IND vs SL ODI 2021: कोविड-19 संकट दरम्यान श्रीलंकन प्रशिक्षकांनी PPE किट परिधान करून सुरु संघाचे प्रशिक्षण (Watch Video)
श्रीलंका टीम सराव सत्र (Photo Credit: YouTube)

IND vs SL ODI 2021: कोरोना व्हायरस महामारीमुळे (Coronavirus Pandemic) गेल्या दीड वर्षात PPE किट्स, मास्क आणि ग्लव्हज सर्वसामान्य प्रमाण बनले आहेत. परंतु बहुतेकजण क्रिकेटच्या मैदानी प्रक्रियेत पहिले गेले नाही. मात्र श्रीलंकेच्या संघात (Sri Lanka Team) कोविड-19 भीतीमुळे क्रिकेटने डसुन शनाकाच्या नेतृत्वातील संघास पीपीई किट, मास्क आणि हातमोजे घालून प्रशिक्षण घेण्यास भाग पाडले आहे. भारताविरुद्ध वनडे मालिकेसाठी प्रेमदासा स्टेडियमवर श्रीलंकेच्या संघाने सोमवारी सराव सत्र सुरू केले असून लंकन बोर्डाने त्यांचा व्हिडिओ यूट्यूब अकाउंटवर शेअर केला. श्रीलंका क्रिकेटवर शेअर केलेल्या व्हिडिओमध्ये श्रीलंकेच्या नेट्स प्रशिक्षण सत्रादरम्यान लंकेचे प्रशिक्षक आणि सहाय्यक कर्मचारी गट पीपीई किट परिधान केलेले दिसून येत आहेत. (IND vs SL 1st ODI Likely Playing XI: पहिल्या वनडे सामन्यात भारत-श्रीलंका आमने सामने, अशी असेल धवनच्या ‘आर्मी’ची संभावित प्लेइंग इलेव्हन)

श्रीलंकेच्या पहिल्या संघात ज्येष्ठ खेळाडू दासुन शनाका, कुसल परेरा, दुश्मंथ चमेरा आणि धनंजया डी सिल्वा यांची भारतविरुद्ध मर्यादित षटकांच्या मालिकेपूर्वी RT-PCR चाचणी नकारात्मक आली आहे. श्रीलंका संघात कोविड-19 चा शिरकाव झाल्यामुळे 13 जुलै रोजी सुरु होणारी वनडे मालिका पाच दिवस पुढे ढकलण्यात आली. पीपीई किट परिधान केलेले श्रीलंकेचे प्रशिक्षक 18 जुलैपासून वनडे मालिकेनाही आपल्या फलंदाजांना प्रशिक्षण देताना दिसत आहे. आपल्या फलंदाजाला प्रशिक्षण देण्यासाठी प्रशिक्षकांनी पीपीई किट आणि मास्क घालून गोलंदाजीही केली. श्रीलंकन संघ इंग्लंडहून परतला आणि फलंदाजी प्रशिक्षक ग्रँट फ्लॉवर व डेटा विश्लेषक जी टी निरोशन यांची कोविड- 19 चाचणी सकारात्मक आल्यावर खेळाडूंना क्वारंटाईन राहण्यास भाग पाडले. दरम्यान, 13 जुलै ऐवजी पहिला वनडे सामना 18 लै रोजी कोलंबोच्या आर प्रेमदासा स्टेडियमवर दुपारी 3 वाजेपासून खेळला जाईल, तर टी-20 सामने 25 जुलैपासून रात्री 8 वाजता खेळले जातील. दुसरीकडे, शिखर धवनच्या नेतृत्वात भारतीय क्रिकेटपटूही श्रीलंकेत सराव करत आहेत. सुदैवाने, भारतीय संघ आतापर्यंत कोविड-19 प्रकरणांपासून सुरक्षित आहे.

भारताचा संघ: शिखर धवन (कॅप्टन), पृथ्वी शॉ, देवदत्त पडिक्क्ल, रुतुराज गायकवाड, सूर्यकुमार यादव, मनीष पांडे, हार्दिक पांड्या, नितीश राणा, ईशान किशन (विकेटकीपर), संजू सॅमसन (विकेटकीपर), युजवेंद्र चहल, राहुल चाहर, के गौथम, क्रुणाल पांड्या, कुलदीप यादव, वरुण चक्रवर्ती, भुवनेश्वर कुमार (उपकर्णधार), दीपक चाहर, नवदीप सैनी आणि चेतन सकारीया.

नेट गोलंदाजः ईशान पोरेल, संदीप वारियर, अर्शदीप सिंह, सई किशोर, सिमरजित सिंह,