South Africa vs Pakistan 3rd ODI 2024 Highlights: पाकिस्तानचा दक्षिण आफ्रिकेवर 36 धावांनी विजय, सॅम आयुब विजयाचा ठरला नायक; सामन्याचे हायलाइट पहा
या सामन्यात पाकिस्तानने DLS पद्धतीचा वापर करून दक्षिण आफ्रिकेचा 36 धावांनी पराभव केला.
South Africa National Cricket Team vs Pakistan National Cricket Team 3rd ODI 2024 Highlights: दक्षिण आफ्रिका राष्ट्रीय क्रिकेट संघ विरुद्ध पाकिस्तान राष्ट्रीय क्रिकेट संघ यांच्यातील तिसरा एकदिवसीय सामना 22 डिसेंबर रोजी जोहान्सबर्ग येथील वँडरर्स स्टेडियमवर खेळला गेला. या सामन्यात पाकिस्तानने DLS पद्धतीचा वापर करून दक्षिण आफ्रिकेचा 36 धावांनी पराभव केला. या सामन्यात पाकिस्तानने प्रथम फलंदाजी करताना 47 षटकात 308 धावा केल्या. प्रत्युत्तरात दक्षिण आफ्रिकेचा डाव 42 षटकांत 271 धावांवर आटोपला. यासह पाकिस्तानने तीन सामन्यांच्या मालिकेत दक्षिण आफ्रिकेचा 3-0 असा क्लीन स्वीप केला.
सॅम अयुब विजयाचा हिरो ठरला
या सामन्यात सॅम अयुब पाकिस्तानच्या विजयाचा हिरो ठरला होता. अयुबने दक्षिण आफ्रिकेविरुद्ध शतक झळकावले. अयुबने 94 चेंडूत 13 आणि 2 षटकारांच्या मदतीने 101 धावा केल्या. सॅम अयुबला त्याच्या शानदार खेळीसाठी सामनावीर म्हणून निवडण्यात आले. याशिवाय सॅम अयुबला प्लेयर ऑफ द सिरीजचा पुरस्कारही मिळाला.
पाकिस्तानची शानदार फलंदाजी
सामन्याबद्दल बोलायचे झाले तर दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला. पावसामुळे टॉसला उशीर झाला आणि सामना 47 षटकांचा करण्यात आला. प्रथम फलंदाजी करताना पाकिस्तानने 47 षटकांत 308 धावा केल्या. या सामन्यात सॅम अयुबने पाकिस्तानसाठी कारकिर्दीतील तिसरे वनडे शतक झळकावले. बाबर आझमने 52, कर्णधार मोहम्मद रिझवानने 53 आणि सलमान आगाने 48 धावा केल्या. तर दक्षिण आफ्रिकेकडून कागिसो रबाडाने सर्वाधिक ३ बळी घेतले. तर मार्को जॅन्सन आणि ब्योर्न फॉर्च्युइनने 2-2 विकेट घेतल्या. क्वेना माफाका आणि कॉर्बिन बॉश यांना 1-1 विकेट मिळाली.
हेनरिक क्लासेन वगळता सर्व फलंदाज ठरले फ्लॉप
डीएलएस पद्धतीच्या नियमांनुसार 308 धावांच्या लक्ष्याचा पाठलाग करताना उत्तर दक्षिण आफ्रिकेचा संघ 42 षटकांत 271 धावांवर गारद झाला. यजमान संघाकडून हेनरिक क्लासेनने पुन्हा एकदा सर्वाधिक धावा केल्या. हेनरिक क्लासेनने 43 चेंडूत 81 धावांची शानदार खेळी केली. रॅसी व्हॅन डर ड्युसेनने 35 धावा, डेव्हिड मिलरने 3 धावा, एडन मार्करामने 19 धावा, मार्को जॅन्सनने 26 धावा आणि कॉर्बिन बॉशने नाबाद 40 धावा केल्या. पाकिस्तानची गोलंदाजी पुन्हा एकदा उत्कृष्ट झाली. पाकिस्तानकडून सुफियान मुकीमने सर्वाधिक ४ बळी घेतले. तर शाहीन आफ्रिदी आणि नसीम शाह यांनी २-२ विकेट घेतल्या. मोहम्मद हसनैन आणि सॅम अयुबने 1-1 विकेट घेतली.