शेवटचा पाकिस्तानचा दौरा केला होता.
Pakistan National Cricket Team vs West Indies Cricket Team Live Telecast: पाकिस्तान राष्ट्रीय क्रिकेट संघ विरुद्ध वेस्ट इंडिज क्रिकेट संघ दोन सामन्यांच्या कसोटी मालिकेतील पहिला सामना 17 जानेवारी (शुक्रवार) पासून मुलतानमधील मुल्तान क्रिकेट स्टेडियमवर खेळला जात आहे. आज सामन्याचा दुसरा दिवस आहे. भारतीय वेळेनुसार सकाळी 10.00 वाजता सामन्याला सुरुवात होईल. वेस्ट इंडिज क्रिकेट संघ 18 वर्षांनंतर पाकिस्तानमध्ये पहिली कसोटी मालिका खेळत आहे. वेस्ट इंडिजने 2006 मध्ये कसोटी मालिकेसाठी शेवटचा पाकिस्तानचा दौरा केला होता. पहिल्या दिवसाच्या खेळाअखेर पाकिस्तान संघाने 41.3 षटकांत चार विकेट गमावून 143 धावा केल्या आहेत.
पाकिस्तानची निराशाजनक सुरुवात
नाणेफेक जिंकल्यानंतर पहिल्या डावात पाकिस्तानच्या फलंदाजीची सुरुवात निराशाजनक झाली आणि संघाचे चार फलंदाज केवळ 46 धावांवर पॅव्हेलियनमध्ये परतले. यानंतर, सौद शकील आणि मोहम्मद रिझवान यांनी मिळून डावाची जबाबदारी घेतली आणि संघाची धावसंख्या 100 च्या पुढे नेली. पाकिस्तानकडून स्टार फलंदाज सौद शकीलने सर्वाधिक नाबाद 56 धावा केल्या. आणि मोहम्मद रिझवान नाबाद 51 धावांसह खेळत आहे. दुसरीकडे, जेडेन सील्सने वेस्ट इंडिज संघाला पहिले मोठे यश मिळवून दिले. वेस्ट इंडिजकडून जेडेन सील्सने सर्वाधिक तीन विकेट्स घेतल्या. जेडेन सील्स व्यतिरिक्त गुडाकेश मोतीला एक विकेट मिळाली.
कुठे पाहणार सामना?
पाकिस्तान आणि वेस्ट इंडिज यांच्यातील कसोटी मालिकेच्या दूरदर्शन प्रक्षेपणाबद्दल सध्या कोणतीही माहिती नाही. परंतु कसोटी सामन्यांचे थेट प्रक्षेपण फॅनकोड अॅप आणि वेबसाइटवर उपलब्ध असेल.