RCB WIN WPL (Photo Credit - X)

RCB Win WPL 2024: महिला प्रीमियर लीग 2024 चा अंतिम सामना दिल्लीच्या अरुण जेटली स्टेडियमवर दिल्ली कॅपिटल्स आणि रॉयल चॅलेंजर्स बंगलोर (DC vs RCB) यांच्यात खेळला गेला. अंतिम सामन्यात बंगळुरूने दिल्ली कॅपिटल्सचा 8 गडी राखून पराभव करत विजेतेपद (RCB Beat DC) पटकावले. आरसीबीचे हे WPL मधील पहिले विजेतेपद आहे. तर आरसीबी फ्रँचायझीचे हे पहिले विजेतेपद आहे. अंतिम सामन्यात दिल्लीची कर्णधार मेग लॅनिंगने नाणेफेक जिंकून प्रथम फलंदाजी करण्याचा निर्णय घेतला होता, परंतु अंतिम सामन्यात दिल्लीची फलंदाजी पूर्णपणे फ्लॉप ठरली. या सामन्यात प्रथम फलंदाजी करताना दिल्लीचा संघ 113 धावांवर आटोपला. त्याचा पाठलाग करताना बंगळुरूने हा सामना 8 गडी राखून जिंकला. (हे देखील वाचा: IPL 2024: मुंबई इंडियन्सचा त्रास वाढला, घातक गोलंदाज झाला जखमी; खेळण्याची शक्यता कमी)

दिल्लीचे फलंदाज फ्लॉप

अंतिम सामन्यात दिल्ली कॅपिटल्सची सलामीवीर शेफाली वर्मा आणि कर्णधार मेग लॅनिंग यांनी 7 षटकात 64 धावांची चांगली सुरुवात केली. त्यानंतर या सामन्यात दिल्ली कॅपिटल्स 180-190 धावांचे लक्ष्य सहज पार करेल असे मानले जात होते, परंतु 7.1 षटकात शेफाली वर्माने 27 चेंडूत 44 धावांची उत्कृष्ट खेळी केली आणि बॉलवर मोठा फटका खेळताना ती बाद झाली. यानंतर जेमिमाह रॉड्रिग्ज आणि ॲलिस कॅप्सी हे फॉर्मात असलेले फलंदाज खाते न उघडताच पॅव्हेलियनमध्ये परतले. एकवेळ दिल्लीची धावसंख्या 3 विकेट्सवर 64 अशी होती.

श्रेयंका पाटीलची दमदार कामगिरी

यानंतर 74 पर्यंत चौथी विकेट कर्णधार मेग लॅनिंगच्या रूपाने पडली. मेग लॅनिंगने 23 चेंडूत 23 धावांची खेळी केली. कर्णधार बाद झाल्यानंतर दिल्लीची फलंदाजी अचानक ढासळली आणि काही वेळातच संपूर्ण संघ 74 धावांवर चार गडी गमावून 113 धावांवर सर्वबाद झाला. बंगळुरूकडून गोलंदाजीत श्रेयंका पाटीलने संस्मरणीय कामगिरी करत 3.3 षटकात 12 धावा देत 4 बळी घेतले. सोफी मोलिनक्सने दोन गडी बाद केले. तर आशा शोभनानेही दोन गडी बाद केले.

गोलंदाजीनंतर आरसीबीची दमदार फलंदाजी

विजेतेपदाच्या लढतीत रॉयल चॅलेंजर्स बंगळुरूने प्रथम गोलंदाजीत दमदार कामगिरी केली आणि त्यानंतर फलंदाजीतही आपले कौशल्य दाखवले. 114 धावांचा पाठलाग करताना कर्णधार स्मृती मानधना आणि सोफी डेव्हाईन यांनी मिळून आरसीबीला चांगली सुरुवात करून दिली. दोन्ही सलामीवीरांनी सुरुवातीच्या षटकांमध्ये एकही वाईट फटके न खेळता पॉवर प्लेमध्ये केवळ 25 धावा केल्या, पण चांगली गोष्ट म्हणजे या दोघांनीही सुरुवातीला बंगळुरूला कोणताही धक्का बसू दिला नाही.

मानधना आणि सोफी डिव्हाईन यांनी मिळून पहिल्या विकेटसाठी 49 चेंडूत 49 धावांची भागीदारी केली. मात्र 32 च्या वैयक्तिक स्कोअरवर सोफी डिव्हाईन शिखा पांडेच्या चेंडूवर एलबीडब्ल्यू झाली. यानंतर एलिस पेरीने कर्णधारासह डाव सांभाळला, पण विजयाचा उंबरठा ओलांडण्यापूर्वीच कर्णधार स्मृती मंधनाने 39 चेंडूत 31 धावा करून बाद झाली. अंतिम सामन्यात फलंदाजी करताना पेरीने 35 धावांची उत्कृष्ट खेळी केली. दिल्लीकडून शिखा पांडेने गोलंदाजीत 1 बळी घेतला. तर मीनू मणीनेही कर्णधार मानधनाची महत्त्वाची विकेट घेतली.

बंगळुरूला पहिले विजेतेपद मिळाले

रॉयल चॅलेंजर्स बंगळुरू फ्रँचायझीचे हे पहिले विजेतेपद आहे. 16 वर्षांपासून चाहते आयपीएलमधील पुरुष खेळाडूंकडून ट्रॉफीची वाट पाहत होते. ती आशा WPL 2024 मध्ये स्मृती मंधानाच्या नेतृत्वाखाली बेंगळुरू महिला संघात साकार झाली. आरसीबीचे चाहते मैदानावर आपल्या आवडत्या संघाचे जोरदार समर्थन करताना दिसले. बेंगळुरूच्या गोलंदाजीने या विजेतेपदाचा पाया रचला आणि तो प्रत्यक्षात आणण्यात फलंदाजांनी महत्त्वाची भूमिका बजावली.

अंतिम सामन्यात दिल्ली कॅपिटल्सचा सलग दुसरा पराभव

दुसरीकडे, दिल्ली कॅपिटल्स फ्रँचायझीला त्यांच्या विजेतेपदासाठी आणखी थोडी प्रतीक्षा करावी लागेल. डब्ल्यूपीएलच्या दुसऱ्या सत्रात दिल्ली कॅपिटल्सचा हा सलग दुसरा अंतिम सामना होता, परंतु पहिल्या सत्रात मुंबई इंडियन्सने अंतिम फेरीत दिल्लीचा पराभव केला होता. आणि वर्षभरानंतर, यावेळी त्याच फायनलमध्ये बेंगळुरूने दिल्लीचे विजेतेपदाचे स्वप्न भंगले.