IND vs AUS 1st Test: विराट कोहलीच्या रडारवर सचिन तेंडुलकर, रिकी पॉन्टिंग यांचे विक्रम; माजी Aussie कर्णधाराला पछाडत वर्ल्ड रेकॉर्डची संधी

IND vs AUS 1st Test at Adelaide: अ‍ॅडिलेडमध्ये (Adelaide) भारत (India)-ऑस्ट्रेलियामध्ये (Australia) यंदाची सर्वात मोठी कसोटी मालिका खेळली जाणार आहे. बॉर्डर-गावस्कर ट्रॉफीवर (Border-Gavaskar Trophy) पुन्हा एकदा आपले नाव कोरणे भारताचे पहिले उद्दीष्ट असेल तर कर्णधार विराट कोहलीच्या रडारवर मास्टर-ब्लास्टर सचिन तेंडुलकर (Sachin Tendulkar), माजी ऑस्ट्रेलियन कर्णधार रिकी पॉन्टिंग (Ricky Ponting) आणि महान वेस्ट इंडिज फलंदाज ब्रायन लारा (Brian Lara) यांचे विक्रम असतील. रेकॉर्ड बनले आणि मोडले जातात, पण कधीकधी आयुष्यात खेळाडूला दुसर्‍याचा विक्रम मोडण्यास काही वेळ लागतो. आणि ऑस्ट्रेलियाविरुद्ध पहिल्या कसोटी सामन्यात विराटला या तीन महान फलंदाजांच्या जादूई आकड्यांना मागे टाकण्याची दौऱ्यावर अंतिम संधी असेल. याचे कारण म्हणजे, विराट पहिल्या टेस्ट मॅचनंतर आपल्या पहिल्या बाळाच्या जन्मासाठी मायदेशी रवाना होणार आहे. तर मग आज आपण जाणून घेऊया असे तीन रेकॉर्डस् जे 'किंग कोहली' पहिल्या कसोटी सामन्यात मोडू शकतो. (IND vs AUS 1st Test: स्टीव्ह स्मिथच्या दुखापतीवर ऑस्ट्रेलियन कर्णधार टिम पेनने दिला मोठा अपडेट, पहिल्या टेस्ट मॅचपूर्वी पाहा काय म्हणाला)

कोहलीने कर्णधार म्हणून आजवर माजी ऑस्ट्रेलियन कर्णधार पॉन्टिंग इतकेच 41 आंतरराष्ट्रीय शतके ठोकली आहेत. कोहलीची केवळ डे-नाईट टेस्टमध्ये भाग घेणार असल्याने त्याच्याकडे पॉन्टिंगला पछाडत विश्वविक्रम करण्यासाठी दोन संधी असेल. विशेष म्हणजे कोहली हा पॉन्टिंगपेक्षा 100 हुन कमी सामन्यांमध्ये मैलाचा दगड साध्य करेल. कोहली पॉन्टिंगला बरोबरी किंवा त्याला मागे टाकण्याच्या मार्गावर आहेत. पॉन्टिंगने 71 आंतरराष्ट्रीय शतकं केली असून विराटने 2008 पासून 70 शतके केली आहेत. विराट सध्या ऑल-टाइम यादीत तिसऱ्या स्थानावर असून पहिल्या सामन्यात शतकांसह दोन वेळा विश्वचषक जिंकणारा ऑस्ट्रेलियाचा कर्णधाराची बरोबरी करण्याची त्याला संधी आहे. इतकंच नाही तर वेस्ट इंडिज फलंदाज लाराच्या अ‍ॅडिलेड ओव्हलमध्ये गैर ऑस्ट्रेलियन फलंदाजाने केलेल्या सर्वाधिक 610 धावांच्या फक्त 179 धावांनी मागे आहे. लाराने 4 सामन्यात 76.25 च्या सरासरीने धावा फटकावल्या आहे ज्यात दोन शतके आणि तितकेच अर्धशतक आहेत तर विराटने 4 सामन्यांमध्ये या मैदानावर 431 धावा केल्या आहेत.

दुसरीकडे, डाऊन अंडर सर्वाधिक शतकं करणारा 'क्रिकेटचा देव' सचिन तेंडुलकर हा एकमेव भारतीय आहे. सचिनने कांगारू देशात 20 सामन्यात 6 शतकं केली आहेत तर विराटने देखील तितकीच शतकं 12 मॅचमध्ये केले आहेत. ऑस्ट्रेलियामध्ये आणखी एक शतक विराटला सचिनच्या पुढे नेईल. कोहली सामना जिंकण्याच्या प्रक्रियेवर विश्वास ठेवतो, त्यामुळे मायदेशी रवाना होण्यापूर्वी भारतासाठी पहिला कसोटी सामना जिंकणे, परंतु तेंडुलकर, पॉन्टिंग आणि लारा यांच्या विक्रमांना मागे टाकणे त्याच्यासाठी नक्कीच खास ठरेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)