India Beat South Africa: भारताने दक्षिण आफ्रिकेला केले क्लीन स्वीप, शेवटच्या एकदिवसीय सामन्यात 6 गडी राखून मिळवला विजय
भारतीय संघाने तिसऱ्या एकदिवसीय सामन्यात दक्षिण आफ्रिकेचा 6 गडी राखून पराभव केला. या सामन्यात भारतीय संघाने अष्टपैलू कामगिरी केली. खेळाडूंनी प्रथम चेंडूने आणि नंतर बॅटने शानदार खेळ केला.
IND W vs SA W 3rd ODI: एकदिवसीय मालिकेतील शेवटचा सामना भारतीय महिला संघ आणि दक्षिण आफ्रिका महिला संघ (IND W vs SA W) यांच्यात खेळला गेला. भारतीय महिला संघाने हा सामना जिंकला. या विजयासह टीम इंडियाने मालिका 3-0 ने जिंकून दक्षिण आफ्रिकेच्या संघाचा क्लीन स्वीप केला. भारतीय संघाने तिसऱ्या एकदिवसीय सामन्यात दक्षिण आफ्रिकेचा 6 गडी राखून पराभव केला. या सामन्यात भारतीय संघाने अष्टपैलू कामगिरी केली. खेळाडूंनी प्रथम चेंडूने आणि नंतर बॅटने शानदार खेळ केला. भारतीय संघाच्या विजयात स्मृती मंधानाची भूमिका सर्वात महत्त्वाची होती. (हे देखील वाचा: Smriti Mandhana New Record: स्मृती मंधानाने शतक झळकावून इतिहास रचला, 'हा' विक्रम करणारी ठरली पहिली भारतीय महिला खेळाडू)
कसा झाला सामना?
भारत आणि दक्षिण आफ्रिका यांच्यात खेळल्या गेलेल्या तिसऱ्या एकदिवसीय सामन्यात दक्षिण आफ्रिकेच्या कर्णधाराने नाणेफेक जिंकून प्रथम फलंदाजी करण्याचा निर्णय घेतला. जिथे त्यांनी 50 षटकात 8 गडी गमावून 215 धावा केल्या. बंगळुरू येथील एम चिन्नास्वामी येथे झालेल्या या सामन्यात टीम इंडियाच्या गोलंदाजांनी चमकदार कामगिरी केली. दक्षिण आफ्रिकेने पहिल्या विकेटसाठी 102 धावा जोडल्या, पण अरुंधती रेड्डी यांनी भारताला पहिले यश मिळवून दिले आणि येथून दक्षिण आफ्रिकेच्या संघाने वेळोवेळी विकेट गमावण्यास सुरुवात केली. यादरम्यान अरुंधती रेड्डी आणि दीप्ती शर्मा यांनी प्रत्येकी दोन, तर श्रेयंका पाटील आणि पूजा वस्त्राकर यांनी प्रत्येकी एक गडी बाद केला.
भारताने सहज केला धावांचा पाठलाग
धावांचा पाठलाग करताना टीम इंडियाच्या फलंदाजांनी शानदार खेळ केला. स्मृती मानधना आणि शेफाली वर्मा यांनी 61 धावा जोडल्या. यानंतर शेफाली वर्मा 25 धावा करून बाद झाली. शेफाली वर्मा बाद झाल्यानंतर स्मृती मानधनाने वेगवान फलंदाजी सुरूच ठेवली. मात्र, 83 चेंडूत 90 धावा करून ती बाद झाली आणि तिचे शतक हुकले. स्मृती मानधनाने या मालिकेत तिसरे शतक झळकावण्याची उत्तम संधी होती. स्मृती मंधानाशिवाय टीम इंडियाची कर्णधार हरमनप्रीत कौरनेही शानदार फलंदाजी करत 48 चेंडूत 42 धावा जोडल्या. 216 धावांच्या लक्ष्याचा पाठलाग करणाऱ्या टीम इंडियाने 40.4 षटकात 4 गडी गमावून 220 धावा करत सामना सहज जिंकला.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)