David Warner Retirement: 'मला खेळायचे आहे...', डेव्हिड वॉर्नरने निवृत्तीपासून घेतला यू-टर्न? चॅम्पियन्स ट्रॉफी 2025 मध्ये पुनरागमनाचे दिले संकेत!
David Warner: सुपर-8 खेळल्यानंतर 2024 च्या टी-20 विश्वचषकातून ऑस्ट्रेलिया बाहेर पडल्यानंतर डेव्हिड वॉर्नरने आंतरराष्ट्रीय क्रिकेटमधून निवृत्ती जाहीर केली होती. पण आता त्याने आपल्या इंस्टाग्रामवर एक पोस्ट टाकून सर्वांना आश्चर्यचकित केले आहे.
David Warner U-turn from Retirement: डेव्हिड वॉर्नर (David Warner) हा ऑस्ट्रेलियन क्रिकेटमधील यशस्वी क्रिकेटपटूंपैकी एक आहे. वॉर्नरने जानेवारीमध्ये कसोटी क्रिकेटमधून निवृत्ती घेतली. यापूर्वी, त्याने असेही सांगितले होते की एकदिवसीय विश्वचषक 2023 हा त्याचा शेवटचा 50 षटकांचा सामना असेल. सुपर-8 खेळल्यानंतर 2024 च्या टी-20 विश्वचषकातून ऑस्ट्रेलिया बाहेर पडल्यानंतर डेव्हिड वॉर्नरने आंतरराष्ट्रीय क्रिकेटमधून निवृत्ती जाहीर केली होती. पण आता त्याने आपल्या इंस्टाग्रामवर एक पोस्ट टाकून सर्वांना आश्चर्यचकित केले आहे. जिथे डेव्हिड वॉर्नरने चॅम्पियन्स ट्रॉफी 2025 मध्ये Champions Trophy 2025) खेळण्याचे संकेत दिले आहेत.
डेव्हिड वॉर्नरने आपल्या इंस्टाग्राम पोस्टने सर्वांना केले आश्चर्यचकित
अलीकडेच, डेव्हिड वॉर्नरने आपल्या कारकिर्दीची आठवण करून इंस्टाग्रामवर लिहिलेल्या एका पोस्टमध्ये, पुढील वर्षी फेब्रुवारी-मार्च 2025 मध्ये पाकिस्तानमध्ये खेळल्या जाणाऱ्या चॅम्पियन्स ट्रॉफीचा पुन्हा एकदा उल्लेख केला आहे. (हे देखील वाचा: Fastest Centuries in T20I: भारताची टी-20 मध्ये 3 वेगवान शतके, रोहित-सूर्याचाही यादीत समावेश; आता अभिषेक शर्माने मारली ऍन्ट्री)
त्याच्या इंस्टाग्राम पोस्टमध्ये डेव्हिड वॉर्नरने लिहिले - "बऱ्याच काळापासून सर्वोच्च स्तरावर खेळणे हा माझ्यासाठी अविश्वसनीय अनुभव होता. ऑस्ट्रेलिया हा माझा संघ होता. माझ्या कारकिर्दीचा बहुतांश भाग आंतरराष्ट्रीय स्तरावर राहिला आहे. माझ्यासाठी हा सन्मान होता. सर्व फॉरमॅटमध्ये १०० हून अधिक सामने खेळणे ही माझ्यासाठी सर्वात मोठी उपलब्धी आहे.
यानंतर त्याने लिहिले- "मी काही काळ फ्रँचायझी क्रिकेट खेळत राहीन, आणि निवड झाल्यास मी चॅम्पियन्स ट्रॉफीमध्ये ऑस्ट्रेलियाकडून खेळण्यासही तयार आहे."
डेव्हिड वॉर्नर निवृत्तीपासून ब्रेक घेणार का?
याची शक्यता फारच कमी आहे कारण डेव्हिड वॉर्नर या स्पर्धेपूर्वी ऑस्ट्रेलियाकडून एकही सामना खेळू शकणार नाही. ऑस्ट्रेलिया सप्टेंबरमध्ये इंग्लंड दौऱ्यावर जाणार असून तेथे एकदिवसीय मालिका खेळायची आहे. यानंतर, नोव्हेंबरमध्ये पाकिस्तानचा दौरा आहे जिथे वॉर्नर ज्याला आपला उत्तराधिकारी मानतो जेक फ्रेझर-मॅकगर्क यांला सलामीची संधी मिळू शकते. वॉर्नरने 45.30 च्या सरासरीने 6932 धावा आणि 22 शतकांसह एकदिवसीय कारकिर्दीचा शेवट केला. हा आकडा रिकी पाँटिंगनंतरचा दुसरा सर्वोत्तम आकडा आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)