497 धावांची डाव घोषित केल्यानंतर भारताने दक्षिण आफ्रिकेला प्रारंभिक झटका देऊन दबाव आणला आहे. आफ्रिकेने डीन एल्गर आणि क्विंटन डॅकॉक यांच्या विकेट्स 9 धावांवर गमावल्या.
Live
SA 9/2 in 5 Overs | India vs South Africa 3rd Test Day 2 Updates: खराब प्रकाशामुळे दुसऱ्या दिवसाचा खेळ थांबला
झारखंड राज्य क्रिकेट असोसिएशन (जेएससीए) स्टेडियमवर दक्षिण आफ्रिकाविरुद्ध तीन सामन्यांच्या कसोटी मालिकेच्या अखेरच्या सामन्यात खराब सुरुवात झाल्यानंतर भारतीय डाव सावरला. पहिल्या दिवसाचा खेळ संपेपर्यंत भारताने 3 बाद 224 धावा केल्या होत्या.
20 Oct, 20:36 (IST)
दक्षिण आफ्रिकेच्या डावाची सुरुवात झाली आहे. भारताने त्यांचा पहिला डाव 4 बाद 497 धावांवर घोषित केला. याच्या प्रत्युत्तरात आफ्रिकेने त्यांची पहिली विकेट गमावली. डीन एल्गार शून्यावर माघारी परतला. मोहम्मद शमी ने रिद्धिमान साहा कडे झेल बाद केले.
20 Oct, 20:15 (IST)
भारताने त्यांचा पहिला डाव 4 बाद 497 धावांवर घोषित केला. भारतासाठी रोहित शर्मा याने 212 आणि अजिंक्य राहणे याने सर्वाधिक 115 धावा केल्या. आफ्रिकासाठी कगिसो रबाडा ने 3 गडी बाद केले.
20 Oct, 20:11 (IST)
उमेश यादव याची शानदार फलंदाजी संपुष्टात आली. जॉर्ज लिंडे च्या ओव्हरमध्ये तीन षटकार ठोकल्यानंतर उमेश बाद झाला. ओव्हरमधील शेवटच्या बॉलवर हेनरिच क्लॅसनने त्याचा झेल घेतला आणि त्याला माघारी धाडले. उमेश 10 चेंडूत 31 धावा करुन तो परतला.
20 Oct, 19:57 (IST)
अर्धशतक ठोकताच पुढच्याच चेंडूवर रवींद्र जडेजा बाद झाला. जडेजाने विकेटकीपर हेनरिच क्लॅसेनला जॉर्ज लिंडेच्या गोलंदाजीवर झेलबाद झाला. जडेजाने 119 चेंडूंत 51 धावा करत माघारी परतला. त्याने आपल्या खेळीत चार चौकार ठोकले
20 Oct, 19:38 (IST)
जॉर्ज लिंडे याने भारताला सहावा धक्का दिला. लिंडेच्या चेंडूवर रिद्धिमान साहा बोल्ड झाला. साहा 42 चेंडूत 24 धावा करून तो पॅव्हिलियनमध्ये परतला. रविंद्र जाडेजाला साथ देण्यासाठी आर अश्विन आता क्रीजवर आला आहे.
20 Oct, 18:56 (IST)
भारताला मोठ्या धावसंख्येपर्यंत पोहोचण्यापासून रोखण्यासाठी दक्षिण आफ्रिकेला येथे विकेट घेण्याची आवश्यकता आहे. भारताची आणखी एक मोठी भागीदारी कदाचित त्यांच्या अडचणीत वाढ करू शकते. सध्या रवींद्र जडेजा आणि रिद्धिमान साहा सावध खेळी करत आहे. आणि भारताने 400 धावांचा टप्पा गाठला. मागील दोन कसोटी सामन्यांमध्ये भारताने 500 हून अधिक धावा केल्या आहेत आणि जर यंदादेखील असे झाले तर पराभव टाळणे दक्षिण आफ्रिकेला अवघड जाईल.
20 Oct, 18:02 (IST)
टेस्ट कारकिर्दीतील पहिले दुहेरी शतक करत टीम इंडियाचा हिटमॅन रोहित शर्मा 255 चेंडूत 212 धावांवर आऊट झाला. कगिसो रबाडाने लुंगी एनगीडीच्या हाती झेल बद्द केले.
20 Oct, 17:54 (IST)
दक्षिण आफ्रिकाविरुद्ध सध्या सुरु असलेल्या तिसऱ्या टेस्ट मॅचच्या दुसऱ्या दिवशी रोहित शर्मा ने दुहेरी शतक केले. रोहितने पहिल्यांदा टेस्टमध्ये दुहेरी शतक केले आहे. यापूर्वी त्याची सर्वोच्च धावसंख्या 177 होती.
