पीएसएल 2020 च्या निलंबनानंतर भारतीय प्रसारण दल पाकिस्तानमध्ये अडकून, अटारी सीमेवरुन भारतात प्रवेश नाकारला
दोन सेमीफायनल आणि फायनल सामना शिल्लक असताना स्पर्धा कोविड-19 च्या पार्श्वभुमीवर पाकिस्तान सुपर लीग (पीएसएल 2020) पुढे ढकलण्यात आली आहे. तथापि, पीएसएल ब्रॉडकास्टर्ससाठी काम करणारे 29 सदस्यांचा भारतीय दल सध्या अटारी सीमेवरुन प्रवेश नाकारल्यामुळे पाकिस्तानमध्ये अडकलेला आहे.
कोरोना व्हायरसमुळे (Coronavirus) पाकिस्तान सुपर लीग (Pakistan Super League) पुढे ढकलण्यात आली आहे. दोन सेमीफायनल आणि फायनल सामना शिल्लक असताना स्पर्धा कोविड-19 (COVID-19) च्या पार्श्वभुमीवर पुढे ढकलण्यात आला. पाकिस्तान क्रिकेट बोर्डाने प्रथम या स्पर्धेतील सामने कमी केले होते, पण धोका वाढलेला पाहून स्पर्धा पहिल्या सेमीफायनलपूर्वीच स्थगित केली. तथापि, पीएसएल (PSL) ब्रॉडकास्टर्ससाठी काम करणारे 29 सदस्यांचा भारतीय दल सध्या अटारी सीमेवरुन प्रवेश नाकारल्यामुळे पाकिस्तानमध्ये अडकलेला आहे. चालक दल सदस्यांकडे व्हिसा होता, त्यामुळे त्यांना रस्त्याऐवजी विमानाने प्रवास करण्याची परवानगी मिळाल्यामुळे हा संभ्रम निर्माण झाला. परंतु परिस्थितीची गंभीरता पाहता, पाकिस्तानमधील अधिका्यांनी त्या पथकाला सीमामार्गे परत भारतात जाण्याची परवानगी दिली. तथापि, सिमेवर पोहचताच भारतीय अधिका्यांनी त्यांचा प्रवेश नाकारला. (अ‍ॅलेक्स हेल्स ने कोरोना व्हायरसच्या संसर्गासंबंधीचे हेल्थ अपडेट केले जाहीर, खोटी बातमी पसरवणाऱ्या पाकिस्तानी पत्रकाराला दिले चोख प्रत्युत्तर)
पीसीबीने या स्पर्धेची संबंधित सर्व खेळाडू आणि संबंधित कर्मचार्‍यांना त्यांच्या देशात परत जाण्याची व्यवस्था केली होती, परंतु तरीही ते भारतीय वाघा-अटारी सीमेद्वारे भारतात येऊ शकले नाहीत. या भारतीयांना सीमेवरच प्रवेश करण्यास बंदी घालण्यात आल्याचं सांगण्यात येत आहे. त्यांच्याकडे योग्य कागदपत्र नसल्याने असे करण्यात आल्याचे सामोर आले आहे. पीसीबी सर्वांना भारतात पाठविण्यासाठी इतर पर्यायांचा शोध घेत असल्याचे सांगितले जात आहे.
कोरोना व्हायरसमुळे पाकिस्तान सुपर लीग बाद फेरीतील सामने स्थगित करण्यात आले. काही दिवसांपूर्वी इंग्लंडचा खेळाडू अ‍ॅलेक्स हेल्सने विषाणूशी संबंधित लक्षणे दर्शविली आहेत आणि त्याची चाचणी घेण्यात येणार असल्याचे वृत्त समोर आले, पण हेल्सने अहवालावर टीकेची झोड उठविली ज्यामध्ये नमूद केले होते की त्याच्यात कोरोनाची लक्षणे आढळल्याने पीएसएल रद्द करण्यात आले. नंतर तो म्हणाला की मला ताप आला आहे आणि तो इंग्लंड सरकारने दिलेल्या प्रोटोकॉलचे अनुसरण करीत होते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)