Karnataka Beat Vidarbha, Vijay Hazare Trophy 2024-25 Final Match Scorecard: कर्नाटकने अंतिम सामन्यात विदर्भाचा 36 धावांनी पराभव करत पाचव्यांदा पटकावले विजेतेपद
अंतिम सामन्यात विदर्भाचा कर्णधार जितेश शर्माने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर कर्नाटकने प्रथम फलंदाजी केली आणि त्यांची सुरुवात निराशाजनक झाली आणि संघाला फक्त 23 धावांवर पहिला मोठा धक्का बसला.
Karnataka vs Vidarbha, Vijay Hazare Trophy 2024-25 Final Match Scorecard: विजय हजारे ट्रॉफी 2024-25 (Vijay Hazare Trophy 2024-25) चा सामना आज म्हणजेच 18 जानेवारी रोजी कर्नाटक क्रिकेट संघ (Karnataka Cricket Team) विरुद्ध विदर्भ क्रिकेट संघ (Vidarbha Cricket Team) यांच्यात खेळवण्यात आला. दोन्ही संघांमधील हा अंतिम सामना वडोदऱ्यातील (Vadodara) कोटाम्बी स्टेडियमवर (Kotambi Stadium) खेळवण्यात आला. अंतिम सामन्यात कर्नाटकने विदर्भाचा ३६ धावांनी पराभव केला. यासह, कर्नाटकने पाचव्यांदा विजेतेपद पटकावले आहे. या स्पर्धेत कर्नाटकचे नेतृत्व मयंक अग्रवाल (Mayank Agarawal) यांच्याकडे होते. तर, विदर्भाचे नेतृत्व जितेश शर्मा (Jitesh Sharma) करत होते. (हेही वाचा - Champions Trophy 2025: 752 च्या सरासरीने धावाकरूनही करुण नायरला टीम इंडियात स्थान नाही)
पाहा स्कोअरकार्ड -
कर्नाटक संघाने निर्धारित ५० षटकांत सहा गडी गमावून ३४८ धावा केल्या. कर्नाटककडून स्मरन रविचंद्रनने १०१ धावांची शानदार खेळी केली. या उत्कृष्ट खेळीदरम्यान, स्मरन रविचंद्रनने 92 चेंडूत सात चौकार आणि तीन षटकार मारले. स्मरन रविचंद्रन व्यतिरिक्त अभिनव मनोहरने 79 धावा आणि कृष्णन श्रीजीतने 78 धावा केल्या.
दुसरीकडे, यश ठाकूरने विदर्भ संघाला पहिले मोठे यश मिळवून दिले. विदर्भाकडून दर्शन नालकांडे आणि नचिकेत भुते यांनी प्रत्येकी दोन विकेट घेतल्या. दर्शन नालकांडे आणि नचिकेत भुते यांच्याव्यतिरिक्त यश ठाकूर आणि यश कदम यांनी प्रत्येकी एक विकेट घेतली. हा सामना जिंकण्यासाठी विदर्भ संघाला 50 षटकांत 349 धावा करायच्या होत्या.
लक्ष्याचा पाठलाग करताना विदर्भाची सुरुवातही निराशाजनक झाली आणि संघाला पहिला मोठा धक्का 32 धावांवर बसला. संपूर्ण विदर्भ संघ 48.2 षटकांत फक्त 312 धावांवर ऑलआउट झाला. विदर्भाकडून ध्रुव शोरीने 110 धावांची सर्वोत्तम खेळी खेळली. या शानदार खेळीदरम्यान, ध्रुव शोरीने 111 चेंडूत आठ चौकार आणि दोन षटकार मारले. ध्रुव शोरी व्यतिरिक्त हर्ष दुबेने 63 धावा केल्या.
त्याच वेळी, अभिलाष शेट्टीने कर्नाटक संघाला पहिले मोठे यश मिळवून दिले. कर्नाटककडून वासुकी कौशिक, प्रसिद्ध कृष्णा आणि अभिलाष शेट्टी यांनी प्रत्येकी सर्वाधिक तीन विकेट्स घेतल्या. वासुकी कौशिक, प्रसिद्ध कृष्णा आणि अभिलाष शेट्टी यांच्याव्यतिरिक्त हार्दिक राजने एक विकेट घेतली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)