Pakistan vs Bangladesh, 2nd Test Day 3 Stumps Scorecard: तिसऱ्या दिवसाचा खेळ संपेपर्यंत पाकिस्तानने दोन गडी गमावून 9 केल्या धावा, बांगलादेशने केले शानदार पुनरागमन; पहा स्कोअरकार्ड

पाकिस्तानचा पहिला डाव अवघ्या 274 धावांवर आटोपला. पाकिस्तानकडून सैम अयुबने सर्वाधिक 58 धावा केल्या. सैम अयुब व्यतिरिक्त कर्णधार शान मसूदने 57 आणि आगा सलमानने 54 धावा केल्या. बांगलादेशकडून मेहदी हसन मिराजने सर्वाधिक 5 बळी घेतले.

BAN Team (Photo Credit - X)

पाकिस्तान राष्ट्रीय क्रिकेट संघ आणि बांगलादेश राष्ट्रीय क्रिकेट संघ यांच्यात 30 ऑगस्टपासून दोन सामन्यांच्या कसोटी मालिकेतील दुसरी कसोटी खेळली जात आहे. उभय संघांमधील हा सामना रावळपिंडी येथील रावळपिंडी क्रिकेट स्टेडियमवर खेळवला जात आहे. पावसामुळे पहिल्या दिवसाचा खेळ रद्द करण्यात आला. पहिल्या कसोटीत बांगलादेश संघाने पाकिस्तानचा 10 गडी राखून पराभव करत मालिकेत 1-0 अशी आघाडी घेतली. तिसऱ्या दिवसाचा खेळ संपला. तिसऱ्या दिवसाचा खेळ संपेपर्यंत पाकिस्तान संघाने दुसऱ्या डावात 3.4 षटकांत दोन गडी गमावून नऊ धावा केल्या होत्या. सैम अय्युब 6 धावा करून खेळत आहे. पाकिस्तान संघाने 21 धावांची आघाडी घेतली आहे. (हेही वाचा - PAK vs BAN 2nd Test 2024 Live Score: बांगलादेशचा पहिला डाव 262 धावांवर आटोपला, लिटन दासचे शतक; येथे पाहा स्कोरकार्ड )

पाहा पोस्ट -

तत्पूर्वी, बांगलादेशचा कर्णधार नझमुल हुसेन शांतोने नाणेफेक जिंकून प्रथम गोलंदाजी करण्याचा निर्णय घेतला. नाणेफेक जिंकून प्रथम फलंदाजी स्वीकारल्यानंतर पाकिस्तानची सुरुवात काही खास झाली नाही आणि सलामीवीर अब्दुल्ला शफीक खाते न उघडता पॅव्हेलियनमध्ये परतला. यानंतर सैम अयुब आणि कर्णधार शान मसूद यांनी डावाची धुरा सांभाळत शतकी भागीदारी केली.

मेहदी हसन मिराजशिवाय तस्किन अहमदने तीन विकेट्स आपल्या नावावर केल्या. ही मालिका वाचवण्यासाठी पाकिस्तानला बांगलादेश संघाला लवकरच ऑलआऊट करावे लागणार आहे.

त्याचवेळी बांगलादेशचा पहिला डाव 78.4 षटकांत 262 धावांवर संपुष्टात आला. बांगलादेशकडून लिटन दासने शतकी खेळी खेळली. बांगलादेशकडून लिटन दासने सर्वाधिक 138 धावा केल्या. या खेळीत लिटन दासने 228 चेंडूत चार षटकार आणि तेरा चौकार लगावले. लिटन दासशिवाय मेहदी हसन मिराजने 78 धावा केल्या. पाकिस्तानकडून खुर्रम शहजादने सर्वाधिक सहा बळी घेतले. खुर्रम शहजादशिवाय मीर हमजा आणि आगा सलमानने प्रत्येकी दोन गडी बाद केले.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)

Share Now

Share Now