Asian Games 2023: आशियाई स्पर्धेसाठी भारतीय क्रिकेट संघाची लवकरच होवु शकते घोषणा, रिंकू, जितेश आणि गायकवाड यांना मिळू शकते संधी!

रिंकू सिंग (Rinku Singh), ऋतुराज गायकवाड (Ruturaj Gaikwad) आणि जितेश शर्मा (Jitesh Sharma) यांची वेस्ट इंडिजविरुद्धच्या टी-20 मालिकेत (IND vs WI T20) निवड न झाल्याने चीनमध्ये खेळल्या जाणाऱ्या आशियाई खेळांसाठी (Asian Games 2023) निवड होण्याची अपेक्षा आहे. भारतीय क्रिकेट नियामक मंडळ (BCCI) 15 जुलैपर्यंत आशियाच्या ऑलिम्पिक परिषदेला खेळाडूंची यादी सादर करेल. हा संघ आशियाई खेळांसाठी दुस-या क्रमांकाचा संघ असेल कारण या खेळांच्या कालावधीत आयसीसी विश्वचषक खेळला जाणार आहे. शिखर धवन आशियाई क्रीडा स्पर्धेत संघाचे नेतृत्व करण्यासाठी सज्ज असेल. गायकवाड, जितेश आणि रिंकू व्यतिरिक्त उमरान मलिक, अर्शदीप सिंग, राहुल चहर आणि तिलक वर्मा हे देखील आशियाई क्रीडा स्पर्धेत सहभागी होणार आहेत.

ऋतुराज गायकवाड, जितेश शर्मा आणि रिंकू सिंग यांनी आयपीएल 2023 चा सीझन चांगला गाजवला. गायकवाड यांनी सीएसकेसाठी 16 सामन्यात 590 धावा केल्या, तर जितेश आणि रिंकू यांनी पीबीकेएस आणि केकेआरसाठी अनुक्रमे 309 आणि 474 धावा केल्या. मात्र, या तिघांपैकी कोणालाही वेस्ट इंडिजविरुद्धच्या टी-20 संघात स्थान मिळाले नाही. निवडकर्त्यांनी यशस्वी जैस्वाल, संजू सॅमसन आणि टिळक वर्मा यांच्यावर विश्वास दाखवला.

तथापि, रोहित शर्मा, विराट कोहली, हार्दिक पांड्या, मोहम्मद शमी, केएल राहुल आणि जसप्रीत बुमराह सारखे खेळाडू आशियाई क्रीडा स्पर्धेतून गायब असल्याने गायकवाड, रिंकू आणि जितेश हे आशियाई क्रीडा स्पर्धेत भारताकडून खेळताना दिसतील. (हे देखील वाचा: Avesh Khan Injured: वेस्ट इंडिज मालिकेपूर्वी टीम इंडियाला मोठा धक्का, युवा वेगवान गोलंदाज आवेश खान जखमी)

भारत एकाच वेळी दोन राष्ट्रीय संघ मैदानात उतरण्याची ही पहिलीच वेळ नाही. 1998 मध्ये, एक भारतीय संघ क्वालालंपूरच्या राष्ट्रकुल स्पर्धेत दिसला, तर दुसऱ्या संघाचा सहारा कपमध्ये पाकिस्तानशी सामना झाला. अलीकडेच 2021 मध्ये, भारताने श्रीलंकेविरुद्ध खेळताना शिखर धवनच्या नेतृत्वाखाली ब संघ मैदानात उतरवला होता, तर विराट कोहलीच्या नेतृत्वाखालील दुसरा संघ लंडनमध्ये कसोटी मालिका खेळत होता.