Shreyas Iyer Century: विजय हजारे ट्रॉफीत श्रेयस अय्यरने ठोकले फक्त 51 चेंडूत शतक, कर्नाटकाविरोधात खेळली शानदार खळी

Shreyas Iyer Century:   देशांतर्गत क्रिकेटमध्ये सातत्याने चांगला फॉर्म दाखवत आहे. आयपीएल 2025 पूर्वी त्याने आणखी एक शतक झळकावले. यावेळी अय्यरने 10 षटकार आणि 5 चौकारांच्या मदतीने 114* धावांची शानदार खेळी केली. कर्नाटकविरुद्ध खेळल्या जात असलेल्या सामन्यात मुंबईच्या कर्णधाराने शतक झळकावले.

अय्यरने 55 चेंडूत 114* धावांची खेळी खेळली. यादरम्यान त्याने 51 चेंडूत आपले शतक पूर्ण केले होते. यापूर्वी सय्यद मुश्ताक अली ट्रॉफीमध्येही अय्यरच्या बॅटमधून शतक झळकले होते. लक्षात घेण्यासारखी गोष्ट म्हणजे सय्यद मुश्ताक अली ट्रॉफीच्या पहिल्या सामन्यातही अय्यरने शतक झळकावले होते. त्यानंतर त्याने गोव्याविरुद्ध 130* धावांची खेळी खेळली. आता विजय हजारे ट्रॉफीमध्ये पहिला सामना खेळताना मुंबईच्या कर्णधाराने शतक झळकावले.  (हेही वाचा  -  Vijay Hazare Trophy 2024-25 Live Streaming: विजय हजारे ट्रॉफीला आजपासून सुरुवात, पहिल्या दिवशी किती खेळले जाणार सामने; कुठे पाहणार लाइव्ह? जाणून घ्या सर्व काही)

अय्यरचे शतक आणि उत्कृष्ट फॉर्म ही पंजाब किंग्जसाठी चांगली बातमी आहे, हे विशेष. पंजाबने अय्यरला 26.75 कोटी रुपयांना विकत घेतले होते. या किंमतीसह अय्यर आयपीएलच्या इतिहासातील दुसरा सर्वात महागडा खेळाडू ठरला आहे.

मुंबईने 382 धावा ठोकल्या

अहमदाबादच्या नरेंद्र मोदी स्टेडियमवर खेळल्या जात असलेल्या या सामन्यात कर्नाटकने नाणेफेक जिंकून गोलंदाजीचा निर्णय घेतला. प्रथम फलंदाजी करताना मुंबईने 50 षटकांत 4 बाद 382 धावा केल्या. अय्यरने संघाकडून सर्वाधिक धावा केल्या. याशिवाय यष्टीरक्षक फलंदाज हार्दिक तोमरने 94 चेंडूत 7 चौकार आणि 3 षटकारांच्या मदतीने 84 धावा केल्या. बाकी आयुष महात्रे आणि शिवम दुबे यांनीही चांगली कामगिरी केली. आयुषने 82 चेंडूत 6 चौकार आणि 2 षटकारांच्या मदतीने 78 धावा केल्या. तर सहाव्या क्रमांकावर फलंदाजी करणाऱ्या शिवम दुबेने 36 चेंडूंत 5 चौकार आणि 5 षटकारांच्या मदतीने 63 धावा केल्या.