Mohammed Siraj Government Job: मोहम्मद सिराजला सरकारी नोकरी देण्याची तेलंगणा सरकारची घोषणा, जाणून घ्या कोणत्या पदावर करणार काम

Mohammed Siraj Government Job: भारतीय संघाचा (Team India) स्टार वेगवान गोलंदाज मोहम्मद सिराजशी (Mohammed Siraj) संबंधित एक मोठी बातमी समोर येत आहे. आज तेलंगणाचे मुख्यमंत्री ए रेवंत रेड्डी (Revanth Reddy) यांनी सिराजला घर आणि सरकारी नोकरीसाठी जमीन देण्याची घोषणा केली आहे. 2024 च्या टी-20 विश्वचषक स्पर्धेत विजेतेपद पटकावल्याबद्दल मुख्यमंत्री आपल्या राज्यातील या स्टार क्रिकेटरला बक्षीस देत आहेत. सिराजशिवाय दोन वेळा विश्वविजेता बॉक्सर निखत जरीनलाही (Nikhat Zarin) तेलंगणा सरकार (Telangana Govermet) सरकारी  नोकरी देणार आहे.

सिराजला कोणती सरकारी नोकरी मिळणार?

टी-20 विश्वचषक 2024 विजेत्या भारतीय संघाचा सदस्य असलेला मोहम्मद सिराज आणि स्टार बॉक्सर निखत जरीन यांना राज्य सरकारकडून सरकारी नोकरी मिळणार आहेत. तेलंगणा सरकार या दोन्ही खेळाडूंना ग्रुप-1 सरकारी नोकरी देऊ शकते. या प्रस्तावावर मंत्रिमंडळात चर्चा करून निर्णय घेतला जाईल, असे तेलंगणाचे मुख्यमंत्री ए रेवंत रेड्डी यांनी बुधवारी विधानसभेत जाहीर केले. मुख्यमंत्री म्हणाले, सिराजने इंटरमिजिएटपर्यंत शिक्षण घेतले आहे, पण तो उंची गाठण्यात सक्षम आहे.

डीएसपी पदावर मिळू शकते नियुक्ती

राज्य सरकार मोहम्मद सिराज यांना गट-1 ची नोकरी देणार असल्याचे वृत्त समोर येत आहे. अशा परिस्थितीत सिराजने पोलिस दलात भरती होण्याचा निर्णय घेतल्यास त्याला थेट डीएसपी पदावर नियुक्ती मिळेल. (हे देखील वाचा: Mohammed Siraj Arrives In Hyderabad: हैदराबादमध्ये मोहम्मद सिराजची निघाली विजयी मिरवणुक, चाहत्यांसोबत गायलं 'लेहरा दो' गाणं; पाहा व्हिडिओ)

टी-20 विश्वचषकात सिराजची कामगिरी

2024 मध्ये वेस्ट इंडिज आणि यूएसए यांच्या वतीने खेळल्या गेलेल्या टी-20 विश्वचषक स्पर्धेत भारतीय संघाने इतिहास रचला आणि विजेतेपद पटकावले. यासह भारताचा 11 वर्षांचा आयसीसी ट्रॉफीचा दुष्काळही संपुष्टात आला. मोहम्मद सिराजच्या या स्पर्धेतील कामगिरीबद्दल बोलताना सिराजचा अमेरिकेत खेळल्या गेलेल्या 3 सामन्यांमध्ये प्लेईंग इलेव्हनमध्ये समावेश करण्यात आला होता. पण, त्यानंतर टीम इंडिया वेस्ट इंडिजमध्ये पोहोचली तेव्हा खेळपट्टीमुळे त्याला प्लेइंग इलेव्हनमध्ये खेळण्याची संधी मिळाली नाही.