विराट कोहली-हर्शल गिब्‍स (Photo Credit: Instagram/Getty)

क्रीडा चाहते, एथलीट्स आणि अगदी प्रशासकीय संस्था यांच्याकडे बरेच काही करण्यासारखे नसले तरी कोरोना व्हायरसमुळे हे सर्व स्वत: ला या अलिप्ततेच्या काळात व्यस्त ठेवण्यासाठी अनोखे मार्ग शोधण्याचा प्रयत्न करीत आहेत. आंतरराष्ट्रीय क्रिकेट परिषद (ICC) ने स्वतःचा एक खेळ तयार करण्याचा निर्णय घेतला ज्याला 'आयसोलेशन गेम' म्हटले गेले, ज्याचा खुलासा त्यांनी सोशल मीडियावरून केला. खेळाचे नियम सोपे आहेत - आपल्या जन्माच्या महिन्यानुसार आपला आयसोलेशन साथीदार निवडा. कोरोना विषाणूने संपूर्ण जग व्यापून टाकले आहे. लोकांना आता साथीचा प्रादुर्भाव रोखण्यासाठी स्वत:ला अलग ठेवण्यास सांगितले जात आहे. परिस्थिती सुधारण्यापर्यंत जगातील जवळपास सर्व खेळांच्या स्पर्धा पुढे ढकलण्यात आल्या आहेत. या अलिप्ततेच्या वेळी आयसीसीने लोकांना एक प्रश्न विचारला आहे, ज्याचे मजेदार उत्तरे येत आहेत. (क्रिकेटविश्वात Coronavirus चा शिरकाव; जगात पहिल्यांदा क्रिकेटपटूला कोरोना व्हायरसची लागण)

दक्षिण आफ्रिकेचा माजी फलंदाज हर्शल गिब्स (Herschelle Gibbs) आणि ऑस्ट्रेलियाचा सलामी फलंदाज डेविड वॉर्नर (David Warner) यांनी आयसीसीच्या या खेळावर प्रतिसाद दिला. फेब्रुवारी (23) मध्ये जन्मलेल्या गिब्सला विराट कोहलीला आपला साथीदार म्हणून मिळाला आणि तो खूप उत्साही दिसत होता. क्वॉरैंटाइनमध्ये मी आणि विराट कोहली (Virat Kohli) जिममध्ये. यानंतर नंतर वॉर्नरने सांगितले की आपण न्यूझीलंडचा कर्णधार केन विल्यमसन (Kane Williamson) समवेत एक टिकटॉक व्हिडिओ बनवेल. आयसीसीने 10 गोष्टी सांगितल्या ज्या खेळाडूला दुसऱ्या खेळाडूबरोबर कराव्या लागणार आहेत, ज्या त्याच्या मोबाइल नंबरच्या शेवटच्या अंकातून निवडले जाईल. मग काय होतं, इतर खेळाडूंनीही या रोमांचक गेममध्ये उडी घेतली.

कोरोना व्हायरससारख्या धोकादायक साथीच्या आजारामुळे सर्व प्रकारच्या स्पर्धा, लीग काही काळ रद्द करण्यात आले आहेत. ज्यामुळे सर्व खेळाडूंना घर राहावे लागत आहे. यापूर्वी आयपीएलदेखील 29 मार्च रोजी सुरु होणार होतं पण कोरोना व्हायरसचा वाढता धोका पाहता त्याला 15 एप्रिलपर्यंत स्थगित करण्यात आले. दरम्यान, या व्हायरसमुळे जगभर तब्बल 10,000 हुन अधिक जण मरण पावले आहे, 230,000 लोकांची सकारात्मक चाचणी समोर आली आहे.