MI vs GT Head to Head: मुंबई इंडियन्सविरुद्ध हेड टू हेड रेकॉर्डमध्ये गुजरातचे पारडे कमकूवत; पहा हेड टू हेड रेकॉर्ड

Mumbai Indians vs Gujarat Titans Head to Head: गुजरात टायटन्स आणि मुंबई इंडियन्स आयपीएल 2025 (IPL 2025) एलिमिनेटरमध्ये एकमेकांशी सामना करतील. हा सामना मुल्लानपूरमधील महाराजा यादविंद्र सिंह आंतरराष्ट्रीय क्रिकेट स्टेडियममध्ये होणार आहे. 2022 चा चॅम्पियन गुजरात गेल्या हंगामात प्लेऑफमध्ये पोहोचू शकला नव्हता. परंतु यावर्षी त्यांनी उत्तम पुनरागमन केले आहे. त्याच वेळी, पाच वेळा चॅम्पियन मुंबई इंडियन्स (GT vs MI) गेल्या हंगामापेक्षा चांगली कामगिरी करण्यास उत्सुक आहेत. या सामन्यातील विजेत्या संघाला क्वालिफायर-२ मध्ये स्थान मिळेल.

गुजरात आणि मुंबई हेड टू हेड

मुंबई इंडियन्स हा इतिहासातील सर्वात यशस्वी संघ आहे. गुजरातने 2022 पासून आयपीएल खेळण्यास सुरुवात केली आहे. मुंबईविरुद्ध गुजरातचा रेकॉर्ड मजबूत आहे. आतापर्यंत दोन्ही संघांमध्ये 7 सामने खेळले गेले आहेत. यामध्ये गुजरातने 5 विजय मिळवले आहेत. दुसरीकडे, मुंबई इंडियन्सला फक्त दोन सामने जिंकता आले आहेत. या हंगामात, गुजरातने मुंबई इंडियन्सविरुद्ध दोन्ही सामने जिंकले आहेत. गेल्या चार सामन्यांमध्ये मुंबई गुजरातला हरवू शकली नाही.

गुजरात प्लेऑफमध्येही विजयी

प्रत्येक संघाविरुद्ध मुंबईचा रेकॉर्ड मजबूत असला तरी, 2021 च्या हंगामापासून संघाची कामगिरी घसरली आहे. 2023 ची आयपीएल क्वालिफायर-2 मुंबई आणि गुजरात यांच्यात खेळली गेली. नरेंद्र मोदी स्टेडियमवर खेळल्या गेलेल्या त्या सामन्यात गुजरातने शुभमन गिलच्या शतकाच्या मदतीने 3 विकेटच्या मोबदल्यात 233 धावा केल्या. प्रत्युत्तरादाखल, मुंबईचा डाव फक्त 171 धावांवर संपला.

पराभूत संघाचा प्रवास संपणार

गुजरात टायटन्स लीग टेबलमध्ये सातत्याने अव्वल स्थानावर होता. संघाने त्यांचे शेवटचे दोन सामने गमावले आणि ते तिसऱ्या स्थानावर राहिले. मुंबईला त्यांचा शेवटचा सामना जिंकून टॉप-2 मध्ये स्थान मिळवण्याची संधी होती परंतु संघ अपयशी ठरला. आयपीएल एलिमिनेटरमध्ये पराभूत होणाऱ्या संघाचा प्रवास संपतो. विजेता संघ क्वालिफायर-१ मध्ये पराभूत संघाविरुद्ध क्वालिफायर-2 खेळतो. या सामन्यातील विजयी संघाला अंतिम फेरीत प्रवेश मिळेल.