IND vs SL: टीम इंडियाच्या 'या' खेळाडूवर गावस्कर संतापले, कर्णधार हार्दिक पांड्या साठी ठरला डोकेदुखी

IND vs SL: टीम इंडियाचा स्टार वेगवान गोलंदाज अर्शदीप सिंहने (Arshdeep Singh) दुसऱ्या सामन्यात एक असा विक्रम केला जो कोणालाही मोडायला आवडणार नाही. अर्शदीपने श्रीलंकेविरुद्धच्या दुसऱ्या टी-20 सामन्यात एकूण 5 नो बॉल टाकले. अर्शदीपचे ओव्हर टीम इंडियाच्या पराभवाचे मोठे कारण ठरले. यानंतर अर्शदीपला सतत टीकेला सामोरे जावे लागत आहे. भारताचा दिग्गज फलंदाज सुनील गावस्कर (Sunil Gavaskar) यांनीही अर्शदीपबाबत मोठे वक्तव्य केले आहे. अर्शदीप आजारपणामुळे मुंबईतील पहिला सामना खेळू शकला नाही आणि दुसऱ्या सामन्यासाठी पुण्यात परतला आणि त्याने सामन्याच्या पहिल्या षटकात सलग तीन नो बॉल टाकले, दोन षटकांच्या स्पेलमध्ये 37 धावा दिल्या.

गावस्कर संतापले

सुनील गावसकर म्हणाले, "व्यावसायिक म्हणून तुम्ही असे करू शकत नाही. आम्ही सहसा असे ऐकतो की जेव्हा खेळाडू म्हणतात की गोष्टी आमच्या नियंत्रणात नाहीत. नो बॉल टाकणे तुमच्या नियंत्रणात आहे. तुम्ही गोलंदाजी केल्यानंतर फलंदाज काय करू शकतो? तो, तो वेगळा मुद्दा आहे. नो बॉल न टाकणे तुमच्या हातात आहे." (हे देखील वाचा: IND vs SL 3rd T20 Pitch Report: राजकोटच्या खेळपट्टीवर गोलंदाज किंवा फलंदाजा पैकी कोणाला मिळते सर्वाधिक मदत, घ्या जाणून)

हार्दिकही झाला नाराज

कर्णधार हार्दिकने 19व्या षटकापर्यंत अर्शदीपला गोलंदाजीसाठी बोलावले नाही. अर्शदीपने शेवटच्या षटकात चांगली गोलंदाजी केली पण कर्णधाराने उमरान मलिकला त्याच्या जागी 18 वे षटक टाकण्यासाठी बोलावले. उमरानचा वेग चांगला असला तरी त्याला यॉर्कर्सवर खूप मेहनत करावी लागेल. त्याचा वेग चांगला आहे पण डेथ ओव्हर्समध्ये हा वेगही त्याचा शत्रू ठरतो. उमरानने त्या षटकात 21 धावा दिल्या. या सामन्यात अर्शदीपने एकूण पाच नो बॉल टाकले. टी-20 आंतरराष्ट्रीय सामन्यात कोणत्याही गोलंदाजाने टाकलेल्या नो बॉलची ही सर्वाधिक संख्या आहे.

भारतीय गोलंदाजांनी 7 नो बॉल टाकले

शिवम मावी आणि उमरान यांनीही प्रत्येकी एक नो बॉल टाकला आणि एकूण भारतीय गोलंदाजांनी या सामन्यात 7 नो बॉल टाकले. केवळ नो बॉल आणि फ्री हिट्समुळे भारताला 27 धावा द्याव्या लागल्या आणि त्यांचा संघ हा सामना 16 धावांनी हरला.