India Beat Pakistan In Asia Cup: टीम इंडियाने बढाई मारून पाकिस्तानचा केला पराभव, भारतीय संघाच्या विजयाची ही 3 मोठी कारणे
मात्र 24.1 षटकांनंतर सामना थांबला. तत्पूर्वी, रविवारी पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. टीम इंडियाच्या डावाची सुरुवात करण्यासाठी कर्णधार रोहित शर्मा (Rohit Sharma) आणि शुभमन गिल (Shubman Gill) आले.
आशिया कप 2023 च्या (Asia Cup 2023) रोमहर्षक सामन्यात टीम इंडियाने पाकिस्तानचा 228 धावांनी पराभव (India Beat Pakistan) केला आहे. सोमवारचा दिवस टीम इंडिया आणि पाकिस्तान यांच्यातील सामन्यासाठी राखीव होता. रविवारी म्हणजेच 10 सप्टेंबरला पावसामुळे सामना पूर्ण होऊ शकला नाही. आशिया कप 2023 च्या तिसऱ्या सुपर फोर सामन्यात टीम इंडिया प्रथम फलंदाजीसाठी उतरली. मात्र 24.1 षटकांनंतर सामना थांबला. तत्पूर्वी, रविवारी पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. टीम इंडियाच्या डावाची सुरुवात करण्यासाठी कर्णधार रोहित शर्मा (Rohit Sharma) आणि शुभमन गिल (Shubman Gill) आले. रोहित शर्माने 49 चेंडूत 56 धावा केल्या. शुभमन गिलने 52 चेंडूत 58 धावा केल्या.
या दोघांनी टीम इंडियाला शानदार सुरुवात करून दिली. विराट कोहली 8 धावांवर नाबाद राहिला आणि केएल राहुल 17 धावांवर नाबाद राहिला. टीम इंडियाने 24.1 षटकात 2 गडी गमावून 147 धावा केल्या. सोमवारी येथून या सामन्याला सुरुवात झाली. महत्त्वाची बाब म्हणजे दोन्ही संघ पूर्ण 50-50 षटके खेळले. (हे देखील वाचा: Irfan Pathan Trolls Pakistan: टीम इंडियाने पाकिस्तानचा केला दणदणीत पराभव, इरफान पठाणने शेजारी देशाला केले ट्रोल)
टीम इंडियाच्या विजयाचे सर्वात मोठे कारण
मधल्या फळीत उत्कृष्ट फलंदाजी
कोलंबोमध्ये एके काळी टीम इंडियाची दमछाक होताना दिसत होती, पण विराट कोहली आणि केएल राहुल यांच्यात तिसऱ्या विकेटसाठी 233 धावांच्या महत्त्वपूर्ण नाबाद भागीदारीमुळे भारतीय संघ 356 धावा करू शकला. संघासाठी विराट कोहलीने 122 धावांचे शानदार शतक तर केएल राहुलने 111 धावांचे शानदार शतक झळकावले.
सुरुवातीपासूनच शाहीन आफ्रिदीवर हल्ला चढवला
टीम इंडियाचे सलामीवीर रोहित शर्मा आणि शुभमन गिल यांनी टीम इंडियाला चांगली सुरुवात करून दिली आणि 16.4 षटकात 121 धावांची उत्कृष्ट शतकी भागीदारी केली. दोन्ही फलंदाजांनी सुरुवातीपासूनच पाकिस्तानचा मुख्य गोलंदाज शाहीन शाह आफ्रिदीविरुद्ध आक्रमक खेळ करत भरपूर धावा केल्या. शुभमन गिलने आपल्या उत्कृष्ट खेळीत 10 चौकार मारले. त्याचवेळी कर्णधार रोहित शर्माने 58 धावांच्या स्फोटक खेळीत सहा चौकार आणि चार गगनचुंबी षटकार ठोकले.
घातक गोलंदांजी
संपूर्ण सामन्यात भारतीय गोलंदाजांनी अप्रतिम गोलंदाजी केली. संघासाठी एका हाय व्होल्टेज सामन्यात टीम इंडियाचा अनुभवी गोलंदाज कुलदीप यादवने एकूण पाच विकेट घेतल्या. तर वेगवान गोलंदाज जसप्रीत बुमराह, हार्दिक पांड्या आणि शार्दुल ठाकूर यांनी प्रत्येकी एक यश मिळविले.
विराट कोहलीने रचला इतिहास
टीम इंडियाचा स्टार फलंदाज विराट कोहलीने एकदिवसीय आंतरराष्ट्रीय क्रिकेटमध्ये नवा इतिहास रचला आहे. विराट कोहलीने वनडे क्रिकेटमधील 47 वे शतक झळकावले. यासह विराट कोहलीने 13000 धावाही पूर्ण केल्या आहेत. विराट कोहलीने एकदिवसीय क्रिकेटमध्ये सर्वात कमी डावात 13000 धावा पूर्ण केल्या आहेत.
टीम इंडियाने 50 षटकात दोन गडी गमावून 356 धावा केल्या आहेत. पाकिस्तानसमोर 357 धावांचे मोठे लक्ष्य ठेवण्यात आले होते. लक्ष्याचा पाठलाग करताना पाकिस्तानचा संघ 32 षटकांत 8 गडी गमावून केवळ 128 धावा करू शकला. विराट कोहलीने 94 चेंडूत 122 धावांची खेळी केली. विराटच्या खेळीत 9 चौकार आणि तीन षटकारांचा समावेश होता. केएल राहुलने 12 चौकार आणि 2 षटकारांच्या मदतीने 111 धावा केल्या. पाकिस्तानकडून शादाब आणि शाहीन आफ्रिदीने प्रत्येकी एक विकेट घेतली.