Rishabh Pant Health Update: टीम इंडियाचा कर्णधार रोहित शर्माने डॉक्टरांना केला फोन, ऋषभ पंतच्या आरोग्याची घेतली माहिती
रोहितने पंतच्या प्रकृतीशी संबंधित काही प्रश्न विचारले. सध्या टीम इंडियाचा कर्णधार रोहित शर्मा आपल्या कुटुंबासह मालदीवमध्ये असून तो नवीन वर्षाचे सेलिब्रेशन करण्यासाठी आला आहे.
Rishabh Pant Health Update: शुक्रवारी टीम इंडियाचा यष्टिरक्षक-फलंदाज ऋषभ पंतचा (Rishabh Pant Car Accident) कार अपघात झाला. ऋषभ पंतवर डेहराडूनच्या मॅक्स हॉस्पिटलमध्ये उपचार सुरू आहेत. मीडिया रिपोर्ट्सनुसार, टीम इंडियाचा स्टार खेळाडू ऋषभ पंतच्या प्रकृतीत झपाट्याने सुधारणा होत आहे. पंत पूर्वीपेक्षा बरा झाला आहे. सूत्रांकडून मिळालेल्या माहितीनुसार, टीम इंडियाचा कर्णधार रोहित शर्माने (Rohit Sharma) ऋषभ पंतवर उपचार करणाऱ्या डॉक्टरांशी चर्चा केली. रोहितने पंतच्या प्रकृतीशी संबंधित काही प्रश्न विचारले. सध्या टीम इंडियाचा कर्णधार रोहित शर्मा आपल्या कुटुंबासह मालदीवमध्ये असून तो नवीन वर्षाचे सेलिब्रेशन करण्यासाठी आला आहे. (हे देखील वाचा: Team India: ऋषभ पंत ऑस्ट्रेलिया मालिकेतून बाहेर पडणार हे नक्की! हे तीन खेळाडू घेऊ शकतात जागा)
ऋषभ पंतला अपघातानंतर रुरकी येथील रुग्णालयात दाखल करण्यात आले होते. यानंतर पंतला डेहराडूनच्या मॅक्स रुग्णालयात हलवण्यात आले. गरज पडल्यास ऋषभ पंतला दिल्ली किंवा मुंबईलाही पाठवले जाऊ शकते. पण मिळालेल्या माहितीनुसार ते पूर्वीपेक्षा खूपच चांगला आहे. त्यामुळे पंतला इतरत्र कुठेही पाठवण्याची गरज भासणार नाही. ऋषभ पंतच्या पाठीवर बरीच दुखापत झाली आहे.
ऋषभ पंतच्या अपघातानंतर अनेक मोठे लोक त्याला भेटायला आले होते. बॉलिवूड अभिनेते अनुपम खेर आणि अनिल कपूर यांनी रुग्णालयात जाऊन ऋषभ पंत यांची भेट घेतली आणि त्यांची प्रकृती जाणून घेतली. यानंतर दिल्ली आणि जिल्हा क्रिकेट असोसिएशनचे संचालक श्याम शर्मा यांनीही पंतची भेट घेतली. ऋषभ पंतची काळजी घेण्यासाठी बीसीसीआयचे वैद्यकीय पथकही तेथे उपस्थित आहे. ऋषभच्या रिकव्हरीच्या बाबतीत, तो 2-3 महिन्यांत बरा होईल असा अंदाज वर्तवला जात आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)