IPL Update: आयपीएलमध्ये पुनरागमन करण्यासाठी श्रीसंत उत्सुक, पुनरागमन करण्याच्या आपल्या योजनेबद्दल पाहा काय म्हणाला

जर तो घरगुती सर्किटमध्ये कामगिरी करण्यास सक्षम असेल तर तो इंडियन प्रीमियर लीगमध्ये (Indian Premier League) पुनरागमन करू शकेल असाभारताचा अनुभवी गोलंदाज एस. श्रीशांत असा विश्वास आहे. 2013 श्रीसंत (Sreesanth) हा आयपीएल स्पॉट फिक्सिंग (IPL Spot-Fixing) घोटाळ्यात सामील होता आणि त्याच्यासह राजस्थान रॉयल्सचे खेळाडू अजित चंडिलिया आणि अंकित चव्हाण यांना दिल्ली पोलिसांनी अटक केली होती आणि 2015 मध्ये विशेष कोर्टाकडून श्रीसंतची सर्व आरोपातून निर्दोष सुटका करण्यात आली. 2018 मध्ये केरळ उच्च न्यायालयानेही त्याच्यावरील आजीवन बंदी रद्द केली आणि त्यानंतर एका वर्षानंतर सर्वोच्च न्यायालयाने बीसीसीआयला श्रीसंतची बंदी कमी करण्यास सांगितले. यावर्षी सप्टेंबरमध्ये त्याची बंदी आता संपत असल्याने श्रीसंत पुनरागमन करण्यासाठी कठोर परिश्रम घेत आहे. आपल्या पुनरागमन करण्याच्या आपल्या योजनेबद्दल बोलताना श्रीशांत म्हणाला की, आयपीएलच्या लिलावात आपण आपले नाव निश्चितपणे ठेवू शकतो. (7 वर्षाच्या बंदीनंतर श्रीसंत करणार क्रिकेटच्या मैदानावर ‘कमबॅक’, BCCI ने शिक्षा कमी केल्यावर केरळ रणजी संघात झाली निवड)

“मी माझे काम पाहिल्यावर माझं नाव नक्की टाकेन,”श्रीशांतने वृत्तसंस्था पीटीआयला सांगितले. “असे संघ आहेत ज्यांना रस असेल आणि मी नेहमीच मला सांगितले आहे की मी पुन्हा आयपीएल खेळणार आहे. तेव्हा मला हाकलून देण्यात आले आणि मी त्या प्लॅटफॉर्मवर परत आलो आहे याची खात्री करुन घेईन, सामने जिंकू,” 37 वर्षीय श्रीसंतने सांगितले. “मला सर्वात जास्त भीती वाटत होती की मी जेव्हा माझा क्रिकेट सामना खेळतो तेव्हा लोक काय म्हणतील. मला खात्री आहे की त्या सर्वांना हे समजेल की मी जे काही केले आणि त्यामागे कोण आहेत," श्रीसंत म्हणतो.

केरळ क्रिकेट असोसिएशनने (Kerala Cricket Association) रणजी संघात या खेळाडूची निवड केली आहे. कोविड-19 नंतर मैदानावरील प्रशिक्षणानंतरच श्रीशांतच्या फिटनेसचे मूल्यांकन करता येईल यावर जोर देऊन केरळचे प्रशिक्षक टीनू योहानन म्हणाले की केसीए त्याचे संघात स्वागत करण्यास तयार आहे. श्रीसंत भारताच्या 2007 टी-20 आणि 2011 वर्ल्ड कप विजेत्या टीमचा सदस्य होता.