Gujarat Beat Bengaluru, WPL 2025 12th Match Scorecard: घरच्या मैदानावर आरसीबीची सलग तिसरा पराभव, गुजरात जायंट्सचा 6 गडी राखून विजय
गुजरात जायंट्सने रॉयल चॅलेंजर्स बंगळुरूचा 6 गडी राखून पराभव केला. 126 धावांच्या लक्ष्याचा पाठलाग करताना, गुजरातची कर्णधार अ‍ॅशले गार्डनरने 58 धावांची कर्णधारी खेळी केली. या पराभवानंतर स्मृती मानधनाच्या नेतृत्वाखालील रॉयल चॅलेंजर्स बंगळुरूच्या अडचणी वाढल्या आहेत.
RCB vs GG, WPL 2025 12th Match: महिला प्रीमियर लीगचा 12 वा सामना रॉयल चॅलेंजर्स बंगळुरू महिला आणि गुजरात जायंट्स महिला यांच्यात बंगळुरूच्या एम चिन्नास्वामी स्टेडियमवर खेळला गेला. यावेळी गुजरात जायंट्सचे नेतृत्व अ‍ॅशले गार्डनर करत आहे. तर, रॉयल चॅलेंजर्स बंगळुरूची कमान स्मृती मानधनाच्या खांद्यावर आहे. दरम्यान, या सामन्यात, गुजरात जायंट्सने रॉयल चॅलेंजर्स बंगळुरूचा 6 गडी राखून पराभव केला. 126 धावांच्या लक्ष्याचा पाठलाग करताना, गुजरातची कर्णधार अ‍ॅशले गार्डनरने 58 धावांची कर्णधारी खेळी केली. या पराभवानंतर स्मृती मानधनाच्या नेतृत्वाखालील रॉयल चॅलेंजर्स बंगळुरूच्या अडचणी वाढल्या आहेत. आरसीबीचा त्यांच्या घरच्या मैदानावर हा सलग तिसरा पराभव आहे.
नाणेफेक जिंकून प्रथम फलंदाजीसाठी आलेल्या आरसीबी संघाने निर्धारित 20 षटकांत सात गडी गमावून 125 धावा केल्या. आरसीबीकडून कनिका आहुजाने 33 धावांची शानदार खेळी केली. दुसरीकडे, गुजरात जायंट्स संघाकडून तनुजा कंवर आणि डिआंड्रा डॉटिन यांनी प्रत्येकी दोन बळी घेतले. तसेच, अ‍ॅशले गार्डनर आणि काशवी गौतम यांनी प्रत्येकी एक विकेट घेतली. (हे देखील वाचा: IPL 2025: केविन पीटरसन दिल्ली कॅपिटल्समध्ये दाखल, आयपीएलच्या नवीन हंगामात मिळाली मोठी जबाबदारी)
त्यानंतर लक्ष्याचा पाठलाग करताना गुजरात जायंट्सची सुरुवातही संथ झाली पण मधल्या फळीत संघाने चांगले पुनरागमन केले. दयालन हेमलता (11) आणि बेथ मूनी (17) हे दोन्ही सलामीवीर मोठी धावसंख्या उभारण्यात अपयशी ठरले. पण कर्णधार अ‍ॅशले गार्डनरने शानदार खेळी करत संघाचा विजय सोपा केला. आरसीबीकडून रेणुका सिंग ठाकूर आणि जॉर्जिया वेअरहॅमने प्रत्येकी दोन विकेट घेतल्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)