IND vs SA Series 2022: रस्सी व्हॅन डेर डुसेनने त्याच्या ड्रॉप कॅचबाबत सोडले मौन, ‘त्याचे परिणाम भारतीय संघाला भोगावे लागले’

IND vs SA 1st T20I: दिल्लीतील अरुण जेटली स्टेडियमवर गुरुवारी दक्षिण आफ्रिकेने (South Africa) पहिल्या टी-20 सामन्यात भारताच्या (India) 211 धावांच्या लक्ष्याचा सहज पाठलाग केला. आफ्रिकेने हा सामना पाच चेंडू बाकी असताना 7 विकेटने खिशात घातला. आफ्रिकेच्या या विजयात डेव्हिड मिलर आणि रस्सी व्हॅन डर डुसेन (Rassie van der Dussen) यांच्या शतकी भागीदारीचा मोठा वाटा आहे. दक्षिण आफ्रिकेचा फलंदाज व्हॅन डर डुसेनने सांगितले की, आयपीएलमध्ये खेळून त्यांच्या खेळाडूंना खूप फायदा झाला आणि या विजयात त्यांनी महत्त्वाची भूमिका बजावली. व्हॅन डर डुसेनने पहिल्या सामन्यात 46 चेंडूत नाबाद 75 धावा केल्या. 33 वर्षीय फलंदाज क्रीजवर आल्यानंतर धावा काढण्यासाठी धडपडताना दिसला. यादरम्यान, श्रेयस अय्यरने (Shreyas Iyer) 16व्या षटकात 29 धावांच्या वैयक्तिक धावसंख्येवर त्याचा झेल सोडल्याने तो भाग्यवान ठरला. (IND vs SA Series 2022: टीम इंडियाच्या पराभवाचा ‘हा’ खेळाडू ठरला सर्वात मोठा खलनायक, पुढच्या सामन्यात होईल पत्ता कट!)

व्हॅन डर डुसेन म्हणाला, “मला दडपण जाणवत होते, कारण मला लवकर चौकार मिळाले नाहीत, पण मला वाटते की हे हेतू किंवा नियोजनाच्या अभावामुळे झाले नाही. कधीकधी असे घडत नाही. मी भाग्यवान होतो, श्रेयस होता. त्याने चेंडू पकडला असता तर सामना वेगळा झाला असता.” तो म्हणाला, “माझ्यासाठी महत्त्वाची गोष्ट म्हणजे जेव्हा त्याने झेल सोडला तेव्हा त्याला त्याची किंमत चुकवावी लागेल असे वाटले. कारण ही अशी विकेट होती जिथे थोडा वेळ क्रिझवर राहिल्यानंतर फलंदाजी करणे सोपे होते,” तो म्हणाला. “नक्कीच दोन महिने इथे राहिल्याने आम्हाला परिस्थितीशी झटपट जुळवून घेता आले,” तो म्हणाला.

मिलरसोबतच्या भागीदारीबाबत तो म्हणाला, “डेव्हिडने येथेही आयपीएलची लय कायम ठेवली आणि सुरुवातीपासूनच गोलंदाजांवर दबाव आणला. त्याच्या आक्रमक खेळामुळे मला क्रीजवर स्थिरावण्यास मदत झाली. आम्ही स्ट्राइक रोटेट करून पुढे चालू ठेवला आणि शेवटपर्यंत चालू ठेवला. मी भाग्यवान होतो की मला जीवनदान मिळाले आणि मी त्याच उपयोग करू शकलो.” दक्षिण आफ्रिकेच्या फलंदाजीदरम्यान श्रेयस अय्यरने डीप मिड-विकेटवर व्हॅन डर डुसेनचा सोपा झेल सोडला. त्यावेळी तो 31 चेंडूत 29 धावांत खेळत होता. मात्र, या जीवदानाचा पुरेपूर फायदा घेत त्याने संघाला विजय मिळवून दिला. डुसेनने अवघ्या 46 चेंडूंत 7 चौकार आणि 5 षटकारांसह 75 धावांची जबरदस्त खेळी केली.

(The above story first appeared on LatestLY on Jun 10, 2022 04:15 PM IST. For more news and updates on politics, world, sports, entertainment and lifestyle, log on to our website latestly.com).