IPL Media Rights Tender: आयपीएलच्या प्रसारण हक्कांची 33 हजार कोटीच्या मूळ किमतीवरून लागणार बोली, BCCI ची तिजोरी ओसंडून वाहण्यासाठी सज्ज!
यावेळी बीसीसीआयला मीडिया हक्कांद्वारे 45 ते 50 हजार कोटी रुपये मिळू शकतात. आयपीएलच्या कमाईतील 70 टक्के रक्कम बोर्डाला इथून मिळतात. विशेष म्हणजे त्याला या उत्पन्नावर कर भरावा लागत नाही.
IPL Media Rights: भारतीय क्रिकेट नियामक मंडळाने (BCCI) आगामी इंडियन प्रीमियर लीग (Indian Premier League) च्या प्रसारक हक्कांसाठी (Media Rights) 33,000 कोटी रुपये (ताबा 32,890 कोटी रुपये) ची एकत्रित मूळ किंमत निश्चित केली आहे. बीसीसीआयने (BCC) आयपीएल 2023 ते 2027 या पाच वर्षांसाठी मीडिया हक्कांसाठी (IPL Media Rights) चार बंडल तयार केले आहेत. 12 जुलै रोजी ई-लिलाव प्रक्रिया पार पडेल. यापुढेही सामन्यांची संख्या वाढवण्याचा पर्याय बोर्डाने ठेवला आहे. तसेच यावेळी कोणतीही एकत्रित बोली लागली नाही, कारण स्टार स्पोर्ट्सने 2018 ते 2022 पर्यंत मीडिया हक्क विकत घेतले होते. 29 मार्च रोजी प्रसिद्ध झालेल्या ITT नुसार बंडल A हे भारतीय उपखंडातील टेलिव्हिजन अधिकारांसाठी आहे आणि या श्रेणीतील मूळ किंमत 49 कोटी रुपये प्रति सामना असलीच Cricbuzz च्या अहवालात म्हटले आहे. याशिवाय एकत्रितपणे, पाच वर्षांसाठी ही मूळ किंमत 18,130 कोटी रुपये असेल.
हा ई-लिलावाचा सुरुवातीचा पॉईंट असेल. बंडल बी डिजिटल अधिकारांसाठी आहे आणि याची मूळ किंमत 33 कोटी रुपये प्रति सामना आहे. पाच वर्षांसाठी आयपीएलच्या डिजिटल मीडिया हक्कांची मूळ किंमत 12,210 कोटी रुपये आहे. यावेळी बहुचर्चित विशेष पॅकेज बंडल C आहे, ज्यामध्ये 18 खेळांचा समावेश आहे आणि या बंडलची मूळ किंमत प्रत्येक सामन्यासाठी 16 कोटी रुपये असेल. प्रत्येक हंगामात 74 सामने होणार आहेत त्यामुळे या बंडलची पाच वर्षांसाठी मूळ किंमत 1440 कोटी रुपये आहे. दरम्यान 18 स्वतंत्र सामन्यांमध्ये सुरुवातीचे सामने, चार प्ले-ऑफ आणि डबल हेडरचे रात्रीचे सामने समाविष्ट आहेत. हे बंडल फक्त OTT साठी आहे आणि फक्त एकच कंपनी हे बंडल खरेदी करू शकते. यावेळी प्रसारक हक्कांचा लिलाव 45000 ते 50000 कोटी रुपयांच्या दरम्यान होऊ शकतो असे मानले जात आहे.
यावेळी बीसीसीआयला मीडिया हक्कांद्वारे 45 ते 50 हजार कोटी रुपये मिळू शकतात. आयपीएलच्या कमाईतील 70 टक्के रक्कम बोर्डाला इथून मिळतात. विशेष म्हणजे त्याला या उत्पन्नावर कर भरावा लागत नाही, कारण आयकराच्या कलम 12A अंतर्गत बीसीसीआयला आयपीएलच्या कमाईवर कर भरण्यापासून सूट देण्यात आली आहे. देशभरात क्रिकेटला प्रोत्साहन देण्यासाठी हे करण्यात आले आहे. यापूर्वी प्रसारक हक्क एकाच वेळी विकले जात होते. टीव्हीपासून ते डिजिटल अधिकारही त्यात होते. डिजिटल मीडियाच्या वाढीमुळे यावेळी एकाच पॅकेजऐवजी चार वेगवेगळ्या पॅकेजमध्ये विकण्याचा बीसीसीआयने ठरवले आहे.