Rohit Sharma ने शतक झळकावून अनेक विक्रम काढले मोडीत, सचिन तेंडुलकरची केली बरोबरी, सुनील गावस्कर आणि वीरेंद्र सेहवागला टाकले मागे
Rohit Sharma Records: टीम इंडियाचा कर्णधार रोहित शर्माची (Rohit Sharma) हिटमॅन स्टाईल आज दिसली. भारत विरुद्ध ऑस्ट्रेलिया कसोटीच्या पहिल्याच दिवशी रोहित शर्माने ज्या प्रकारचा फॉर्म दाखवला, त्यावरून तो मोठी खेळी खेळणार असल्याचे समजले. पहिल्या दिवशी नाबाद राहिल्यानंतर रोहित शर्माने दुसऱ्या दिवसाचा डाव तिथून सुरू केला जिथून त्याने पहिला दिवस संपवला होता. हिटमॅनने आज 171 चेंडूत आपले शतक पूर्ण केले. दरम्यान, त्याने एकच शतक झळकावून अनेक विक्रम मोडण्याचे काम केले. एकीकडे त्याने सचिन तेंडुलकरची बरोबरी केली आहे, तर दुसरीकडे त्याने वीरेंद्र सेहवाग आणि माजी भारतीय कर्णधार सुनील गावस्कर यांना मागे टाकले आहे. रोहित शर्माचे हे शतक अशा वातावरणात घडले जेथे खेळपट्टीवर सतत वाद होत होती आणि ऑस्ट्रेलियन खेळाडूंपैकी एकही खेळाडू 50 च्या धावसंख्येला स्पर्श करू शकला नाही. आजच्या सामन्यात शतक झळकावल्यानंतर रोहित शर्माने केलेल्या विक्रमांवर एक नजर टाकूया.
रोहित शर्माने केले आज 'हे' नवीन विक्रम
रोहित शर्माने आतापर्यंत ऑस्ट्रेलियाविरुद्ध तिन्ही फॉरमॅटमध्ये सलामीवीर म्हणून नऊ शतके झळकावली आहेत. सचिन तेंडुलकरनेही ऑस्ट्रेलियाविरुद्ध तेवढीच शतके झळकावली होती. पण जिथे रोहित शर्माला इथपर्यंत पोहोचण्यासाठी 49 डाव लागले, तिथे सचिन तेंडुलकरला 62 डावांची प्रतीक्षा करावी लागली. म्हणजेच या बाबतीत रोहित शर्मा आणि सचिन तेंडुलकर बरोबरीवर आले आहेत. आणखी एक शतक झळकावताच तो सचिन तेंडुलकरला मागे सोडेल. दरम्यान, त्याने सुनील गावस्कर आणि वीरेंद्र सेहवाग यांना मागे टाकले आहे. कसोटी क्रिकेटच्या पहिल्या 31 डावांमध्ये सलामी देणाऱ्या रोहित शर्माच्या नावावर आता सहा शतके आहेत. यापूर्वी सुनील गावस्कर आणि वीरेंद्र सेहवाग यांनी प्रत्येकी पाच शतके झळकावली होती. म्हणजेच इथे रोहित शर्मा या दोन्ही दिग्गजांच्या पुढे गेला आहे. (हे दखील वाचा: Rohit Sharma Angry On Pujara: चुकीचा शाॅट खेळत चितेश्वर पुजार झाला आऊट, कर्णधार रोहित शर्मा संतापला (Watch Video)
'हा' विक्रम मोडणे अशक्य
असे म्हणतात की विक्रम हे फक्त तोडण्यासाठीच बनतात, पण काही विक्रम असे असतात जे मोडणे अशक्य नसले तरी खूप अवघड असते. असाच एक विक्रम रोहित शर्माने (Rohit Sharma) केला आहे. रोहित शर्मा आता भारतात सर्वाधिक षटकार मारणारा खेळाडू बनला आहे. रोहित शर्माने आंतरराष्ट्रीय क्रिकेटमध्ये 250 षटकार पूर्ण केले आहेत. हा विक्रम मोडला जाईल की नाही, याचा अंदाज यावरून लावता येतो की, पहिल्या 5 खेळाडूंमध्ये रोहित शर्माशिवाय आणखी एक सक्रिय खेळाडू आहे, बाकीचे सर्व निवृत्त झाले आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)