20 Oct, 17:07 (IST)
दक्षिण आफ्रिकाविरुद्ध तिसऱ्या टेस्टचा लंच झाला आहे. लंचपर्यंत भारताने 4 बाद धावा केल्या. लंचपूर्वी भारताने अजिंक्यरा रहाणेची विकेट गमावली. रहाणे 115 धावांवर बाद झाला. तर, लंचपर्यंत रोहित शर्मा दुहेरी शतकाच्या जवळ पोहचला आहे. रोहित नाबाद धावांवर खेळत आहे.
20 Oct, 16:18 (IST)
दक्षिण आफ्रिकाविरुद्ध टीम इंडियाने 300 धावांचा टप्पा गाठला. अजिंक्य रहाणेने चौकार मारत भारताचा स्कोर 300 च्या पुढे नेला. यासह रोहित शर्माबरोबर रहाणेची 250 धावांची भागीदारी पूर्ण झाली.
20 Oct, 15:53 (IST)
भारताचा सलामीवीर रोहित शर्मा नंतर अजिंक्य रहाणेने शतकही केले आहे. हे त्याचे 11 वे कसोटी शतक आहे. रहाणेने आपले शतक 169 चेंडूंत पूर्ण केले. रहाणे आणि रोहित शर्मा यांच्यात 200 हून अधिक भागीदारी झाली आहे.
20 Oct, 15:35 (IST)
रोहित शर्मा याने लुंगी एनगीडी च्या ओव्हरमधील चौथ्या चेंडूवर चौकार मारला आणि यासह 292 चेंडूत अजिंक्य रहाणेसह 200 धावांची भागीदारी पूर्ण झाली.
20 Oct, 15:17 (IST)
पहिल्या दिवशी भारताने तीन विकेट गमावून 224 धावा केल्या होत्या, आज रोहित शर्मा आणि अजिंक्य रहाणे आता धावा पुढे करण्याच्या प्रयत्नात आहेत. रोहित आणि रहाणे यांच्यात चांगली भागीदारीमुळे आफ्रिकेचा अडचणीत वाढ होत आहे. आफ्रिकेच्या गोलंदाजांनी चांगली सुरुवात केली होती, पण नंतर त्यांना विकेट मिळवण्यात अपयश आले.
झारखंड राज्य क्रिकेट असोसिएशन (जेएससीए) स्टेडियमवर दक्षिण आफ्रिका (South Africa) विरुद्ध तीन सामन्यांच्या कसोटी मालिकेच्या अखेरच्या सामन्यात खराब सुरुवात झाल्यानंतर भारतीय डाव सावरला. पहिल्या दिवसाचा खेळ संपेपर्यंत भारताने 3 बाद 224 धावा केल्या होत्या. यात रोहित शर्मा (Rohit Sharma) याने नाबाद 117 तर कसोटी उपकर्णधार अजिंक्य रहाणे (Ajinkya Rahane) 83 धावांवर खेळत होते. पहिल्या दिवशी टी ब्रेकनंतर खराब प्रकाशामुळे दिवसाचा खेळ थांबवण्यात आला. आतापर्यंत रहाणे आणि रोहित यांच्यात चौथ्या विकेटसाठी 185 धावांची भागीदारी झाली आहे. दुसऱ्या दिवशी दोन्ही फलंदाज मोठा स्कोर उभा करण्याचा प्रयत्न करतील. यादरम्यान, रहाणेदेखील शतक पूर्ण करण्याचे प्रयत्न करेल. रोहितने आतापर्यंत 164 चेंडूंचा सामना केला आहे, त्यामध्ये त्याने 14 चौकार आणि चार षटकार ठोकले आहेत, तर रहाणेने आतापर्यंत 135 चेंडूत 11 चौकार आणि एक षटकार ठोकला आहे.
रांची स्टेडियममध्ये तिसऱ्या टेस्टमध्ये भारताची चांगली सुरुवात झाली आणि 12 धावांवर पहिला धक्का बसला. स्लिपमध्ये डिन एल्गर याच्या हाती मयंक अग्रवाल आफ्रिकन गोलंदाज कगिसो रबाडा याच्या गोलंदाजीवर झेलबाद झाला. अग्रवाल 10 करू शकला. मयंक बाद झाल्यानंतर रबाडाने 16 धावांवर भारताला दुसरा धक्का दिला. चेतेश्वर पुजारा शून्यावर एलबीडब्ल्यू आऊट झाला. चौथ्या क्रमांकावर फलंदाजीस आलेला कर्णधार विराट कोहली जास्त काळ क्रीजवर थांबू शकला नाही आणि 12 धावांवर एनरिच नॉर्टजे यानेत्याला पॅव्हेलियनचा मार्ग दाखविला. यापूर्वी टीम इंडियाने टॉस जिंकून पहिले फलंदाजीचा निर्णय घेतला. तिसऱ्या आणि अंतिम मॅचमध्ये भारतीय संघाच्या प्लेइंग इलेव्हनमध्ये एक बदल करण्यात आला आहे. इशांत शर्मा याला विश्रांती देण्यात आली आहे आणि त्याची जागी डावखुरा फिरकीपटू शाहबाज नदीम याला संधी देण्यात आली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)