IPL 2022: ‘ज्युनियर मलिंगा’चे IPL मध्ये धमाकेदार डेब्यू, Matheesha Pathirana वर चेन्नईचा कर्णधार MS Dhoni चे बडेबोल; पहा काय म्हणाला
IPL 2022: श्रीलंकेचा महान खेळाडू लसिथ मलिंगा सारखा चपखल कृती असलेल्या मथीशा पाथिरानाने CSK कडून पदार्पणातच 2 बळी घेत प्रभावित केले. लंकन वेगवान गोलंदाजांचे प्रयत्न निष्फळ ठरले कारण चेन्नई सुपर किंग्सला गुजरात टायटन्सकडून 7 गडी राखून पराभवाचा सामना करावा लागला.
4 वेळच्या चॅम्पियनसाठी त्याच्या आयपीएल (IPL) पदार्पणात 2 बळी घेत श्रीलंकेच्या वेगवान गोलंदाज मथीशा पाथिरानाच्या (Matheesha Pathirana) प्रयत्नांनी चेन्नई सुपर किंग्जचा (Chennai Super Kings) कर्णधार एमएस धोनी (MS Dhoni) नक्कीच प्रभावित झाला. रविवारी इंडियन प्रिमीय लीग 2022 च्या 62 व्या सामन्यात गुजरात टायटन्स (Gujarat Titans) कडून झालेल्या पराभवात पाथिरानाने 19 चेंडूंच्या स्पेलमध्ये 24 धावांत दोन विकेट्स घेतल्या. ‘ज्युनियर लसिथ मलिंगा’ म्हणून ओळखल्या जाणार्या पाथिरानाला मोसमाच्या सुरुवातीला दुखापतग्रस्त न्यूझीलंडचा वेगवान गोलंदाज अॅडम मिल्नेसाठी बदली खेळाडू म्हणून सीएसकेसाठी पदार्पण करण्याची संधी मिळाली. धोनीच्या खेळाडूंनी हंगामातील त्यांच्या अंतिम सामन्यात अनेक बदल केल्यामुळे पाथीरानाला चेन्नईकडून पहिला सामना खेळण्याची संधी मिळाली. (IPL 2022, CSK vs GT: गुजरात अव्वल नंबर! चेन्नईचा 7 विकेट्सने दारुण पराभव करत नंबर 1 सिंहासनावर टायटन्स ‘राज’ कायम)
पाथीरानाने सीएसके इलेव्हनमध्ये त्याचा श्रीलंकेचा प्रतिस्पर्धी महेश तीक्षणाची जागा घेतली. गुजरात टायटन्सविरुद्ध 4 वेळच्या चॅम्पियनने प्लेऑफच्या शर्यतीतून बाहेर पडल्यानंतर त्यांची बेंच ताकद वापरण्याचं ठरवलं. धोनी म्हणाला, “पथिरानासह, त्रुटीचे अंतर कमी आहे. तो एक चांगला स्लोअर आहे आणि त्याने सातत्यपूर्ण वेगवान गोलंदाजी केल्यास त्याला खेळणे कठीण होईल,” धोनी म्हणाला. CSK कर्णधाराने सांगितले की 20 मे रोजी त्यांच्या अंतिम लीग सामन्यात राजस्थान रॉयल्सचा सामना करताना संघ त्यांच्या बेंच स्ट्रेंथची चाचणी घेत राहील. “आम्ही लोकांना संधी देण्याचा प्रयत्न करू. आम्ही एक चांगली इलेव्हन दाखवण्याचा प्रयत्न करत आहोत आणि आगामी सामन्यांमध्येही ते करण्याचा प्रयत्न करू,” तो पुढे म्हणाला.
दरम्यान, आयपीएलमधील सर्वात मोठा आणि चार वेळा आयपीएल चॅम्पियन संघ चेन्नई सुपर किंग्जला आणखी एका सामन्यात पराभव पत्करावा लागला आहे. गुजरातने सीएसकेचा सात गडी राखून पराभव केला. एमएस धोनीच्या नेतृत्वाखालील सीएसकेने आतापर्यंत 12 सामने खेळले आहेत, त्यापैकी संघाने केवळ चार सामने जिंकले आहेत. CSK सध्या आयपीएल 2022 गुणतालिकेत नवव्या क्रमांकावर आहे. अशा परिस्थितीत प्लेऑफमध्ये प्रवेश करण्याच्या सीएसकेच्या आशा आधीच संपुष्टात आल्या आहेत.
(The above story first appeared on LatestLY on May 15, 2022 08:52 PM IST. For more news and updates on politics, world, sports, entertainment and lifestyle, log on to our website latestly.com).
