T20 World Cup 2022: सुपर 12 च्या पहिल्या दिवशी दोन ब्लॉकबस्टर होणार सामने, संघांना विजयाने करायची आहे सुरुवात
पहिला सामना यजमान ऑस्ट्रेलिया आणि न्यूझीलंड (AUS vs NZ) यांच्यात सिडनी क्रिकेट मैदानावर होणार आहे. दुसरा सामना 2010 विश्वचषक विजेता संघ इंग्लंड आणि अफगाणिस्तान (ENG vs AFG) यांच्यात होणार आहे.
आजपासून विश्वचषकाची (T20 World Cup 2022) सुपर 12 फेरी सुरू होत आहे. चमकदार ट्रॉफीसाठी 12 संघांमध्ये 23 सामने खेळवले जातील. सुपर 12 मध्ये आज दोन संघांमधील सामने होणार आहेत. पहिला सामना यजमान ऑस्ट्रेलिया आणि न्यूझीलंड (AUS vs NZ) यांच्यात सिडनी क्रिकेट मैदानावर होणार आहे. दुसरा सामना 2010 विश्वचषक विजेता संघ इंग्लंड आणि अफगाणिस्तान (ENG vs AFG) यांच्यात होणार आहे. यंदा टी-20 विश्वचषक केवळ एका वर्षानंतर होत आहे. गेल्या वर्षीच्या विश्वचषकाच्या अंतिम सामन्यात ऑस्ट्रेलियाने न्यूझीलंडचा पराभव करून पहिला टी-20 विश्वचषक जिंकला होता. यंदाच्या विश्वचषकाची सुरुवात या दोन संघांसह होणार आहे.
दोन फायनलिस्टसह सुरुवात
गतवर्षीचे अंतिम फेरीचे खेळाडू पहिल्या सामन्यात एकमेकांशी भिडतील. ऑस्ट्रेलिया आणि न्यूझीलंड हे कट्टर प्रतिस्पर्ध्यापेक्षा कमी नाहीत. मात्र, ऑस्ट्रेलियातील न्यूझीलंडचे आकडे विशेष राहिलेले नाहीत. ऑस्ट्रेलिया आणि न्यूझीलंडमध्ये एकूण 15 टी-20 सामने खेळले गेले आहेत. या सामन्यांमध्ये ऑस्ट्रेलियाचा वरचष्मा आहे. या 15 सामन्यांपैकी ऑस्ट्रेलियाने 10 सामने जिंकले आहेत. तर न्यूझीलंडच्या संघाने केवळ 5 सामने जिंकले आहेत. आजच्या सामन्यात घरचे मैदान असल्याने ऑस्ट्रेलियाचा संघ फायद्यात असेल. अशा स्थितीत न्यूझीलंडसाठी ऑस्ट्रेलियाचे आव्हान सोपे नसेल. (हे देखील वाचा: T20 WC 2022 AUS vs NZ Live Streaming Online: विश्वचषकाची खरी लढाई आजपासुन होणार सुरु; ऑस्ट्रेलिया आणि न्यूझीलंड आमने-सामने, कधी-कुठं पाहणार सामना?)
अफगाणिस्तानचे आव्हान सोपे नसेल
दुसऱ्या सामन्याबद्दल बोलायचे झाले तर इंग्लंड आणि अफगाणिस्तानचा संघ आमनेसामने येणार आहे. हा सामनाही उत्कंठापूर्ण होण्याची अपेक्षा आहे. हा सामना पर्थमध्ये होणार आहे. या दोन्ही संघांमध्ये आतापर्यंत एकूण 2 टी-20 आंतरराष्ट्रीय सामने खेळले गेले आहेत. ज्यामध्ये इंग्लंड संघाने दोन्ही सामने जिंकले आहेत. मात्र यंदाचा विश्वचषक सोपा असणार नाही. विश्वचषकाच्या आतापर्यंतच्या सामन्यांमध्ये छोट्या संघांनी मोठ्या संघांना चकित केले आहे. दोन वेळा विश्वचषक विजेता वेस्ट इंडिज दोन लहान संघांकडून सामने गमावल्यानंतर विश्वचषक पात्रता फेरीतून बाहेर पडला. अशा परिस्थितीत इंग्लंड संघ अफगाणिस्तानला हलक्यात घेण्याची चूक करणार नाही.
प्रेक्षकांना मिळणार वेगळा अनुभव
यंदाच्या विश्वचषकात अनेक रोमांचक सामने आपल्याला पाहायला मिळतील. भारत पाकिस्तानसह अनेक कट्टर प्रतिस्पर्ध्यांमध्ये हा सामना होणार आहे. यंदाचा विश्वचषक ऑस्ट्रेलियात खेळवला जात आहे. ऑस्ट्रेलियातील सर्व सामने प्रेक्षकांना वेगळा अनुभव देतात. ऑस्ट्रेलिया हा काही देशांपैकी एक आहे जे सामने दर्शविण्यासाठी 4K कॅमेरे वापरतात. या विश्वचषकात अनेक नवीन तंत्रज्ञानाचा वापर केला जात आहे. ज्यामुळे सामना समजून घेणे सोपे जाईल.
(The above story first appeared on LatestLY on Oct 22, 2022 10:27 AM IST. For more news and updates on politics, world, sports, entertainment and lifestyle, log on to our website latestly.com).
