IND vs AUS 3rd Test 2024 4th Day Weather Report: ब्रिस्बेनमध्ये चौथ्या दिवशी कसे असेल हवामान, पाऊस पुन्हा ठरणार खलनायक?
पहिल्या दिवशी पावसामुळे केवळ 13.2 षटकांचाच खेळ होऊ शकला. त्यानंतर दुसऱ्या दिवशी पूर्ण खेळ झाला आणि तिसऱ्या दिवशी पुन्हा पावसाने दणका दिला. अशा स्थितीत आता चौथ्या दिवशीही पावसामुळे खेळ खराब होणार का, असा प्रश्न चाहत्यांच्या मनात निर्माण होत आहे.
Australia Men's National Cricket Team vs Indian National Cricket Team: भारत आणि ऑस्ट्रेलिया यांच्यात ब्रिस्बेनमधील गाबा येथे बॉर्डर-गावस्कर ट्रॉफीची तिसरा कसोटी सामना खेळवला जात आहे. सामन्याचे तीन दिवस पूर्ण झाले असून, त्यात दोन दिवस (पहिला आणि तिसरा) पावसाने चाहत्यांची निराशा केली आहे. पहिल्या दिवशी पावसामुळे केवळ 13.2 षटकांचाच खेळ होऊ शकला. त्यानंतर दुसऱ्या दिवशी पूर्ण खेळ झाला आणि तिसऱ्या दिवशी पुन्हा पावसाने दणका दिला. अशा स्थितीत आता चौथ्या दिवशीही पावसामुळे खेळ खराब होणार का, असा प्रश्न चाहत्यांच्या मनात निर्माण होत आहे. चला तर मग जाणून घेऊया चौथ्या दिवशी ब्रिस्बेनमध्ये हवामान कसे असेल.
तिसऱ्या दिवशी 33.1 षटकांचा होऊ शकला खेळ
तिसऱ्या दिवशी पावसामुळे केवळ 33.1 षटकांचा खेळ होऊ शकला. सामन्याच्या तिसऱ्या दिवशी पावसामुळे जवळपास आठ वेळा खेळ थांबवण्यात आला. सततच्या पावसामुळे खेळाडूंना खेळावर जास्त लक्ष केंद्रित करता आले नाही. (हे देखील वाचा: India WTC Final Scenario: गाबामध्ये पराभव झाला तर भारताच्या अडचणी वाढणार, डब्ल्यूटीसी फायनलसाठी 'या' संघांवर राहावे लागणार अवलंबून)
खेळाच्या चौथ्या दिवशी कसे असेल हवामान?
गाबा कसोटीच्या चौथ्या दिवशी ब्रिस्बेनमध्ये पावसाचा कहर होऊ शकतो. Accuweather च्या मते, कसोटीच्या चौथ्या दिवशी पावसाची जवळपास 100 टक्के शक्यता आहे. अशा स्थितीत चौथा दिवस पावसाने पूर्णपणे गमावला असे म्हणता येईल. या काळात कमाल तापमान 31 अंशांच्या आसपास आणि किमान तापमान 25 अंशांच्या आसपास राहू शकते. दिवसभरात ताशी 15 किमी वेगाने वारेही वाहू शकतात.
भारताची अवस्था वाईट
आतापर्यंत पूर्ण झालेल्या तीन दिवसांच्या खेळात टीम इंडियाची स्थिती खराब झाली आहे. या सामन्यात ऑस्ट्रेलियाने प्रथम फलंदाजी करत 445/10 धावा केल्या. त्यानंतर प्रत्युत्तरात पहिल्या डावात फलंदाजीसाठी आलेल्या टीम इंडियाने तिसऱ्या दिवसअखेर 4 विकेट्स गमावल्या. तिसऱ्या दिवसअखेर भारताची धावसंख्या 51/4 अशी आहे. यावेळी केएल राहुल 33 धावा करून खेळत असून रोहित शर्मा खाते न उघडता खेळत आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)