India vs Bangladesh 2nd T20 2024 Preview: दुसऱ्या T20 मध्ये भारत आणि बांगलादेश यांच्यात होणार रोमहर्षक सामना, येथे हेड टू हेड, खेळपट्टीचा अहवाल, मिनी लढाई आणि स्ट्रीमिंगे यासह सर्व माहिती पहा
भारत आणि बांगलादेश यांच्यात आतापर्यंत 15 वेळा टी-20 सामना झाला आहे. ज्यामध्ये टीम इंडियाने 13 सामने जिंकले आहेत. तर बांगलादेशला केवळ एकच विजय मिळाला आहे.
Indian National Cricket Team vs Bangladesh National Cricket Team 2nd T20 2024: यांच्यातील तीन सामन्यांच्या T20 मालिकेतील दुसरा सामना 9 ऑक्टोबर रोजी खेळवला जाणार आहे. दोन्ही संघांमधील हा सामना दिल्लीतील अरुण जेटली स्टेडियमवर होणार आहे. पहिल्या T20 मध्ये भारतीय संघाने बांगलादेशचा 7 गडी राखून पराभव केला. या सामन्यात बांगलादेशने प्रथम फलंदाजी करताना 19.5 षटकांत 127 धावा केल्या होत्या. प्रत्युत्तरात भारताने 11.5 षटकांत लक्ष्य गाठले. यासह टीम इंडियाने तीन सामन्यांच्या कसोटी मालिकेत 1-0 अशी आघाडी घेतली आहे. आता भारताच्या नजरा दुसऱ्या सामन्यात बांगलादेशला हरवून मालिका काबीज करण्यावर असतील. दुसरीकडे पाहुणा संघ दुसरा सामना जिंकून मालिकेत 1-1 अशी बरोबरी साधण्याचा प्रयत्न करेल. दुसरा सामनाही रोमांचक होण्याची अपेक्षा आहे. (हेही वाचा - India vs Bangladesh 2nd T20 2024 Live Streaming: भारत आणि बांगलादेश यांच्यातील टी 20 मालिकेतील दुसरा सामना कधी, कुठे आणि कसा पहाल? )
दोन्ही संघांमधील हेड टू हेड आकडेवारी
भारत आणि बांगलादेश यांच्यात आतापर्यंत 15 वेळा टी-20 सामना झाला आहे. ज्यामध्ये टीम इंडियाने 13 सामने जिंकले आहेत. तर बांगलादेशला केवळ एकच विजय मिळाला आहे. दोन्ही संघांमधील शेवटच्या पाच सामन्यांबद्दल बोलायचे झाले तर भारतीय संघाचा वरचष्मा दिसतो. भारताने पाचही सामन्यांमध्ये बांगलादेशचा पराभव केला आहे. तर बांगलादेशने एकही सामना जिंकलेला नाही.
लाईव्ह सामना कधी, कुठे आणि कसा पाहायचा
भारत आणि बांगलादेश यांच्यातील T20 मालिकेचे थेट प्रक्षेपण स्पोर्ट्स नेटवर्क 18 वर उपलब्ध असेल. अशा परिस्थितीत, चाहते स्पोर्ट्स18 1, स्पोर्ट्स 18 1 एचडी आणि स्पोर्ट्स 18 2 चॅनेलवर दुसरा टी-20 सामना पाहू शकतात. याशिवाय जिओ सिनेमा ॲप, फॅनकोड ॲप आणि वेबसाइटवर लाइव्ह स्ट्रीमिंग उपलब्ध असेल. याशिवाय आगामी मालिकेची प्रत्येक क्षणाची माहिती तुम्ही Latestly च्या वेबसाइटवर पाहू शकता.
दोन्ही संघांची प्लेइंग 11
भारताचा प्लेइंग इलेव्हन: अभिषेक शर्मा, संजू सॅमसन (यष्टीरक्षक), सूर्यकुमार यादव (कर्णधार), नितीश रेड्डी, हार्दिक पांड्या, रायन पराग, रिंकू सिंग, वॉशिंग्टन सुंदर, वरुण चक्रवर्ती, अर्शदीप सिंग, मयंक यादव.
बांगलादेशचा प्लेइंग 11: लिटन दास (यष्टीरक्षक), नजमुल हुसेन शांतो (कर्णधार), परवेझ होसेन आमोन, तौहीद हृदयॉय, महमुदुल्ला, झाकेर अली, मेहदी हसन मिराज, रिशाद हुसेन, तंजीम हसन साकिब, मुस्तफिजुर रहमान, शरीफुल इस्लाम.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)