ICC अध्यक्ष बनण्यावर सौरव गांगुलीने सोडले मौन, कारकिर्दीत एकदा मिळणाऱ्या 'या' सन्माननीय पदाबद्दल पाहा काय म्हणाले BCCI प्रमुख

आयसीसीचे माजी अध्यक्ष शशांक मनोहर यांनी तिसऱ्यांदा पदासाठी न लढण्याचा निर्णय घेतल्यावर बीसीसीआय अध्यक्ष आणि माजी भारतीय कर्णधार सौरव गांगुली (Sourav Ganguly) आयसीसीचे (ICC) पुढील अध्यक्ष होण्याची शक्यता वर्तविण्यात जात आहे. डेविड गॉवर, ग्रॅमी स्मिथ या माजी क्रिकेटपटूंनी गांगुलीच्या नेतृत्त्वाच्या गुणांचे कौतुक केले आणि जागतिक स्तरावरील स्थानासाठी त्याला पाठिंबा दर्शविला. काही दिवसांत गांगुलीने इंग्लंड अँड वेल्स क्रिकेट बोर्डाचे (ECB) चेअरमन कॉलिन ग्रेव्हस यांना प्रतिष्ठित पदासाठी प्रतिस्पर्धी म्हणून सहज हरवले. पण, गांगुलीचे मत वेगळे आहेकारण आयसीसीमधील भूमिका बदलल्या असल्याचे लक्षात आले आहे. बीसीसीआय (BCCI) आपल्या कोणत्याही सदस्याला मंडळावर दोन पदं ठेवण्यास प्रतिबंधित करते परंतु त्यांना बाहेरील कोणतीही पदे भूषविण्यास मोकळे करते पण उलट आयसीसी मात्र हा फायदा देत नाही. आयसीसीच्या अध्यक्षपदाची सूत्रे हाती घेण्यापूर्वी आपली पूर्वीची भूमिका सोडावी लागते. (सध्याच्या भारतीय टीममधील 'या' 5 खेळाडूंची सौरव गांगुलीने त्याच्या टेस्ट संघात केली निवड, मयंक अग्रवालसोबत मुलाखतीत केला खुलासा)

"शेवटी ते बोर्डवर अवलंबून आहे. हा एक निर्णय आहे जो मंडळाने संयुक्तपणे घेतला आहे. आणि आयसीसी मधील भूमिका बदलल्या आहेत. जर आपण आयसीसीचे स्वतंत्र अध्यक्ष असाल तर आपल्याला बोर्डातील स्थान सोडावे लागेल. आपण दोन्ही पदं ठेवू शकता तो नियम पूर्वीसारखा नाही. आणि हा बीसीसीआयकडून बदल नाही, आयसीसीकडून केलेला बदल आहे." शिवाय, सध्या तरी गांगुली निर्णय घेण्याची घाई करू इच्छित नाही. आयसीसीचे अध्यक्ष होणे ही मानद नोकरी आहे असे मत ज्येष्ठ खेळाडूने व्यक्त केले.

“सध्याची बीसीसीआय नियम आपल्याला पदं भूषविण्यास परवानगी देते. आपणास बीसीसीआयमध्ये 2 पदं ठेवण्याची परवानगी नाही परंतु बीसीसीआयमध्ये आणि अन्य जसे एसीसी किंवा आयसीसी असले. पण आयसीसी परवानगी देत नाही,” गांगुलीने सांगितले. “या टप्प्यावर ते योग्य आहे की नाही हे मला माहित नाही किंवा या टप्प्यात मला बीसीसीआय सोडण्याची परवानगी मिळणार आहे की नाही माहित नाही. आणि मी घाईत नाही. मी तरुण आहे आणि आपण हे कायमचे करणार नाही,” असेही त्यांनी म्हटले.