एमएस धोनी याला बिर्याणी खाऊ न घालणे मोहम्मद कैफ याला पडले महागात? माजी भारतीय फलंदाजाने सुनावला रंजक प्रसंग
मोहम्मद कैफने भूतकाळातील एक घटना सांगितली जेव्हा उर्वरित भारतीय संघासह एमएस धोनी नोएडा येथे त्याच्या घरी गेला होता परंतु त्याला बिर्याणी खायला न दिल्याने त्याचे भारतीय संघात नंतर पुनरागमन झाले नाही.
मोहम्मद कैफ (Mohammad Kaif) 2004 मध्ये आपल्या कारकीर्दीच्या शिखरावर जेव्हा माजी वर्ल्ड कप विजेता कर्णधार एमएस धोनी (MS Dhoni) याने आंतरराष्ट्रीय क्रिकेटमध्ये डेब्यू केले. परंतु काही वर्षांत कैफने राष्ट्रीय संघातील आपले स्थान गमावले आणि त्यानंतर तो पुन्हा कधीही परतला नाही. कैफने अखेर 2006 मध्ये भारतीय संघासाठी (Indian Team) सामना खेळला आणि जुलै 2018 मध्ये त्याने स्पर्धात्मक क्रिकेटमधून निवृत्ती घेतली. कोरोना व्हायरसमुळे क्रिकेट ठप्प झाले आहे आणि अशा परिस्थितीत क्रिकेटर्स आपल्या चाहत्यांना इन्स्टाग्राम लाइव्ह व इतर सोशल मीडिया प्लॅटफॉर्मवर व्यस्त ठेवत आहेत. कैफने अलीकडेच एक रंजक कहाणी सांगितली आणि आपली टीम इंडियामध्ये पुनरागमन की झाले नाही हे विनोदपूर्वक सांगितले. कैफने सांगितले की 2006 मध्ये त्याने संपूर्ण भारतीय क्रिकेट टीमला त्यांच्या घरी जेवणासाठी आमंत्रित केले होते. (CSK ने शेअर केला 'थाला' एमएस धोनीचा नवीन व्हिडिओ, 'आया शेर आया शेर' म्हणत Netizens ने केले स्वागत)
कैफने स्पोर्टस्क्रिनला सांगितले की, “मी 2006 मध्ये नोएडा येथे माझ्या घरी भारतीय क्रिकेटपटूंना रात्रीच्या जेवणासाठी आमंत्रित केले होते. ग्रेग चॅपल, सौरव गांगुली आणि बर्‍याच लोकांना आमंत्रित केले होते" कैफ म्हणाला, “धोनी, सुरेश रैना, इरफान पठाण आणि इतर जुनिअर एका खोलीत बसले होते आणि सचिन, गांगुलीसारखे वरिष्ठ दुसऱ्या खोलीत बसले होते. मी माझा बहुतांश वेळ वरिष्ठांसमवेत बसून व्यतीत केला होता कारण सचिन, सौरवसारख्या मोठ्या व्यक्तींच्या उपस्थित राहून मी घाबरून गेलो होतो. मी बहुधा धोनी आणि इतर जुनिअर क्रिकेटपटूंची योग्य काळजी घेतली नव्हती." तो पुढे म्हणाला, "धोनी मला अनेकदा म्हणाला की, मी तुझ्या घरी आलो आणि विनोदी भाषे म्हणाला की तू मला योग्य वेळी भोजन मागितला नाही. मी नेहमी म्हणतो की कृपया आता मला माफ कर."
कैफ म्हणाला की धोनीला, जो 2007 मध्ये कर्णधार बनला, त्याला बिर्याणी न खायला दिल्याने माझे राष्ट्रीय संघात पुनरागमन झाले नाही. कैफने नोव्हेंबर 2006 मध्ये दक्षिण आफ्रिकेविरूद्ध भारताकडून शेवटचा खेळ खेळला होता. त्याने भारतासाठी 13 कसोटी आणि 125 एकदिवसीय सामने खेळला आणि अनुक्रमे 624 आणि 2753 धावा केल्या आहेत. कैफ त्याच्या उदात्त क्षेत्ररक्षणासाठी ओळखला जायचा आणि आतावरच्या सर्वोत्कृष्ट भारतीय फिल्डर्समधील एक म्हणून ओळखला जातो.