IPL 2022 मध्ये ऑस्ट्रेलियन खेळाडूंची एन्ट्री सुरू; जाणून घ्या कोण कुठल्या संघासाठी कधी धरणार मैदानाची वाट!
ऑस्ट्रेलियाचा पाकिस्तान दौरा संपुष्टात आल्याने करारबद्ध सर्व खेळाडू बुधवार, 6 एप्रिलपासून आयपीएलच्या 2022 आवृत्तीत खेळण्यासाठी उपलब्ध होतील. काही ऑस्ट्रेलियन खेळाडू आधीच भारतात पोहोचले आहेत, तर बरेच व्हाईट-बॉल मालिकेसाठी पाकिस्तानात होते, ज्यामुळे आयपीएलमध्ये त्यांचे खेळणे अधिक लांबणीवर पडले. अशा परिस्थितीत कोणता खेळाडू कधी उपलब्ध असेल जाणून घ्या.
IPL 2022: लाहोरच्या गद्दाफी स्टेडियमवर झालेल्या रोमहर्षक टी-20 आंतरराष्ट्रीय सामन्यात ऑस्ट्रेलियन संघाने (Australia Cricket team) यजमानांचा 3 गडी राखून पराभव करत ऐतिहासिक पाकिस्तान दौऱ्याचा (Pakistan Tour) शेवट गोड केला. पाकिस्तान दौरा संपुष्टात आल्याने अनेक इंडियन प्रीमियर लीग (Indian Premier League) फ्रँचायझींनी सुटकेचा नि:श्वास सोडला असेल कारण अनेक ऑस्ट्रेलियन खेळाडू आता आगामी सामन्यांमध्ये निवडीसाठी उपलब्ध असतील, ते देखील जे ऑस्ट्रेलियाच्या व्हाईट-बॉल मालिका खेळले नाही. ऑस्ट्रेलियाचा कसोटी कर्णधार पॅट कमिन्स (Pat Cummins) कोलकाता नाईट रायडर्स संघासाठी आज मुंबई इंडियन्सविरुद्धच्या सामन्यातून मैदानात उतरला आहे. तर ग्लेन मॅक्सवेल (Glenn Maxwell) आणि डेविड वॉर्नर (David Warner) हे आधीच भारतात आले असताना, क्रिकेट ऑस्ट्रेलियाच्या (CA) खेळाडूंसाठी करारबद्ध निर्बंधांमुळे ते 5 एप्रिलपर्यंत निवडीसाठी उपलब्ध नव्हते. (IPL 2022, MI vs KKR Match 14: मुंबईविरुद्ध हायव्होल्टेज सामन्यापूर्वी कोलकाताची ताकद वाढली, धडाकेबाज गोलंदाजाची केकेआर ताफ्यात एन्ट्री)
तथापि आता पाकिस्तानचा दौरा संपल्यानंतर, व्हाईट बॉल मालिका खेळलेले पाच खेळाडू आता लवकरच भारतात येतील आणि 3 दिवसाचा क्वारंटाईन पूर्ण करतील. अशा परिस्थितीत कोणता ऑस्ट्रेलियन खेळाडू कोणत्या संघासाठी कधी उपलब्ध असेल जाणून घ्या.
वॉर्नर-मॅक्सवेल
वॉर्नर आणि मॅक्सवेल हे सर्व 2 एप्रिल रोजी किंवा त्यापूर्वी भारतात आल्यामुळे वॉर्नर 7 एप्रिल रोजी लखनऊ सुपर जायंट्स विरुद्ध दिल्ली कॅपिटल्सच्या सामन्यासाठी उपलब्ध असेल तर मॅक्सवेल 9 एप्रिल रोजी मुंबई इंडियन्स विरुद्ध रॉयल चॅलेंजर्स बेंगलोर (RCB) कडून कमबॅक करू शकतो.
जोश हेझलवुड
वेगवान गोलंदाज हेझलवूड हा पाकिस्तान दौऱ्यावर व्हाईट बॉल मालिका खेळला नाही परंतु तो एका छोट्या ब्रेकसाठी मायदेशी परतला आणि आयपीएलच्या सूत्रानुसार तो दोन दिवसांत भारतात येणार आहे. हेजलवुड 12 एप्रिल रोजी चेन्नई सुपर किंग्ज विरुद्ध आरसीबीच्या सामन्यासाठी उपलब्ध होण्याची शक्यता आहे.
मिचेल मार्श
ऑस्ट्रेलियाचा टी-20 विश्वचषक स्टार मर्यादित षटकांच्या संघाचा भाग होता, तथापि, वनडे मालिका सुरू होण्यापूर्वी सरावाच्या वेळी दुखापतीमुळे त्याला बाहेर बसने भाग पडले. त्यानंतर, तो लवकरच भारतात आला आणि त्याने त्याचे क्वारंटाइन पूर्ण केले. दिल्ली कॅपिटल्सचे मुख्य प्रशिक्षक रिकी पाँटिंग यांनी सांगितले की, त्याला पूर्णपणे बरे होण्यासाठी किमान 5-6 दिवस लागतील आणि त्यामुळे तो 16 एप्रिल रोजी होणाऱ्या फ्रँचायझीच्या पाचव्या सामन्यासाठी उपलब्ध होण्याची शक्यता आहे.
आरोन फिंच, नॅथन एलिस, मार्कस स्टॉइनिस, जेसन बेहरेनडॉर्फ आणि शॉन एबॉट
पाकिस्तानविरुद्ध मर्यादित षटकांची मालिका संपल्यानंतर संघातील पाच आयपीएलचे खेळाडू बुधवारपासून भारतात येण्यास सुरुवात करतील. त्यांच्या आगमनाच्या तारखेनुसार त्यानंतर तीन दिवसांच्या अलग ठेवणे,च (केकेआर), नॅथन एलिस (पंजाब किंग्स), मार्कस स्टॉइनिस (लखनऊ), जेसन बेहरेनडॉर्फ (आरसीबी) आणि शॉन एबॉट (हैदराबाद) 10 एप्रिलपासून संघासाठी उपलब्ध असतील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)