Shakib Al Hasan Accused of Murder: पाकिस्तानमध्ये कसोटी मालिका खेळणाऱ्या शाकिब अल हसनवर खुनाचा आरोप, एफआयआर दाखल

Shakib Al Hasan: बांगलादेशचा स्टार खेळाडू शाकिब अल हसनच्या (Shakib Al Hasan) अडचणीत वाढ झाली आहे. त्याचे नाव त्याच्या देशातील एका खून प्रकरणात समोर आले आहे. रुबेल इस्लामच्या हत्येत साकिबचा हात असल्याचा आरोप आहे. पोलिसांनी त्याच्याविरुद्ध एफआयआरही नोंदवला आहे. मिळालेल्या माहितीनुसार, रुबेल इस्लामची 5 ऑगस्ट रोजी हत्या करण्यात आली होती. या प्रकरणात शाकिब अल हसन आणि बांगलादेशच्या माजी पंतप्रधान शेख हसीना यांचीही नावे पुढे आली आहेत. बांगलादेश न्यूज 24 ने आपल्या वृत्तात या प्रकरणी अडबोर पोलीस स्टेशनमध्ये तक्रार दाखल केल्याचे वृत्त दिले आहे. इन्स्पेक्टर मोहम्मद नजरुल इस्लाम यांनी याला दुजोरा दिला आहे.

156 जणांविरुद्ध एफआयआर दाखल

मिळालेल्या माहितीनुसार, या प्रकरणात सत्तापालट झाल्यापासून बांगलादेशात अशांततेचे वातावरण आहे. याच कारणामुळे महिला विश्वचषकही यूएईमध्ये हलवण्यात आला आहे. त्याचबरोबर नजमुल हसनने बांगलादेश क्रिकेट बोर्डाचे अध्यक्षपदही सोडले आहे. (हे देखील वाचा: PAK vs BAN 1st Test: पाकिस्तान फलंदाजांनी बांगलादेशच्या खराब क्षेत्ररक्षणाचा घेतला फायदा, चौकार न लगावता पूर्ण केल्या 4 धावा (Watch Video)

शाकिब पाकिस्तानमध्ये कसोटी मालिका खेळत आहे

शाकिब अल हसन सध्या बांगलादेशी संघासोबत पाकिस्तान दौऱ्यावर आहे. रावळपिंडी येथे दोन्ही देशांमधील दोन सामन्यांच्या कसोटी मालिकेतील पहिला सामना खेळला जात आहे. याबाबत शाकिब उल हसनने अद्याप कोणतेही वक्तव्य केलेले नाही.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)