IND vs ENG 3rd T20, Rajkot Pitch Report And Stats: निरंजन शाह स्टेडियमची खेळपट्टी फलंदाजांसाठी फायदेशीर की गोलंदाजांसाठी? घ्या जाणून पिच रिपोर्ट

Indian National Cricket Team vs England National Cricket Team 3rd T20 2025 Pitch Report: भारतीय राष्ट्रीय क्रिकेट संघ आणि इंग्लंड राष्ट्रीय क्रिकेट संघ (IND vs ENG) यांच्यातील तिसरा टी 20 सामना 28 जानेवारी रोजी खेळला जाणार आहे. दोन्ही संघांमधील हा सामना राजकोटमधील निरंजन शाह स्टेडियमवर खेळला जाईल. पाच सामन्यांच्या मालिकेत टीम इंडिया 2-0 ने आघाडीवर आहे. पहिल्या टी-20 सामन्यात भारताने इंग्लंडचा 7 विकेट्सने पराभव केला. तर दुसऱ्या टी 20 मध्ये त्यांनी 2 धावांनी विजय मिळवला. आता तिसऱ्या टी-20 मध्ये भारतीय संघ मालिका जिंकण्यासाठी उत्सुक आहे. दुसरीकडे, इंग्लंड संघ तिसऱ्या टी-20 मध्ये पुनरागमन करू इच्छितो. पाहुणा संघ राजकोट सामना जिंकून मालिकेतील पहिला विजय नोंदवण्याचा प्रयत्न करेल. अशा परिस्थितीत, राजकोटच्या खेळपट्टीची आकडेवारी जाणून घेऊया आणि खेळपट्टीवरून कोणाला मदत मिळेल? फलंदाज की गोलंदाजांना जाणून घेऊ. (Team India T20I Stats In Rajkot: टी-20 आंतरराष्ट्रीय क्रिकेटमध्ये टीम इंडियाची राजकोटमध्ये अशी आहे कामगिरी, येथे पाहा 'मेन इन ब्लू'ची आकडेवारी)

निरंजन शाह स्टेडियम, राजकोट - खेळपट्टीचा अहवाल

निरंजन शाह स्टेडियमची खेळपट्टी फलंदाजांना अनुकूल म्हणून ओळखली जाते. जिथे सातत्याने चेंडूला उसळी आणि चांगला वेग मिळतो. प्रथम फलंदाजी करणाऱ्या संघांना अनेकदा फायदा असतो कारण ते मोठी धावसंख्या उभारू शकतात आणि दुसऱ्या संघावर दबाव निर्माण करू शकतात. या मैदानावर लक्षाचा पाठलाग करणे कठीण असू शकते. कारण खेळ जसजसा पुढे जाईल तसतशी परिस्थिती अधिक कठीण होत जाते.

निरंजन शाह स्टेडियमवरील टी 20 सामन्यांची आकडेवारी

मीडिया रिपोर्ट्सनुसार, राजकोटच्या निरंजन शाह स्टेडियमवर आतापर्यंत एकूण 5 टी-20 सामने खेळले गेले आहेत. ज्यामध्ये प्रथम फलंदाजी करणाऱ्या संघाने 3 वेळा विजय मिळवला आहे. तर दुसऱ्या क्रमांकावर फलंदाजी करणाऱ्या संघाने 2 वेळा विजय मिळवला आहे.

निरंजन शाह स्टेडियमवर पहिल्या डावातील सरासरी धावसंख्या: 189

निरंजन शाह स्टेडियमवर दुसऱ्या डावातील सरासरी धावसंख्या: 147

निरंजन शाह स्टेडियमवर सर्वाधिक सांघिक धावसंख्या टीम इंडियाने केली. श्रीलंकेविरुद्ध प्रथम फलंदाजी करताना टीम इंडियाने 5 बाद 228 धावा केल्या. याशिवाय, दक्षिण आफ्रिकेने या मैदानावर सर्वात कमी धावसंख्या केली आहे. टीम इंडियाविरुद्ध दक्षिण आफ्रिकेचा संघ 87 धावांवर गारद झाला.

दोन्ही संघांचे खेळाडू

भारत: सूर्यकुमार यादव (कर्णधार), संजू सॅमसन, अभिषेक शर्मा, तिलक वर्मा, हार्दिक पंड्या, रिंकू सिंग, नितीश कुमार रेड्डी, अक्षर पटेल, हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई, वॉशिंग्टन सुंदर, ध्रुव जुरेल.

इंग्लंड: जोस बटलर (कर्णधार), रेहान अहमद, जोफ्रा आर्चर, गस अ‍ॅटकिन्सन, जेकब बेथेल, हॅरी ब्रूक, ब्रायडन कार्स, बेन डकेट, जेमी ओव्हरटन, जेमी स्मिथ, लियाम लिव्हिंगस्टोन, आदिल रशीद, साकिब महमूद, फिलिप साल्ट, मार्क वूड

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)