IPL 2025 live streaming: फुकटात IPL मॅच पाहण्याचे दिवस संपले; आयपीएल 2025 पाहण्यासाठी खर्च करावे लागतील इतके पैसे
आयपीएल 2025 सुरू होण्यासाठी फक्त काही दिवस शिल्लक आहेत. खाली तुम्ही आयपीएल 2025 शी संबंधित लाईव्ह स्ट्रीमिंग बातम्या वाचू शकता.
IPL 2025 live streaming: आयपीएल 2025 चे बिगुल वाजला आहे. सर्व संघांनी तयारी सुरू केली आहे. 10 संघ सहभागी होण्यासाठी सज्ज आहेत. पहिला सामना 22 मार्च रोजी आरसीबी विरुद्ध केकेआर यांच्यात खेळला जाईल. चाहतेही आयपीएलची आतुरतेने वाट पाहत आहेत. यावेळी आयपीएलचे (IPL 2025) लाईव्ह स्ट्रीमिंग जिओ हॉटस्टारवर होईल. मात्र, यावेळी प्रेक्षकांना सामना पाहण्यासाठी स्वतःच्या खिशातून पैसे खर्च करावे लागतील.
जिओ हॉटस्टारचा प्लॅन
यावेळी आयपीएलचे लाईव्ह स्ट्रीमिंग मोफत असणार नाही. जिओ हॉटस्टारच्या बेसिक प्लॅनचा लाभ घेण्यासाठी तुम्हाला एका महिन्यासाठी 149 रुपये खर्च करावे लागतील. जाहिरातमुक्त योजना तीन महिन्यांसाठी 499 रुपयांना उपलब्ध असेल. या योजनेत तुम्ही आयपीएल व्यतिरिक्त इतर क्रीडा स्पर्धा देखील पाहू शकता.
इंडियन प्रीमियर लीग ही जगातील सर्वात प्रसिद्ध टी 20 लीग पैकी एक आहे. लवकरच आयपीएलच्या 18 व्या सीजनला सुरुवात होणार असून यासाठी क्रिकेट चाहते उत्सुक आहेत. दरवर्षी अनेक चाहते स्टेडियमवर जाऊन आयपीएलचे सामने पाहतात तर याहूनही अधिक चाहते मोबाईल तसेच डिजीटल गॅजेट्स आणि टीव्हीवर हे सामने पाहण्याचा आनंद घेतात. परंतु आता अंबानींनी आयपीएल 2025 पूर्वी मोठा निर्णय घेऊन चाहत्यांना धक्का दिला आहे.
Viacom18 आणि Star India यांचं विलीनीकरण झालं असून याद्वारे तयार झालेल्या नव्या कंपनीला JioStar असं नाव देण्यात आलंय. JioCinema आणि Disney+ Hotstar स्ट्रीमिंग प्लॅटफॉर्मचे विलीनीकरण JioStar बनल्यानंतर नवीन स्ट्रीमिंग प्लॅटफॉर्म, JioHotstar लाँच करण्यात आले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)